Simone Biles A Lianngan Bik Ko,World Record A Siam Cang

Gymnastics hmun ahcun simone Biles cu celthiam hlawhtling taktak mi pakhat a si, American artistic gymmast nihhin World Championchips a tuah mi ah gold medal pahnih bak a lak chap, a taktum ah medal a nei tam cem bak a si. Pathian ni ahkhan Biles nihhin Balance beam le Floor exercise ah gold medal a lak than, medal a hmuh cangmi hi 24 bak a si, Cuhlan ah record tuah kho tu Belarusion tlangval Bitaly Scherbo nih a ngeihmi 23 medal cu a lonh bak cang.

Kum 22 Biles nih “ cu hlan ah ka rak tuah cangmi nakin tukum ka cawlcang ning a tha deuh tiah ka theih” tiah a chim. Ka caahcun zeibantuk medal pohpoh hi a sunglawi viar ko. Biapi in gold medal lak khawhhi cu ka saduhthah a si” tiah a chim. mah nu hi a ruangruh a ei kho taktak, mipi lakah a thilti khawhnak hmuhsaknak a tuah ahcun zoh cim bak a si lo. a tang ah rel ding dang a um.

Aungla N Sang nih laksawng Nganbik Pahnih A Chim. Aung La N Sang nih Japan Ram Tokyo khualipi ah Brandon Vera he an I phomhnak in teinak a hmuh hnu ah Lunglawmhnak bia chimnak a ngei, hringtu a pa, a chungkhar, phomh a cawnnak a team, a fens le One Championship hna nan cungah kan lawm tuk tiah a langter.

Aung La N Sang nihhin Brandon Vera he an I phomh I teinak a hmuhmi hin Laksawng $5000 bak a hmuh, Mah zatzat laksawng cu a tam taktak hi a si, Rethei harsa taktak in a zuamnak ruangah a hmuhmi phaisa a si. A Facebook timeline ah A vuami si hi nan duhve maw? a can ahcun mah ti hin tih a nung tiah a hmape hmanthlak he biahalnak le a harnak le tihnunnak kong ca a tial.

Laksawng tam taktak a hmuh chawng ah laksawng lak ah a nganbik tiah a ruahmi pahnih a tar, Cu lak sawng cu a phomhnak ah teinak a hmuhmi laksawng pei a si lai ti lio ah a rak si lo. Laksang nganbik ah a chiahmi cu “Laksawng nganbik cu Chungkhar le Ngandamnak a si” tiah a chim. Minung hi vawleicung kan nun chung ahhin Pathian laksawng kan donmi lakah ngandamnak le Chungkhar hi a rak si taktak ko

Leave a Reply

Your email address will not be published. Required fields are marked *