Zoh An Dawh Bak Rap Hla He An Tulnak Video, Chinmi Pathian Kan Thangthat Ning Hi Pathian Cohlan Mi A Si Hnga Maw?

Chinmi nih Pathian kan thangthatnak hi a thleng ching lengmang cang, a hlan ahcun biakin chung le inchung ti ban tuk ah Pathian kan thangthat hna. a tu ahcun mizapi i butnak hmun le leng ah Pathian kan thang that cang hna. a tutan Pathian an thangthat ning la bang cu zalam bak ah Nu hna biatak thlak in an tul hna. mizapi an i butnak lai ah Rap hla sak in biatak thlak in an lam lulh ko hna. Pathian kan thangthatnak le kan tullam ning hi Pathian cohlan mi maw a si hnga cohlan lo mi deh a si hnga ti ruah lo awk a tha lo. Chin mi nih kan mah duh ning in maw Pathian kan thangthat, Pathian duhnak le cohlan ning in dah timi biatek tein ruah a herh mi le a biapi mi a si.

Kan Pathian Thangthat kong ah cu tin thangthat ding, hi tin thangthat ding ti zulhphung a um lo, Khawi ka hmun le can poh ah thangthat khawhpi Pathan a si. Hla kong zong ah Holh theih lo, hla nuar le hlarang pawl sak zong in thangthat ding khawh cu a si ko. Inchung zong ah leng zong ah thangthat khawh a si ko. Sihmanhsehlaw a biapi mi cu kan thangthatmi Pathian nih a cohlanmi thangthatnak a si maw si lo ti hi a biapi bikmi a si.

Pathian cu thangthat thlak Pathian a si ruangah Thangthat a si bantuk in kan thangthat le kan biak awk hrim a si ko. mah bel minung kanmah lei ah hi thangthatnak phung hnih a um, zohdawh sawhsawh a deu in thangthatnak pek le thinlung dihlak biatak tein Pathian thangthatnak pek a si. kanmah lungdiriamhnak sawhsawh le kanmah siarem ning menmen in Pathian kan thangthat mi hi ruah deuh ngai te a herh. Pathian duh ning le cohlan mi thangthatnak pek hi zumtu Pathian mi dik taktak nih kan kawl ding le kan tuah deuh ding a si.

Chinmi nih Pathian kan thangthat ning, kan biak ning, a rian kan tuan ning hna hi kanmah duhnak, ruahnak le lawmhnak in si lo in Pathian duh ning, lawmh ning le Cohlannak in kan biak, kan thangthat le a rian kan tuan a biapi. Kan tuahmi kip ah Pathian duhmi a si maw? Pathian cohlanmi a si maw ti hi nitin te kan nunnak ah kan ruah ding a biapi tukmi a si. Pathian cu Thlarau a si i a biatu hna nih Thlarau le Biatak in an biak awk a si. Chinmi nih Pathian kan thangthatnak hi kanmah duhnak le lawmh zawng si lo in Pathian duhnak le cohlan mi si hram ko seh.

 

๐Ÿ˜‚๐Ÿ˜‚๐Ÿ˜‚ sawitur poh ka hrelo zanlai2 ah ka lo zak

Posted by Babie Lalbiak Mawii on Saturday, 14 October 2017

Leave a Reply

Your email address will not be published. Required fields are marked *