USA Ah Police Nih CNF Bawmtu Chinland Club Chungtel Pakhat An Tleih

USA ah Chin mi kan hawi pa Zu din bu in Motor a mawngh ruang ah thla (3) thawngtla ding a si nain, CNF bawmtu Chinland Club (CC) member a si caah, American Biaceih Bawi (Judge) nih thilttha a tuah tawnmi na si a ti i a luat ter. Chin miphun zalawnnak phunkip; Human Rights, Democracy, Self-determination, Federalism etc. etc.caah a ttuan mi CNF hi thilttha a duh mi vawlei mi kip nih tha an pek i, CNF bawmhhi thil ttha ah an hmuh. Kan Chin unau pakhat zu tam nawn din pah in Motor a khalh (a mawngh) tawn caah vei 2,3 Police nih an tlaih i zeimaw zat caan chung Motor mawngh ti lo ding in Court (Biaceih zung) nih bia an chah piak. A sinain an bia ngaih duh loin, Motor cu a mawngh tthan caah an tlaih tthan i Court ah taza an cuai.

Bia na hal i a leh mi hna a tawi nak cu rian kal nak ah Motor mawngh piak tu hawi an um lo caah rianttuan lo cu a si kho lo ka ti i ka mawngh mi a si. Ka ttuan lo cun Bill pek awk ka ngeih lai lo hlei ah, kan Chinram i ka chung le zohtu an ngei lai lo i, an har tuk lai. Ka ttuan i ka hmuh mi phaisa hi keimah le ka Chungkhar ca lawng si loin, kan Khrihfa bu caah santlai a si i kan miphun zalawnnak caah bawmtu a si a ti hna. Biaceih buai nih ttha te in a ngaih piak i dawtnak le zawnruah nak mit he a hal mi cu zeitin dah na Khrihfa bu caah santlai na si i, na miphun caah bawmtu na si ning cu a si tiah a hal.

Image result for Chin Land Club

Chin ram kan khua ah Chrismas ka tuah piak hna kan khua mi nih har ngai in an tuah ding mi a si. Khua mi an ni lawm. Cheu hra cheukhat ka pek. Cun kan miphun caah rian a ttuan mi CNF bawmhnak caah Chinland Club ah phaisa a bawmtu/a thawh tu ka si a ti. CNF ka bawm ti kong cu Biaceih Bawi nih theih a vun duh ngai cawlh. CNF/CC ah phaisa a thawh tu cu a si maw tiah an rak ka hal i, CC member a si caah tthatein CNF bawmhnak CC ah phaisa a pee tawn i, a thawh mi phaisa hi kan miphun caah santlai a si tiah ka chimh. A fian deuhnak ding kan kan Burma ram sining, CNF a rian ttuan ning, CC rian kan ttuan ning pawl tling deuh in ka chimh chih.

Image result for Chin national Front

Biacheih Bawi nih a ti mi cu phaisa tamnawn liam in, thla (3) hrawng thawngthlak khawh na si nain family ca, community ca, Khrihfa bu ca, na miphun ca pawl ah thil ttha tampi a tuah tu na si caah phaisa cu na liam lai lo nain, ni (2) tu thawng kan thlak lai zing-zan in rel a si caah thaizing tu na chuak lai na lung a tling lai maw a ti i, kan Chin u-nau pa nih kaa lawm tuk a ti i, Police Office nih a kal pi. A hawi pa nih a thaizing chun ah a va dawn. Miphun caah thilttha tuahnak vialte, Pathian caah ttuanmi vialte hi kan miphun tuanbia ah dawhnagi in a rak tan, Pathian aa lawmh lawng si loin, a cung i kan unau pa bantuk i a bia pi mi can a chuah tik ah hmaihngal ngai in chim-nuam zong a si. Chin miphun caah tiah CNF ah ttuannak, bawmhnak vial te hi Pathian nih a lak a si ter hrim hrim lai lo. Credit: Daniel Sakhong

Leave a Reply

Your email address will not be published. Required fields are marked *