Rev. Lian Hre: ZEI CAAN DAH A SI?

ZEI CAAN DAH A SI?(Jeim 4:8) Hriamnam tha san tlaih lo caan, sii-aai hna zong san an tlaih lo ni, sui le ngun, chawva hna zong man an ngeih lo caan, thazaang thawnnak hman awk a that lo ni, rank saannak le bawi le upa, siangpa hrang le ram uktu zong an vaan saan lio, mirum mi ngei hna zong lungretheih lio caan ah hin Bible nih zei caan a ti dah? Minung hawi hlaat-Pathian naih caan: :Minung hawi hlaat(Social distance) an tuahmi nih, midang he cawh lole naih lo ding ti lio ah Bible bia nih cun, “Pathian kha naih ulaw an naih ve hna lai,” a kan ti. Kan minung hawi kan hlaat lio caan ah hin Bawipa naih caan ah hmang hna usih! Haleluijah!

Khrihfabu cio nih Kachin IDP Bawmhnak Pekmi Kachin Hruaitu Hna ...

Kan kut kha i tawl caan: :Nawlngeitu hna nih, “Nan kut a tu le tu, thiang te-in tawl u,” a kan ti. Covid-19 rungrul tihnung(super bugs)in kan him khawhnak hnga dawtnak aw a si. Vulei khuaza aa thekmi Pathian mi hna Jeim nih a kan sawmmi cu, “Misual mi hna, nan kut kha i tawl u,” a ti! Midang cung, nupi pasal, fanu fapa cung kut thlak, Cozah ta, Khrifabu ta, mipi sifaak santlai lo, har tong bomh
nak, ngaktah buangro tinvo laakbang hmangmi kut, Pathian taa 1/10 mah taa ah ruahin reel hmangmi kut, tonghtham thiang lomi tonghtham nak kut i tawl caan a si! (Math 18:8).Haleluijah!

Khrihfabu cio nih Kachin IDP Bawmhnak Pekmi Kachin Hruaitu Hna ...

Lung i thianh caan: Leenglei hmuh khawh sualnak vialte cu lungthin chungin a rak chuakmi a si(Math 15:19).Atu caan cu kan puan si lo-in kan lungthin kan thleh caan, i ngaichih caan, rawl ulh In tah caan a si(Joel 2:12-16).Lungthin thiangin Nun caan a si, lungthlen caan a si(Math.5:8).Kan lungthin dihlakin kan auh caan, dawt caan a si. (Math 6:33)Haleluijah! Lungthin thiang nak he Bawipa lawnglawng fuh le bochan caan a si. Haleluijah! Bawipa nih thluachuah pee seh!

Khrihfabu cio nih Kachin IDP Bawmhnak Pekmi Kachin Hruaitu Hna ...

Credit: Rev. Lian Hre

A fekmi dawtnak | Nitin Thawngzamh

Pathian Biakin le Thlarau le Biatak Biak Can: Bible: 1 Korin 3:16 Pathian biakin nan si kha nan hngalh I Pathian thlarau nan chung I a um zong kha nan hngalh. Johan 4:21 “Minu, Ka chimmi hi zum, mi  nih Pa cu hi tlang ah siseh, Jerusalem ah siseh an biak lo caan kha a phan lai” Cathian nih Pathian biakin nan si tiah fiang tein a langter. Can tampi ahcun Minung nih sakmi In thatha hna hi Pathian tonnak hmun bik a si tiah kan ruah theu tawn, a ngaingai tiahcun BiakIn thatha hna hi Pathian mithiangg hna nih hmunkhat ah a bu in Pathian kan thangthatnak, biaknak le pehtleihnak  hmun te khi a si ko. Pathian rian kan tuannak hmun le thazang kan I peknak, kan I bawmhchanhnak hmun te khi a si ko. Bible nih zumtu hna hi Pakhat le pakhat riantuan ti ding, thazang I pek ding le i bawmchan ding in a kan duhmi le a kan fialmi a si bantuk in Minung nih Sakmi biakin ahhin dawtnak he lungrual tein rian kan tuantinak le Pathian kan thangthatnak hmun khi a si.

Bible nih Biakin a ti taktak mi cu Minung nih sakmi Biakin khi si lo in zumtu kamah nun hi a si. Paul nih Corin khuami hna sinah “ Pathian biakin nan si kha nan hngalh I Pathian Thlarau nan chung I a um zong kha nan hngalh” tiah a ti hna. 1 Korin 6:19 chungah Paul nih “ nan pum cu Thiang Thlarau biakinn a si kha nan hngal lo maw? Cu Thlarau cu nan chungah a um I Pathian nih an pekmi hna a si kha nan hngal lo maw? Nan nih cu nanmah ta nan si lo Pathian ta nan si” tiah a tial. Pathian bia nih fiangte in a langtermi cu zumtu hna kanmah pum hi Pathian biakin a si kha fiangte in a langter. Unau kan pum hi Pathian biakin a si ti mi hi nitin te kan nunnak ah a takin kan I nun pi peng ding hi a biapi tukmi a si. Pathian Biakin ah a langmi nunnak le theipar  hna. Pathian he pehtleih I thlacam, Pathian bia relnak, Pathian thangthatnak, mi bawmhchanhnak, Mi Ngeihthiamnak, mi zawnruahnak le thil dangdang hna a si.

