Reel huam mi hrangah, theih kauh nak?

Dr, George de Bothezat, le Iva Jerome, hna pahnih nih, Decembar18,1992,i anrak tuahmi Helicopter, cu vawlei cungah Helicopter, hmasabik vanlong asi. Vawlei cungah motor țhabik Mercedes-Benz Company, cu German milian Gottlieb Daimler, le Karl Benz,te pahnih nih, anneih mi Company komh in May”11,1926,ah anrak siam. AD 1800,hlan ahcun Buut, kedan tibantuk anrak tuah tikah, keh leile vorhlei arak umlo. Ailo in anrak tuah. Vawlei cungah, World cup aithok hmasat bik nicu, July”13,1930,ah asi i, France le Mexico, anrak itong i World cup i goal”athun hmaisa bik tucu. France, rammi Lucien Laurent, arak si.

February, 10,1931,ah New Delhi cu, India ram i khuapi bik(capital)ah anrak chiah. Frequency Modulation(Fm)Radio, cu December26,1933,ah Edwin Howard Armstrong, nih aram siam. Cuhlan i Persia, anrak timi cu, March 21,1935,ah, Offecial tein Iran, tiah thlen arak si. Vawlei cungah Tv”he biachim hmasabik cu BBC,asi. Otober,1,1936,riin caan hman tein anchim khawh zungzal. April 7,1948,kum ah, W.H.(World Health Organization)timi cu, Geneva, khuapi ah anrak dirh thok. February, 1947,um ah, vawlei cung i ahlunbik Hebrew documents(Hebru ca poimawh pawlcu, Palestine ram i Dead sea, pawngah anrak hmuh/char. Credit: agust Hrang Hching.

ICJ nih taza acuaimi asi lo, UN member asi vemi Gambia ram nih taza a cuaimi asi. ICJ cu “super-treaty” ti zongin timi UN Charter nih a sermi, UN six principal organs lakah pakhat, biaceihbawi zong UN nih a thimmi, an judgement zong tanhmi ngei loin a ding ngai tawnmi asi. An judgement cu “legally biding” a ngei colh i, an zulh le upat ngai tawnmi asi, USA hmanh dantatnak an pek bal i a biachah a zulh ve ko (pakhatte zon long a zul duh lo i veto a hman bal). ICJ judgement hi “automatic” in UN Security Council ah a va lut colh.

ICJ judgement kha an zulh lo sualcun UN Security Council nih “enforce” a tuah khawh tthan (cu zon te cu Kawlram hi Tuluk a um caah a hna-ngam pah dawh asi, nizan tihni ah Tuluk ramleng vuaici zong Napyidaw a va tlawn kha mah kong hi aa tel lai zumh dihmi asi). Nain, ICJ nih judgement a tuah i sual a pek cangmi cu an zulh duh lo caah UN Security Council tiang a va phan rih i cu nih “enforcement a tuah rih lo sual zongah khin a mui a chia ngaimi asi i, UN member ram poh nih sipuazi dantatnak zong an tuah khawhmi asi. Tawi nakcun: ICJ judgement cu “enforcement mechanism” leiin a bau deuh ve nain a biachah cangmi cu hmual tthawnnak a ngei ngaimi le a ram a kau ngaimi asi i, upatmi asi tawn ko. Tutan ah tambik cu UN Fact-Finding Mission (FMM) nih evidence and fact an khomhmi kha Gambia ram nih cherhchan ah hmangin “Kawlram nih min a thutmi Genocide Convention a buar” tiah taza a cuaimi khi a hun si.

FMM report nih sual a puh bikmi hi Kawl ralbawi 6 an si, DASSK zong a mawhchiatmi ah aa tel ve. DASSK nih a fawi nakcun “Genocide Convention hi kan buar lo” tiah aa pheh dingmi khi asi. Cucu Kawlram cozah thawngthanhnak ah DASSK cu “to defend the national interest of Myanmar” dingah a kal lai, tiah biatlang an hman. A sullam cu: “Genocide Convention kan buar lo tiah defend” khi a hun si, hi “defend” biafang nih a sawhmi cu genocide a buar tiah sualpuhmi Kawl ralkap hei “defend” khi asi ko. “Defend hi dirkamh” tiah a olnak in kan ti.

