Vawlei Cung Huap In Chinna Mirum Pa kong

Jack ma cu September 10, 1964 ah Hangzhau khua timi Chinaram ah achaukmi pa asi. Amin tak cu Ma Yun asi. Jack Ma hi sifak chungkhar in arak thangmi pa asi ve. Anupi Min hi Zhang Yin ti asi. University an kai lio in arak I theihmi le Jack Ma arian ah tampi a rak bawmmi asi. Kum 2019-2020 hramthawk tiang ah Chinaram arum bikmi zong asi. Kanmah Chinmi bantuk in sifak chungkhar in arak chuakmi pa si ve. Cathiam ngaimi cu arak si hrim ve lo. Primary Sianginn akai lio ah vui 2 asung. Middle School akai lio ah vui 3 asung rih. University kai khawhnak dingah camipuai vui 3 asung rih. Police rian asawk ah asung rih. Harvard University kai khawhnak caah asawkmi zong vui 10 tiang asung rih. He also applied ten times to Harvard Business School and got rejected each time. Ahnu ahcun Sianginn riantuanmi nih an ka zoh duh tilo ee ati. Cun KFC rian ah minung 24 nih an sawk I minung 23 nih an hmuh. Jack Ma lawng hi angah lomi asi. An khua College sianginn amin hmanh athang lomi ah vui 30 tiang ka asawk nain an ka laa duh lo ati. Cu lio can ahcun ka tuahmi kip hi khua-awng ka pemmi pakhat hman arak um lo. Ahar tuk ka rak ti lio caan bak arak si ve. Sunghnak timi hicu keimah ca’h chiah piak ciami kokhi an lo hna ee tiah ati.

College ah saya rian ka tuan. Thlakhat ah $10.00 lawng ka ngah. Aruang cu rian tha zong ka kawl kho ti hna lo. Kum 1994 ahcun Internet in thil pakhatkhat tuah dingin ka hawile minung 23 cu ka sawm hna. Hihi na ruahnak cu asi kho lomi rumro asi an ka ti. Internet kong le pakhat hmanh theih lo buin hi thil tuah cu achim hrim chim ti hlah an ka ti ko. Nangmah hmanh nih Computer kong pakhat hmanh theih tung loin hihi ruahnak na chuahmi cu asi kholomi le ruahnak hman lo asi an ka ti ko. Keimah le keimah zong hi zeitik hmanh ah kaa zave ko tiah kaa ruat bal lo I ka ruahmi hi asi kho lai ti zonghi ka ruat tak ve lo. Anmah zong nih na khuaruahmi hi lam dangpi ah apilmi ruahnak asi an ka ti ko.

Bank ah phaisa $3,000.00 cuai dingah ka tuah nain, thla 3 tiang ah zei thawngpang hmanh an ka thanh ti hoi lo. Hi rian tawk dingin minung 30-40 tluk phaisa hram bunh dingin (investor) ka sawm hna, nain asi kho lai lo an ka ti dih hoi ko. Nain minung tampi nih cun Alibaba cu thil tha asi ko ee tiah an ti lenmi cu ka theih cang ko ee ati. Jack Ma atimi cu athabik in tuah kha I tim hlah, minih antuah hlan ah tuah hmasatu I tim ati. Thil harmi kha teitu si I zuam peng ko. Cucu mipi an ruahmi kha kei zong nih asi kho ko lai, ninikhat cu tlawhtlinnak ka hmuh hrim ko lai timi kha ka rak hmuh chungmi zong cu asi ve takmi asi.Nain tubantuk tu cun hlawhtlinnak cu ka hmuh tak dingcu ka ruat ve tak lo. Mahbel pakhatkhat nih cun aka hngah ko timi cu ka lungkil in ka philh lo, I ka ruat peng ko. I believed that something is waiting for me there and I have to work hard to prove my self. Abik in kaa tinhmi tlinhnak ding ahcun, keimah hi biapi ka si, keimah teimak tein rian ka zuam ahau tihi biapi ah ka ruah pengmi asi. Culio caan kha kan harnak caan cu asi ko.

Minung 18 nih $ 50,000.00 phaisa kan chuahpi khawhmi in rian cu kan thawk. Kum 3 tiang kan tuan ah $1.00 hmanh a chuak rih lo. Cucu hiti ruah ahcun afawi lomi rian bak asi ko. Nain zei nihdah thathawhnak a kan pek ticun, thil a kan cawmi (Customers) hna sin in an kaa in siseh, email in siseh lawmhnak ca tampi kan hmuhmi nih lungthawhnak a kan pekmi hi asi. An kan timi cu nan thil tuahmi hi atha kho tuk, kanmah nih cun phaisa pek hmanh hau loin mi nan kan bawmhmi hi hmailei ahcun teinak lianpi nan hmuh hrim lai tiah mipi lei nih thazaang an kan pekmi nih hin ruahchannak tampi akan ngeihter. Hihi kanmah ve zongnih hihi cu hlawhtlinnak kan hmuh hrim lai timi cu kan rak ngeih vemi cu asi.

