Thangpa Nih “In God We Trust” Hla Thar He A Rak Chuak Than Cang.

Thang Paa nih hlathar a van post than cang, tu a sak mi hla hi amah nih a phuahmi le a sakmi a si. a hla talngtar ah “In God We Trust” ti a si. Amah hi thilpuan a hruk eih le a hlasak ning phun zong hi phundang te a si caah Kawlram mipi nih an van uar khunnak a si. Fashion lei ah kawlram chung ah a min a thang ngaingai ve. Hla a phuahmi zong a um pah len, amah hi hla lei a uarmi a si caah Myanmar Idol Season 4 zuamnak he peh tlai in vote pek ning kong ah ruahnak le Winner caah a duh piakmi hna kong zong a thinlung ah a um mi a langter.

Myanmar Ram chungah fashion phungdang te a hmangmi thangpa nih tu lio ah a lar ngaimi Myanmar Idol Season 4 vote peknak kong le Winner hmu dingah a duhmi hna a langter ve cang.  Thang Paa nih a chimnak ahcun “Myanmar Idol ah hin vote tampi in kan pek piak ve tiah an ka chim nain ka duh lo, a ruang cu kan duhmi pakhat te kha vote khat in kan pek ding a si ko tiah langter. zei tluk in na duhmi an si hmanh ah na duhmi te kha vote pakhat te pe ko tiah a langter, Myanmar Idol tuanbia kan zoh ah a tu hi voilinak a si cang,  A hlan voithum an tuahnak ahcun pa lawng te nih Winner an co cang.

Mah hi kawlram nu hna caah zohchia ngai a si.Tutan Myanmar Idol Season 4 ah pa nih Winner an hmuh than ahcun voili a si cang lai. tutan cu nu nih teinak hmu cang hna seh law a tha, a zuammi lak ah nu pahnih winner hmu kho ding an um, an min cu ka chim lai lo” tiah a langter. Nu nih hmu hna seh law a tha ti tiang lawng a chim nain mi zei dah winner hmu ding ah a duhmi a si bel a lang ter lo.Thangpa nih tutan Myanmar idol Season 4 ah Winner a hmu dingmi ah nu a duhsak hnanak le vote peng ning kong ah a lungtlin lonak a langter.

Thang Paa hi Fashion lio ah a min thang lawng si lo in amah hi hla zong tampi a chuahmi a si. Hla lei ahcun khawi ka hmun poh ah mah pum ralveng cu a si. Amah hi hla lei a uar tuk ve mi a si caah tutan Myanmar Idol Season 4 zuamnak ah vote peng ning kong le Winner hmu tu ding ah a duhsak mi hna a langter hi a si. A chimmi bia pahnih vote peknak kong le Winner a rak hmumi hna kong ah a chimmi hi a dik ngaimi a si. Myanmar Idol Season 1 in 3 tiang ah Pa lawng tein WInner an hmuh. Runner Up hi nu lawngte nih an rak hmuh fawn. Cu hlan ahcun vote pek tik ah Limit an rak tuah nain tutan cu Limit um lo duh zat in kan duhmi nu/pa kha vote pek khawh a si. a tang ah video kan chiahmi zoh khawh a si.

 

ဘယ်သူခွဲခွဲတို့နစ်ယောက်မခွဲပါ

Posted by Thang Paa on Friday, 8 November 2019

Credit: Thang Paa

Leave a Reply

Your email address will not be published. Required fields are marked *