Cucaah a fawinak in DASSK nih “Kawl ralkap sualpuhnak kha dirhkamh aa tim” kan ti lengmangmi cu a hun si. Nain, tutan a ratmi ahcun “Genocide an buar le buar lo” kong kha biapibikin an ceih rih lai lo, “Provisional Measure” an timi caankarlak ah Kawlram cozah nih tuah lo dingmi biakhiahpiak dingah Gambia nih a sokmi phun 5 khi an ceih rih lai. USDP statement nihcun, “provisional measure” hi kan cohlan ding asi lo, zeicatiah kan cohlan ahcun Genocide Convention buar le buar lo kong biachah hlanah a buar cangmi bantuk phun khi kan lo. Cucaah kan al awk hna asi” an ti. Hihi tutan DASSK dirhmun zong asi te men lai, cucaah “Provisional Measure” hi kan duh lo tiah phun tampiin alnak (contest) tuah izuam khi tutan puai cu sibik te dawh asi. “Genocide Convention kan buar lo” timi lei kha cu tutan ahcun tampi chim rih dawh khin a lang lo (ICJ phung zongah provisional measure kong ceih lioah a murupi kong cu tampi nan chim rih lai lo timi a um).

DASSK nih cun NLD cozah a kai hnuah Commission phunphun an dirhmi le Rohingya kongah hma an lakmi tete khi a bikin a chim te men lai. A bikin Philippine rammi ambassador pakhat nih a hruaimi commission nih Rohingya kongah Tatmadaw le Myanmar Security Forces nih phung an buar le buar lo (genocide an tuah le tuah lo) an hlat liopi asi caah tlawmpal ah report a chuak ko lai, phung a buarmi cu Kawlram upadi ningin dan kan tat ko hna lai, cucaah “Provisional Measure” timi hi a hau lo, ti khi a chim bikmi si te dawh asi. Cun terrorist tiah Kawl cozah nih a timi ARSA kong kha fakpiin highlight tuah aa zuam te men lai.

Hi biahalnak hi phit ahcun a fiang lai: ICJ biaceihzung ah Gambia nih zei kong dah taza a cuai? Lehnak: genocide convention a buar timi kongah taza a cuai. Cucu Kawlram ah aho nih a buar? Lehnak: UN report kha a bikin cherhchan hmangin Kawl ralkap kha a buar tiah puhmi cu an si. Cu sualpuhnak cu ICJ ah aho nih dirkamh (defend) a timh? Lehnak: DASKK nih defend a timh. Uar a um lo ngaimi cu: hlan ralkap cozah chan ah siseh, tutan NLD cozah chan zongah siseh, zeimaw an tuahmi kongah mipi zalamtlang ah chuakin lamzawhter in dirkamhnak tuahter an hmanmi ziaza hi uar a um lo ngai. DASSK nih Kawl ralkap sualpuhmi “defend” a timhmi hi uar a um lo chinchin. UN report he aa suk le aa kalh ding hi ka duhpi lo khun, UN Charter-based bodies le UN treaty-based bodies le human rights activist vialte le right groups vialte nih vanriang tlakin an tlak te ding khi ka duhpi lo khun. Cu lakah Laimi nih thla an campiakmi le defend pi an timhmi hi uar a um lo cemmi cu asi.

Ngaingai cun: Kawl ralkap nih Tlangcungmi cungah kum saupi sualnak phunzakip a buarmi kongah vawleipi biaceih zungah chuahpiin azizut awkah kum saupi kan rak hal tawnmi le kan rak aupi tawnmi a rak si. UN Security Council ah veto in an rak kham lio hna hi kan ngaih a rak chia ngaimi asi. Tutan ah IJC le ICC biaceih zung pahnih ah tazuaicuai dirhmun an hun phak tikah (Rohingza case a si zongah) kan i lawmh ngai dingmi tu ngaingai ahcun thil kalning taktak cu asi. “Justice and accountabilty” kha kan dirpi dingmi cu asi. Nain, Karen, Kachin, Mon, Arakan miphun pawl lawng an i lawm hna i, Laimi tampi cu Kawlmi pawl deuh an dirnak lei kam tu ah kan dir hna hi cu ngaih a chia ngaingai. Hmailei chanbia ah philh asi ti lai lo.

Credit: Salai Van Lian Thang

 

Leave a Reply

Your email address will not be published. Required fields are marked *