WPC CEO Pu Aung Cung Nih Paih A Zuamcawhtu Bialehnak A Tuah Cang Hna.

WPC nih DC ah tuah dingmi cu a nuam taktak ding a si. WPC CEO Pu Aung Cung cu Pu Cung Hnin nih a zuamcawh caah a ralai mi November 30, 2029 ah DC ah WPC nih tuah dingmi paih ah kan I phomh lai tiah WPC Pu Aung Cung nih Media he tonbiaruahnak ah a chim. Pu Cung Hnin ka tei lai. a pum rua hi keimah nakin a ngan deuh, KF 15 hrawng keimah nak in a rit deuh lai, WPC paih tlangtla a thiam bak mi, vawleicung paih tlangtla ah a thiam cemmi ka tei lai caah a minchia lai ti ka phang. Pakhtnak ah Pu Cung Hnin ka tei lai. apahnihnak ah Tial Cung Thang pa nih a ka zuamcawhnak chung a sau tuk, mah hna pawl he peih khi a nauta mi ah ka chiahmi a si. ka chim duhnak cu zei a si lo, an ka tei ahcun ka min tla ve lai cu,ka min I ven ve a hau tiah a chim rih.

Kan I paih ah Pu Cung Hnin ka tei lai I a voihnihnak bak ah Pu Tawk Ceu a rak zuang cawlh te lai, buankaunak paih ka duh lo, mipi an tam lio bak ah I phomh ka duh, Middleweight le  Heavyweight kar hrawng, Van Hlei Sung nih hla a van sak dih bak hrawng ah kan I phoh lai tiah a chim. Paih lei ah a cawlcangmi kan si caah Laitlang lei mipi nih keimah paih hi zoh an duh lai. tiah a chim rih.

Tutan WPC nih December 28 ah tuah dingmi piah cu zoh a dawh bakmi a si. Chinmi ahohmanh nih an teibal lo mi Rung Lian Ceu zong paih a dinhnak in a rak kir than cang lai. Champion Tha Cung Lian zong a rak kir than lai caah a nuam taktak ding a si. Ramchung ram leng Chinmi dihlak WPC nih tuah dingmi paih ahhin rak I tel cio dih ah sawm a si. Chinmi nih nunphung pakhat kan ngeihmi paih thanchoter tu WPC CEO Pu Aung Cung paih lai hrim hi ngeih a um, Hodah teitu a si lai kan zoh te hna lai cu. ca dang a tang ah rel ding a um rih.

Wayne Rooney nih Nizan Tihni ahkhan Major Leager Soccer club DC United caah a match hnudungbik caah a celh, Playoff ah Toronto FC cu 5-1 an I celhnak cu a dih, a duhnung in a candongnak a hmang kho lo. Hmaikum January thla ahcun Rooney hi Dergy County a peh cang hna lai, Championship club caah hin Player-coach a si lai. Kum 33 minung striker nihhin Washington ah thla 18 can a hman hnu ah an ram England ah a ker than cang lai tinak a si.

MLS club caahhin Season hnih a celh chung ah zuamnak dangdang ah match 52 a celh I goal 25 a thun piak hna. Season hmasa ahhin DC United caah Most Valuable player a si pin ah Golden Boot zong a hmuh, tukum ahhin MLS All Star lakah a tel fawn. DC United coach Ben Olsen nih “Wayne nih lam tampi ah biatak tein a ka bawmh, Teammate tha le sunglawi tak a si, a dongnak kan tuahmi hi saduhthat ning si lo hmahsehlaw a cungah ka lawm” tiah Man-chester United striker thing cu hlatnak bia a chim. a tang ah thawng dang rel ding a um rih.

Turkey-Syria ramri in Kurdish pawl An Chuak Lai.Syrian Kurdish senior Official, REdur Khalil nih US-brokered deal bang in Turkey le Syria ramri kan umnak kan chuak tak lai tiah a chim. Syria chaklei khua in Turkey nih a ralkap lak ding a lungtling hnu ah mah bia hi a chim ve. Kurdish hruaitu Syrian Democratic Forces (SDF) official nih nizan in khan an kan chuak lai ti a chim I mah timhlamhmi hi thil cang dang a um lo ahcun kan pehzulh in kan tuah chuah lai tiah a langter.

