USA Politics a rel huammi caah “Obamagate” kong hi tlawmte ka von thai

U.S Politics a rel huammi caah Obamagate kong hi tlawmte ka von thai. “Obamagate” timi biafang hi Trump nih a sermi a si i, May thla chung ahhin tuletu in voi 126 bakte a thlah. Tehte evidence he aa thlah bal lo. Cucaah minung tampi nihcun Covid19 a dohning cung ah mizapi an zai tuk cang i, cucaah, Virus kong ceih a reh deuhnak ding caah Obamagate in a hnahnawh distract ter bia a si an ti. Zeiruangah dah Obamagate hi a chuah? Zeibantuk tuanbia he dah a pehtonh? timi ka ttial lai. ObamaGate a hung isemnak cu a tanglei ka tialmi list 7 ruang ahhin a si. Cucaah, mah pawl hi zeitindah an si? timi ka ttial lai. 1 Logan Act 2 Unmasking 3 Russian ambassador Sergey Kislyak 4 Michael Flynn 5 Trump’s son-in-law Jared Kushner 6 UNSC resolution 7 Palestine ah Israeli Innsa hi an si.

Logan Act” cu US Federal cozah ah phung/law pakhat a si i Ramdang Cozah le US cozah karlak a buaimi kong ahhin Cozah aiawh a silomi, mimal or mibu nih vai sawh-kalh lo ding in “khamkhennak” phung a si. Obama a term dih lai ahkhan Russia cung ah a puarhrang taktak. Russia ram aiawh a tthawl hna. Mah lio ahkhan, Russia he remhnak ser ding in cozah a tlai rih lomi Trump team hi an isawh-kalh sual lai maw tihi Obama team nih a rak ngiat ziar hna. “Unmask” sullam cu, pumpak privacy kha a thli tein zoh piak hi a si. Trump campaign lio ah Senior Advisor a simi Michael Flynn cu, a thli tein a tuahmi vialte zohpiak/ngaihpiak dingin “Obama administration officials” nih US intelligence sinah an rak hal. Cu an halnak report cu, biathli classified tiah ah an chiahmi a si. Asinain, mah report cu tulio US intellegence ah director Richard Grenell nih biathlilo declassified ah a von tuah i, Michael Flynn pumpak “ngiatthlai unmask” ding in a haltu hna, Obama officials le Joe Bidden min cu an von phozar. Cucaah, Trump nih a thlithup in amah an rak doh ah a ruah caah “Obamagate” tiah a von aukhaung hnawh ve hna hi a si.

Russian ambassador Sergey Kislyak le Trump Campaign ah Senior advisor Michael Flynn an itonnak a ruang hi, hitihin aa thawk.1 President Obama, a term a dih lai te ahkhan Isarel nih Palestinine umnak area ah inn sak lo dingin UN Security Council nih biakhiahnak tuah dingin an chuahpi. Obama cozah nih Isael cu dirhkamh a timh lo. Cucaah, Michael Flyn nih hin Russia ambassador cu UNSC biakhiahnak hi hnutlaiter dingin a rak chawnhbiak ti a si. Asinain UNSC nihcun vote cu an thlak thiam. Obama cozah nih a veto duhlo caah Isael cu sual an phawt. Mahhi pakhat. Cun, 2 Hillary Clinton email le DNC kong vialte Wikileaks nih an phozarmi cung ah President Obama nih Russia a puh hna. Russia nih Trump bawmh duh ah an hacked tiah an ruah. Cucaah, Russia cozah aiawh chungkhar 4 cu President Obama nih suimilam 72 chung ah chuak viar dingin a tthawl hna. Russia le US karlak ah a linsa taktak. Syria kong zong ah biatak tein an linsa. Putin nih zeitindah a von leh rulh ve lai ti kha zoh cio a si. Mahhi kong hi Trump nih teinak a hmuh, aa fiang hnu ah a si cang.

Cucaah, Obama nihhin Russia theng siloin Trump team caah riantuan har ding a rak tuah hrammi a si kho men tiah a ruatmi zong cu an um. Mah lio caan, November 30, 2016 ahkhan Jared Kushner le Michael Flynn nihhin Russian ambassador Sergey Kislyak cu Trump tower ah an rak ton. Zeibantuk hnatlaknak hmanh an ser lo. Cu khawh cun, Russia Ambassador pa le Flyn hi phone in an ichawnh lengmang. Cu an ichawnhnak vialte cu Obama phu nih a thlite in an rak piak piak dih. Cun, Putin nih Obama cozah cu “zeibantuk lehrulhnak hmanh ka tuah lai lo” tiah a phuan. Trump nih Putin cu a thangtthat colh. Cucaah, mah Russia le US karlak a linsami ahhin Obama team nih Michael Flyn cu, Logan Act nih a duhlomi, a thli tein Russia cozah he hnatlaknak ser a timh tiah an lunghrinh. Asinain Michael Flyn le Russia ambassador an ichawnhnak kong an kherhhlai tikah “Logan Act” a buarnak an hmu lo. Zeicatiah, zeibantuk hmanthlaknak hmanh an ser lo.

# Michael Flyn sual an phawtnak le rian dinternak hi Mike Pence sin le FBI sinah lih a chim caah a si. Flyn nihhin Russia ambassador he an itonnak kong hi dikthlir in Mike Pence sinah a rak chim lo. Trump nih 1nk Press Secretary Sean Spicer sin zong ah a rak chim lo. Cun, FBI nih bia an hal ah, biadik chim dingin biakamhnak an tuahter hnu ah “lih a chimnak” tete an hmuh. Amah zong nih a hnu ah lih ka chim tiah aa phaung. Cucaah, lihchim in sual an phawtnak hi a si. Cun, nizan naite ah FBI nih bia an hal hlan te ah Lih kan chimter lai maw? tbk an iruahmi note an hmuh than. Cucaah, FBI biahal le thil tuah hi a diklo ngai tiah minung tampi nih an ruah. Sual an phawtnak zong hi hnukdawh tthan dingin Flyn lei sihni nih an hal hna. Asinain Flyn kong hi hnu ah ceih tthan te dingin a um rih. Cucaah, “Obamagate” aa semnak cu a cunglei US politics ka langhtermi, Trump nih teinak a hmuh in Biakamhnak a tuah hlan deuh karlak ah a cangmi ah a cangmi a si i, ahodah a palh, ahodah a dik ti cu mahle hmuhning le ruahning cio ah aa hngat ko lai. Nihin ah Trump Press Secretary nih White House Correspondents pawl cu, atu a cung lei ka ttialmi kong hi, Questions for Obama tiah hitihin a hal hna?

1. Why did the Obama Admin use opposition research, funded by a political organization and filled with foreign dirt to SPY on members of Trump Campaign? 2. Why was LT. Gen Michael Flyn UNMASKED by Obama’s Chief of Staff, Joe Bidden, Susan Rice and others? 3. Why was Flyn’s identity leaked- A CRIMINAL ACT- to the press? 4. Why did DOJ learn about the FBI’s interest in Flyn’s conversation with the Russian Amb, from CONVERSATION WITH OBAMA in the oval office? 4. Why did James Clapper, John Brennan, Samantha Power, and Susan Rice privately ADMIT UNDER OATH that they had no evidence of collusion while saying the opposite publicly? Credit: Zasang Cinzah.

Leave a Reply

Your email address will not be published. Required fields are marked *