Zei dah kan tuahawk a si i zei dah kan tuahmi a si?

Hi biahalnak kai hal i kai leh tik ah kahmai a panh lemlo caan a tam. Nang zeitin dah na si ve? Zei ruang, zei tuahding in dah vawlei ah hin ka chuah ti hi a ho paoh nih i hngalh kan herh bakmi a si. Cu kan i hngalh hlan chung paoh cu minung kan si man kan hngal loh tinak a si caah man ngeilo le a alnak a tlau cangmi cite bantuk kan si tinak a si. Vawlei ah kan chuah sin in nu le pa, chungkhar, cingla rualchan kan ngei colh. Cun, kan chuahka in kan puitlin colhlo caah cawmkengtu le lamhruaitu kan herh i pek colh kan si fawn. “Leiba kan ngei colh.”

MYANMAR-YANGON-CEASEFIRE TALKS

Cu bantuk in kan puitlin tik ah a rak kan cawmkengtu hna le lam a kan hruaitu hna kan batmi hna leiba cham cu kan tuahawk a simi rian pakhat a hong si colh. Cu lawng silo in kan pawngkam hna le kan minung hawi sin in kan rak cawn tthan caah pawngkam thilri vialte le kan minung hawi vialte hna sin ah leiba kan ngei fawn. Cun, Khrihfa kan si i Bible cawnpiaknak cu nunnak caah ai lak/pekmi kan si. Khrih nih “vawlei cite nan si… Cite cu a alnak a loh ah cun hlonhawk le lamhawk men a si ko…” tiah a chim. Kan al i kan minung hawi caah kan tthathnem ttunglo ah cun hlonhawk men kan si. A tuahawk a tuah lomi kan si tinak a si.

MYANMAR-YANGON-CEASEFIRE TALKS

Khrihfa kan si bantuk in Khrih nih ro a kan vuih taakmi kan zulh a herh. Cucu “Miphun vialte kha a zultu ser rian” a si. “Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu” (Phung. 12:13). Kan tuahawk a simi rian cu a fiang cang. A si kun ah zeidah ka/kan tuah? Kan tuahmi cu midang nak in kanmah cio nih kan hngalh bik. A tuahawk a simi a tuahmi maw kan si a tuahlomi dah? Hlawnhawk le lamh awk men kan si sual maw? Nun le minung si hi a rak fawite loh.

MYANMAR-YANGON-CEASEFIRE TALKS

Credit: Hrang Lian Cung
New Delhi, India

Leave a Reply

Your email address will not be published. Required fields are marked *