U Hawi Tin Nih AA Hriamtlai Nih An Tleihnak A Ruang Fiang Tein A Chim

Chin MP U Hawi Tin AA nih an tleihnak kong he pehtlai in media nih bia an halmi cu lehnak tha tein a tuah hna. AA nih an ka telih ah ka kut an ka tem, an umnak ah an ka kalpi. Bia an ka hal ah hronak pawl zei hmanh a um lo. Mipi thimmi MP ka si caah harnak an ka pekmi cu a um lo tiah a langter. An ka tleihnak hi a ruang phun thum a  si tiah a langter, Pakhatnak ah kawlral kap he a pehtlai mi thawngpang a pe la mi khuami hna he pehtlaihnak na ngei ti a si. Pahnihnak ahcun thawngpang a la mi hna nih an theihmi thawngpang hna kha Ralkap sin ah thawng na zamh tiah an ti, Pathumnak ah Khomi biaknak upa hna nih thlacamnak an ka ngeihpiaknak ah Khomi Chin miphun hna cu an thinlung a lak hna i Pithusit tintan kai ding in a ti hna tiah sual an ka puhmi a si tiah a langter.

Image result for U Hawi Tin

Sual an ka puhmi hi keimah he pakhat hmanh pehtlainak ka ngei lo tiah a langter. An ka tleih in an umnak kan phak ah tirawl zong tha tein an ka pek ko. ka chuah lai nihnih thum hna ahcun eidin thawthaw an ka pek tiah a chim, ngandamnak kong he pehtlai in a harmi cu Kuak an zuk tuk caah kuak rim hi ka celh lo tiah a langter. December ni 5 hrang ah kan umnak hmun hi a him lo an ti hnu ah hmun dang ah an ka thial, zan lei suimilam 4 hrawng ah Kawl ralkap nih an rak kah hna. hmah hnu ahcun tukkahnak cu a um ti lo. Rakhine ram chung ahcun tukkahnak cu a um peng ko tiah a langter than.

Image result for AA ralkap hna

U Hawi TIn AA hriamtlai hna nih an tleihnak kong he pehtlai in a luatnak ding caah Ramchung zatlang bu, CHRO, NLD, Mizoram CM Pu Zoramthang, nuhrin covo a aupi tu bu hna le Ramdang in Australia ti ban tuk hna nih biatak tein an nawr pak. Nuhrin covo bu, Party hna le ramleng cozah hna nih an nawrpaknak le Chin miphun thlacamnak thawng in Pathian nih luatnak a pekmi cungah kan lawmhpi tuk. AA hriamtlai nih can saupi an tleih hnu zong ah miphun le ram caahcun raltha tein riantuan a timhnak zong a langter chih.

 

 

Leave a Reply

Your email address will not be published. Required fields are marked *