SDF tamg ah Kurdish People’s Protection Unite (YPG) zeimawzat ralhrang hna he pehtleihnak an ngei tiah an ruahmi zongah tel dawh an si ko ti a si. Turkish president Recep Tayyip Erdogan le US vice president Mike Pence nih biaruahnak an ngeih hnu ah ninga chung kahdeihnak an phuanmi hnu ah ramri buainak hi a dai deuh ngai.

He inremna hnuaiah hian Turkey chuan ramri aṭang hian darkar 120 chhunga Kurdish inlakchhuahna hun pek a remti a ni. SDF official chuan km 30 chinah an inhnuk let dawn tih a sawi. Mah remnak tangah hin Turkey nih ramri hin suimilam 120 chungah Kurdish pawl chuahnak can pek hi a rem ti. SDF nihcun km 30 hlat ah hnu an pel lai tiah a chim.

Lebanon minister pali An Rian In An chuak hna: Lebanon cozah chungah lungtlinlonak langter in nithum chung dihlonak an langter hnu ah Prime Minister Saad Hariri a tanpi tu amah cabinet minung pali (Lebanese Porces party ) cu an I din diam.Lebanese Forces party hna hi Lebanese Christian party base an si. Tangrual cozah hna sin in an chuak ve cawlh.

Cozah nih Ngunkhuai lakmi a kaiter ruang le eihmuar duhlonak langter in Lebanon khuapi Tripoli, Beirut le Khuami dangdang ah an au hnawh han. Lebanese forces party president Samir Geagea nih “cozah in kan party cu kan chuak lai, kan ram dirhmun harsatnak cu dong ding in kan cozah nih tuanvo a lak khawh lo caah kan minister pawl cu I din ding in kan ti hna” tiah a chim.

Duhlonak a langter tu pawl nihhin an ram politic kilning phung cu biatak tein an soisel I an dohkalh, an ram thanchonak cu a chiat tuk ruang le eihmuarnak ruang hna ah thil a cangmi a si. Cozah funding hman khawhlonak ruang le unemployment rat a san ruang ah cozah sinah duhlonak an langter hi a si.

Afghanistan Ralhrang 12 An Thah Hna Hnu Ah khua 16 Ralhrang Kut In An Lak Than: Afghanistan Baghlan ramthen ah nizan ahkhan Ralkap hna nih tukdohnak an tuah I Taliban ralhrang 12 an thah hna pinah Khuate khua 16 cu Ralhrang kun in an lak khawh than. Rakap pehtlai in biachimtu Abdul Hadi Jamal nih nizan ahkhan mah kong hi a chim. A luanciomi nili ahkhan Taliban ralhrang hna he hin tukkahnak an rak tuah cang, Dand-e- Ghori, Dand-e-Shahabudin le Kilagai area ah khuate khua 16 hna cu ralhrang kut in an rak lak khawh cang.

Ralhrang minung 12 an thah hna pin ahhin 24 hrawng cu an hliam hna, hliamhma a tuarmi lakah hin an commander Qari Bakhtyar zong a tel. amah hiBaghlan ramthen ah shadow deputy governor bang in a um lio mi a si.Taliban ralhrang hi US zong nih biatak tein a tukdo pi mi a si. Baghlan province khawpui Pul-e-Khumri hi Kabul aṭanga km 160 vela hlaa awm niin, kum eng emaw zat chhung chu firfiakten nasa takin pawikhawihna an thlen tawh a ni. Baghlan ramthen khuapi Pul-e-Khumri hi Kabul in km160 hrawng a hlatnak hrawng ah a um mi a si. Kum zeimawzat chung cu Ralhrang nih thil thalo tuahnak hmun a rak si.