Cuticun kan rian zong cu kan vun kalpi cuahmah ve, kan rian zong cu ngan deuh in kan Karhter chin ve hna. Kum 16 atlin cun Alibaba, Tmall, Tao Bao le Alipay tiangin kan Company cu kan chap khawh cang hna. Cutik ah Minih zeitindah hitluk nganpi Company siding in na tuah khawh? Hiti siding in zeitindah na tuah khawh ning asi tiah an ka hal len ve cang.Tu ahcun Jack Ma cu Chinaram ah mirumbik ah achuah cang ko. April 2020 ah khan $42.1 billions angeimi pa asi cang. Cun Vawlei cung mirum hna cazin ah 17th nak ah atel kho ve cang.

Bill Gate, Warren Buffet, Jack Welch, Larry Page le Mark Zuakerberg hi mirum minthang hna le midang pawl kan I dannak cu, annih pawl nih Hmailei cah khua an tuak ahhin hnabeiseinak, ruahchannak tha lawng tein khua an hmuh khawhmi nih minak in an rum deuhnak hi asi ko tiah Jack Ma bia an halnak ah a lehmi hna cu asi. They difference between those people and other people, they are always optimistic for the future. They always try to solve the problems of the others. Hihi zawnte hi kannih chinmi mirum pawl nih kan I cawn awk ngai asi. Hmailei khua kan cuan ah mi lungfahnak le mi buaibainak lawng khuakhan hi mi ca zongah san atlai lo I mah ca zongah santlaihnak arak silo zia hi I cawn awk kan hau ve. Midang an buaibainak ah daihnak maw kan tuah buainak dah kan tuah timi hi tha tein i chack ve kan hau.Hi mirum hna nih an ruahmi cu mi buaibainak ah daih tertu si kha an I zuam zungzalmi cu asi. Mi harsatnak an ton ah mi an bawmh hna. Tulio kan ton cuahmahmi Covid-19 zongah zeitluk indah mi bawmhnak ah anngeihchiah an hman ticu nan rak theih cio ko cang caah ka tial duh lai lo.

Tu ahcun minung tampi nih Jack Ma rian kan ngei lo. Zeitindah ka si lai tiah an ka hal len. Tulio hi na caan that bik cu asi ko. Midang nih an tuah duh lo hmanh ah nangcu tuah duhmi si I zuam ko. Zeihmanh tuah aduh lomi nih cun caantha hmuhnak lam cu an rak hmuh kho ve bal lai lo. Midangnak in zeitindah tha deuh in ka tuah khawh lai timi kha nangcu ruat peng ko. Midangnak in aa dang deuh in ka tuah khawh lai tiah na ruahmi kha thawk cawlh ko. Mino tam deuh cu rian in- inn an phak zaan ahcun ruahnak thatha an ruah ko. Nain thaizing phak ahcun, an tuan kel company rian ah an I thawh than ton ko hna. Sipuazi, chawleh chawhrawl lei in Hlawhtlinnak a hmumi hna khi mi tuah hlan le minih an theih hlan ah atuah hmasatu an arak si hna. Being entrepreneur, you have to do the things before other people do. Mah hna pawl cu mi an thawh hlan ah an tho cang. Midangnak in an ngamh zong asang deuh. Nangmah naa ngeihmi na sining kha hmanthiam a rak biapi tukmi asi. Na minung hna ( customer) an herhmi kha asi khawh chungin tlamtlin ter na zuam hau. Everything you do is to the need of customer. Thaizing timi cu Mikip kan caah Nithar asi dih. To Everybody , to any person, tomorrow is New.

