Theihkaunak Ca Hi Rak Rel Rih Hna Usih Thazaang Na Lak Hrimhrim Lai

Thinhun lio i bia khiahnak ser le, I lawmh lio i biakam nak ser hi a tha lem lo,Thil lianngan bia in na chim nak cha cun thil lianngan na tuahmi nih khan sunparnak an pek deuh lai.Fimnak nih a funtom i, hrutnak nih a thekdarh ve tawn.Mihrut a buainak cu a langzau i mifim belte nih langlo ding in a thuh khawh, An theihkhawh lo ding tampi chim nak in tlawmte an thinlung ah saupi a um dingmi kha va chim deuh.

Lawmhnak bia chim paoh2 hi fel hlawhnak midang cung ah va ti sual lo nak pakhat a si cucaah na hawi le midang sinah lawmhnak chim lengmang, Thinhunnak hi cikkhat te kan hrut khi a si ti a si.cikkhat te hruh na duh lo a si ahcun thinhun lo i tim ko.

Tukforhnak cu zamtak ding mi a si, asinain harsatnak bel te pahchih dingmi a si, Lih chim hi kaltak dingmi a si i,dinnak belte hi i nunpi dingmi a si, Fimnak cu zeitluk hmanh in sang hmanhsehlaw, dinnak, diknak, zumhtlak si nak nih a zulh lo ahcun santlaihnak a ngeilo.

Kan i ruahchan a si ah cun a tuar zong kan tuar zuam a hau, kan i timh a si ahcun hlawhcham le sungh zong kan ngamh a hau ve, Fimnak hi a petu Pathian theihnak a tello a si ahcun lohtlaunak phakpitu men a si ko.

Tu bantuk caan hi na ton than ti lai lo caah na caan tha tein hmang, A firtu si nak in a thlautu si a hlawk deuh ving.Inn chungkhar i pa bik/nu bik maw (a cowboy) tuk nak chungkhar paoh ah daihnak lawmhnak a um ballo. 

Na chawva le na muidawhnak par lawng a tlan mi hna nihcun, na harsatnak hmun ah zumhawk tlak a si bal lai lo, Pakhat2 nih fahnak maw,tuarnak maw anin pek tik ah na lungfak hlah cucu minung phung a si ko, A Thlum mi thei a tlai mi thingkung paoh cu lung le thing in cheh aa huah tawn ko.

Nu hna hi vawlei ceunak a kan hmuh tertu an si caah pa nih nu kan zawmhtaih hna ding a si lo.

Leave a Reply

Your email address will not be published. Required fields are marked *