Chile ah emergency thanh a si: Chile president Sebstian Pinera nih kan hnuzarh ningani zan ahkhan an ram khuapi Santiago ah ni 15 chung caah emergency thawng a thanh. Sebastian Pinera nihhin emergency a phuan pinah an ram ralkap pawl cu buainak hmun ah venhimnak rian tuan din gin a ti hna. National defense lutlai caah Major General Javier Iturriaga Del Campo cu rian a pek.

Emergency a thanh mi hi Metro ticket man a kaiter caah mipi nih duhlonak langter in dohkalnak an tuah ruang ah a si. Emergency thah a si ruangah hin mizapi a bu in um zong an khap, tuzarh ah lentecelhnak zong dongter a si.“kan khuapi Santiago ah remnak le nuamhnak a um khawhnak dingah emergency hi kan thanh mi a si” tiah Pinera nih cathanh a chuah.

Khuapi hmun cheukhat ah metro station buainak a um caah valei tang lam (subway) pawl zong khar a si. Metro station 78 cu a hmunhma hrawh a si tiah nawlngeitu nih an chim. minung 133 tleih an si, metro station ah an thil hrawhmi man hi $ 7000000 hrawng a si. Metro citman hi $1.13 in $1. 17 ah a kaiter a si. a hlan ahcun duhlonak hi  fimnak cawngmi sianghngachia nih an thawk, a hnu ah mizapi nih an telpi cawlh ve hna. Metro citman an kaiternak ruang hi nawlngeitu lei nih Oil man a kai ruang le an ram phaisa peso manngeihnak a tlak ruangah a si tiah a chim

Trump Resort Ah G7 Summit an tuah than lai lo:United State (US) president Donal Trump nih a resort pakhat ah G7 summit tuah timhmi cu soiselnak a fahtuk caah a hmun hi thial a si lai tiah a chim. Kan hnuzarh ningani ahkhan acting White House Chief of Staff Mick mulvaney nih G7 summit cu Florida ah Trump fold club pakhat , Trump National Doral, Miami ah tuah a si lai tiah a rak chim.

mah hi Democrats lei nih fak takin an soisel cawlh ve. President eihmuarnak fiangte in a langter tu pakhat a si tiah an chim. Soiselnak faktuk in a um ruang ah President Trump nih G7 summit tuahnak hmun hi thial a si lai. hmun dang timhlamh lio a si, Camp David lei zong thilnak ding ah timhlamhmi hmun ahhin a tel ve.

UK Parliament nih Johnson Brexit deal an cohlan lo:United Kingdom parliament nih European Union in Britain chuahnak dingah prime minister Boris Johnson le EU nih remnak an tuahmi cu a cohlang duh lo. PM Jonhson nih EU hruaitu pawl sinah Brusses ah remnak an tuahmi hi Parliament ah a chuah pi. Sihmanhsehlaw house of Commons ah vote an thlak hnu ah remnak an tuah cang mi hi remhthan a duhmi lei nih PM 322 nih vote an thlak, remnak tuah ciomi tanpi tu hna PM 306 nih an vote ve.

House of commons nih Brexit deal a cohlan lo ruang ah Johnson nih MP pawl nawlnak bangin EU chuahtak an timh can October 31 cu a can souh ding in a hal ve hna. halnak a tuah hnu ah amah pumpak nih can tlai ter hi a duhlo nak kong a chim, mah ruang ahhin a halmi hna ca hin a min zong a thu duh rih lo. Johnson nih a hlankan in EU he remnak an tuah khawh lo zong ah October 31 ahcun EU in kan chuak ko lai tiah a rak chim cang.

Dotu lei nihcun PM Johnson cu phung cungah a um mi a si tiah an ti. Parliament le Court hna hi amah pumpak duhning in hruai timhnak a si tiah an puh, EU sinah nawlnak a kuatmi ah a min a thut duhlo mi cu faktuk in soisel a tong.EU nih Parliament ah Brixit deal cohlan lo a si ruangah Britain cozah sinah zeibantuk in dah chuahnak (brexit) cu kalpi an timh lai timi chimfiang ding in ti a si.

 

 

Leave a Reply

Your email address will not be published. Required fields are marked *