Company ngeimi hna nih cun, Thilthar pakhatkhat tuah khawhnak lam kha kawl peng ko. Cucu nan ruahmi cu phaisa chuahpiaktu nan ngeih lo zongah siseh, na nulepa nih an duh lo zongah siseh, na hawikom hna nih anduh lo zongah biapi ah chia hlah uh. Nangle na tuanhawi hna nih cun zumh ngamnak lianpitu kha I ngeih ko uhlaw, chunchun zanzan In hlawhtlinnak nan hmuhkhawh dingah I zuam peng ko uh. Palhnak kan rak tuah sualmi hna zong khi ngaite ti ahcun Miaknak arak kan peetu an rak si lehlam ton ve ko hna. Any mistake is an income. It is a wonderful revenue. Minung nih kan chunmang (tinhmi) kha zulh ding asi, nain Phaisa nih minung kan hnu lei in akan zulh dingtu asi ve. Chunmang na ngeihmi kha pehzulh tein tuah ko. Hohmanh nih Vawleipi cu kan uk kho lai lo. Kanmah tu nih Vawleipi tu kha kan zohkhenh dingtu asi. Nobody can conquer the world. We only can serve the World.

Nangmah calawng maw na tuah lai midang calawng dah na tuah lai?. Keitu nihcun keimah calawng tuan ding kha ka thim deuh lai. Keimah calawng ka tuan lai timi ahhin, Midang caah tuah chih ding kha arak I tel cia cangmi tu kha asi. Nangmah caah na tuahmi ahkhan midang ca kha ruah chih lengmang kha philh ding asi lo. Midang an I nuamh lawngah nangmah kha na nuamh ve ding asi. Midang an hlawhtlinnak kha nangmah hlawhtlinnak asi ve lai. Aruang cu na thil tuahmi kha mipi nih an duh lomi si ahcun, nangmah cah santlaihnak aum lai lo. Na thil tuahmi kha athat ahcun mipi nih tampi an in cawk lai, anmah zong an I lawmh lai I nangmah zong miaknak tampi na hmuh ve lai. Tuni a har ko lai, thaizing a zual chin ko lai, Nain kiptuh ahcun Hlawhtlinnak lianpi na hmuh lai. Thiltha hi ara hmasa bal lo.

Kannih Chinmi hna zongnih Sipuazi kan tuah tik ah vuikhat kan sungh in kan I ngolmi khi kan rak palh taktaknak pakhat asi. Kha kan rak sunghmi nih hmuhtonmi tampi a kan pekmi tukhan hmailei karhlan thiam kha arak biapimi asi kha kan rak theih tonlomi asi. Tu bantuk in Sipuazi lei ah teinak ( success ) arak hmu cangmi hna khi zeizatdah an rak sugh bal cang timi kha kan rak theihpiak bal hna lo. Sungh zatlaknak lianpi an pah hnu in tubantuk in Teinak an hmuhmi a si khi na theih ve hrim ahau. Sipuazi tuahnak dingah MBA degree ka ngah hmasa lai timi kha arak hman thlu lo. Jack Ma khi vui zeizatdah sunghnak chungin a thawh than timi cu acungah ka tial cang ko kha. Chinmi chungin I zohchunh awk (Example) lak ka duhmi hna ka vun tar hmanh hna lai. Hi min ka langhtermi hna nih aruah zia nan ka thiamnak lai zong kan nawl hmasa hna. Pu Chum Ling, Pu Ram Cung,Pu Sang Thawng, Pu Thla Bik le Pu Thawng Kian hna khi zoh hna uhlaw MBA Degree an lak lem lai ka zum lo. Nain Kannih Hakha Thantlang(Laihlum) ahcun anmah tluk mirum an um tuk lai ka zum lo. Mah hna pawl an tuanbia, an tonmi hna khi hal phu an si. I cawn awk kan si hna. Sipuazi tuah aduhmi nih cun thutsawh ding asi lo, Vah sawh ding asi lo.

Mirum hna nih an rak pah cangmi harnak zong kha theih in hmailei nangmah caah na saya sining in hman khawh kha arak herhmi cu asi. Thiltha tuah awk nan theih ahcun, anmah zong nih phaisa an in chuah piak hna lai i anmah ve zongnih khi bantuk phaisa luhnak lam kha an rak bawhmi asi ve kha theih awk arak asi. Kha ruahnak tha na chuahpimi kha anmah ca zongah phaisa luhnak pakhat asi ve. Kan Chinmi pakhat le khat bawmhchan duhmi si I zuam ve cang hna si. Jack Ma zong Vawleipi nih an theih bantuk in kan chimmi kan rumnak zong hi Vawleipi nih theih khawh dingin tuaktan ve cang hna si. Hihi hlawhtlinnak ngeih ding ahcun, attitude is everything timi hi philh hlah si. Sipuazi lei zong, Uknak lei zongin anti tonmi cu Kan lungput athat lo cun caan sau na kal kho lai lo an timi hi philh hna hlah si tiah sawm buin. Moses Lian. USA.

Leave a Reply

Your email address will not be published. Required fields are marked *