zohchunawk tthabik Khrihfabu tiah kan ruahmi Zophei Iowa Christian Church

CNF family zohkhenhnak UCCF cung ah Vawlei cung Chin Khrihfabu vialte lak ah 2019 kum ah zohchunhawk tthabik khrihfabu tiah thimmi Zophei Iowa Chrisrian Church (ZICC) member cheukhat pawl hmanthlak. (Nuhmei nu nih a ngeih chun phaisa phar 2 a pek mi cu mirum pa nih tampi a pek mi nak in Pathian hmai/mit ah a ngan deuh) Vawilei cung ramkip i kan Chin khrihfabu tampi nih miphun nan dawt ruang, CNF nan ttanh ruang le kan Pathian nawl nan ngaih ruang ah UCCF ah mission rian nan ti khawh chung in nan ruak ttuan cio mi kan hmuh tik ah CNF le UCCF rianttuantu kan ni lawm i kan rianttuan tha nan dam ter. Kan sin ah mission rian ttha a tttuan kho rih lo mi zong nan um rih nain, kan mah UCCF rianttuan tu nan sin ah rak rat in rak chim nak caanttha kan ngeih rih lo ca tu ah a si i, hi UCCF hi mission filed tthatuk, a bia pi tuk ti nan vun hmuh tik ah cun nan rak i tel ve hrim hrim te ko lai tiah kan zumh. A cheu khrihfabu cu Pathian nawl nan ngaih ruang ah CNF rianttuan tu kan ruahnak nak hmanh in tam deuh in UCCF ah mission nan ttuanmi kan hmuh tik ah kan hmurka in kan ni lawmhnak a ngan ning aa phuang kho lo. Pathian tu nih rak in cinken piak dih ko hna seh. Cu tampi lak ah UCCF nih 2019 ah zohchunawk tthabik Khrihfabu tiah kan ruahmi Zophei Iowa Christian Church (ZICC) pawl an kong hi a tlawm te vun ttial ka duh.

Image may contain: one or more people, people dancing and indoor

ZICC Cu Iowa ramkulh, Columbus Junction khua ah a um. Columbus Junction khua USA ram i khua ka phanh mi lak ah khuahlun bik, a ttha tuk lemti lo mi khuafa te khi a si i, 2010 (?) a hmasa bik CNF GS Pu Thla Hei he kan va phanh ka cu zeitindah mah ka pi ah hin nan um ning a si ti zong in ka rak hal bal rua hna ka ti. Asinain, kan Siangbawi Carson chuahnak khua a si ti ka rak theih hlan a si caah a si. Kan Chin ram ah missionnary a ra hmasa mi kan pa Authur Carson chuahnak khua a si i, Chin miphun vialte nih kan theihchan tak tak mi khua, phanh kan duh dih mi khua a si. Kan Siangbawi Carson dawtnak, philhlo nak he Carson khua kan hngahpiak timi lungthin he lungfek te in a um mi an si tik ah Columbus Junction a um mi kan miphun hna cu khua dang tthial an duh ti lo. Kan Chin Khrihfabu pa 2 an um i, ZICC le Carson Chin Baptist Chuch (CCBC) an si. CCBC zong hi CNF nih Chinland Club (CC) ah siseh, UCCF ah siseh kan ni bochan taktak mi tthiam tthiam an si i, an pastor cu Rev. Benjamin Sang Bawi a si i, an Church Chairman cu Pu Tin Hrang Lian a si.

No photo description available.

ZICC hi hmanthlak ah ka langh ter bantuk khan member (71) lawng an si i, upa tipiling cia cu (45) an si. An Pastor cu Rev. Sui Hei a si i, an Church Chairman cu Pu Biak Lian a si. Kumkhat an Budget hi $80,000 hrawng a si i, UCCF i mission caah kan hal tawn mi hna cu one percent (1%) a si. Pathian zumhnak ah a zumhnak a tthawng deuh mi pauh cu miphun kong le CNF zong ah thlachiat a ruat deuh mi an si caah an kan bawmh lai ti cu kan ruat cia, nain $800, $900 hrawng khin kan tuak. Bawmhnak ca kan kuat hna tlawmpal ah lailei phaisa kuat khin khualtlawng pawl sin ah cash in $2,000 an rak kan kuat. A tlawm pal ah khualtlawng pawl sin tthiamtthiam in an Nubu nih $300 an rak kan kuat chap. A hnu lei ah khin $700 an rak kan kuat. A tam ngai cang i hi $700 hi a ho nih dah a kan kuat tiahk anchawnh hna. Kan mino nih $500, sunday school nih $200 kan nin kuat hna an ti. ZICC a zaapi nan kank uat mihi $3,000 a si cang a tam tuk kan ni lawm tuk hringhran ka ti i, CNF family caah mission tuah cu a herh tuk cu ta an ti. Kan nih lawm hringhran.

ZICC nih kumkhat a budget $80,000 chung ah $3,000 UCCF ah mission a ttuan cu an budget in (3.75 %) a kan hman piak a si. Dallas, TX hrawng i kumkhat ah Budget one million a ngei mi kan Chin church pawl nih ZICC bantuk in kan ti piak khawh ve hna seh law Church pakhat sinin kumkhat($37,500) hrawng kan hmuh lai tinak a si i, Indianapolis, Indiana i kumkhat Budget two millions a ngei kan Chin Church pakhat siin kumkhat ($75,000) kan hmuh lai tinak a si. A hlei in miphun dawtnak,CNF siaherhnak le Pathian nawlngeihnak he UCCF ah mission dawh tak tak a rak ttuan mi ZICC khrihfa bu caah kan miphun vialte kan ni lawm i, Kan miphun zaapi in an caah thla campiak cio ko hna uh sih. An hmanthlak chung i an zaa pi a khup an ni bil i thla an camnak te nih mi dang vialte kan lungthin ah dawtnak rian a ttuan. ZICC kan ni lawm tuk. Hi nanmi ssiondawhhi kan ngol piak hin hlah uh. Nan hawi, Daniel Sakhong.

Leave a Reply

Your email address will not be published. Required fields are marked *