Jusuh Vawleicung a len lio can ahkhan Judah mi nih Pathian cu Jerusalem ah an biak I Samaria pawl nih Gerizim  tlang ah an rak biak ve. Mah tlang hi Pathian umnak le tonnak hmun bik ah an rak ruahmi a si. Judahmi saltang mi hna hmanh kha thla an cam can ah Jerusalam thlang lei hoih in thla an camnak kan hmuh. Pathian hi Jerusalem Biakin pi ah khan a um tiah an thinlung ah a khat. Sihmahsehlaw Jesuh nih Samaritan nu kha, Johan 4:21 ah “Minu, Ka chimmi hi zum, mi  nih Pa cu hi tlang ah siseh, Jerusalem ah siseh an biak lo caan kha a phan lai” tiah a chim. Biakam thar zumtu hna nih Kan Pathian hi Jerusalem le Gerizim tlang theng ah biak a herh ti lo. khawika hmun le ram kan umnak hmun poh in Kan Pathian biaknak le pehtleihnak hmun a si. Khrih zumtu kanmah hi Pathian biakin cu kan si.

Pathian mithiang hna nih kan nunnak in Amah Pathian cu Thlarau le Biatak in kan biak hi A kan duhmi a si. Pathian cu Thlarau le biatak in kan biaknak caah hmunhma biakin ti ban tuk hi a biapi bik a si lo. hohmanh nih hmuh khawh lo mi kan thinlung muro nunram tu in Pathian kha thlarau le biatak in kan biak hi Pathian ni a duhmi le a cohlanmi biaknak taktak cu a si. Tu lio ah Zawtnak ruangah Cozah nih Mibu tam um lo ding in a thanh, Biakin hna zong mibu pumhnak a si caah khar a si tikah mi cheukhat nih a soiselmi tete um pah a si. Pathian nakin zawtnak tih deuh a si ti ban tuk tete online ah hmuh a si. A dikmi a lo ko nain a palhmi zumhnak le ruahnak a si. Tutan thil cang hi Nan Pathian hlaw uh ti a si lo. Harnak cungin luatnak ding caah hruaitu hna Pathian nih a hman hna tu a si deuh. Hruaitu hna hi Pathian nawl lo in a cangmi hohmah an um lo tiah cathiang nih a ti. Cathiang thiamthiam nih Uktu le Nawlngeihtu hna kha an nawl ngai hna uh a ti than.

Hmunkhat pumh le pumhlo nih zumtu tha kan sinak a langter lo. zumtu tha kan sinak cu hohmanh nih hmuh khawhlo mi kan thinlung nunram ah a um mi a si. Pathian le kanmah lawng nih hngalh khawhmi a si. Cu thinlung nunram cu thei a tlai tikah midang nih kan nun in khrih muisam an hmuh khawh, Cucaah a tu bantuk in hmunkhat te ah Pathian kan thangthat khawh lo lio ahhin kan nunram ah a tak le deu kan si a langter. Biakin pumnak kan kal tik ah mitam pi cu Pathian biak le thangthat taktak ah a kalmi kan um bang, Micheu khat bel cu minung mit ah zohdawhnak men le mitpurh men ah a kalmi zong um khawh a si. a ngaingai tiahcun Zumtu hna nih Biakin ah Hmunkhat teah Pathian kan thangthat, kan biak, a rian kan tuan le thazang kan I pek, kan I bawmhchanh hi a tha tukmi le a sunglawi tukmi a si.

Sihmahsehlaw Biakin hi kan Pathian Thlaru le biatak in kan biaknak a langter tu tahfung bik cu a rak si lo. tu lio can hmun khat teah I pumkhawm kho lo in kan um lio can ahhin Pathian Thlarau le biaktak in kan biak can cu a si. hlaphuahtu nihcun fiangte in hmu kho hna sehlaw Vawlei vialte hi Biakin a si tiah a tial. Dawtmi zumtu hna Pathian nih zawtnak le harsatnak in kan huppheng seh. Nifatin kan nunnak ah kan Pathian hi thlarau le biatak in a biami le a rian a tuantu si ko hna sih. Kanmah hi Pathian Biakin kan si. Gerizim le Jerusalem tlang theng lawng ah Pathian a biami si lo in nifatin kan nunnak in kan Pathian thlarau le biatak in a biami zumtu tha kan si khawhnak hnga Thiangthlarau nih kan bawm peng ko sehh. Amen.

Mc. Dawt Cung

 

Leave a Reply

Your email address will not be published. Required fields are marked *