Pu Solomon nih a fanu catang a thei loh

February 2, 2020 (Sunday) zanah khan Malaysia um Thantlang Peng Fellowship (TPF) le CNF/A ralbawi Col. Solomon Thang Ding le a tuanpi hawi Salai Biak Pum tonbiaruahnak kan ngei hna. Cu tonnak ah cun theihternak kan tuah hna i, Pu Solomon nih a chungkhar kong a chim lioah a fanu upa bik a sianginn kaimi catang a hngal loh! Cutikah a hawipa Salai Biak Pum (CNF ah bochanmi Dr. Za Hlei Thang tupa) nih, “Tang 7 a si” tiah a van chimh chom. Kan ni hna, kan mawh loh. Asinain, a hnuah cun Pu Solomon nih hin a chungkhar hmanh thate khurh-awmh thiam loin ram le miphun caah a herhnak kipah a kaltak hna ruangah a fale catang zat hmanh a philhnak a si ti kha a hnu ceoah kan i fiang hna.

Facebook cahmai ah thenkhat ramdawtu deu pawl nih, “Ziah AA nan kah hna lo, zeidah nan tuanmi a si ne?” tiah kan mawhchiat hna. Phaisa thazaang in CNF/A a bawmchan lengmang mi hna tu cu an holh lo, daite in an um. Fangkhat hmanh a bawm lomi pawl tu hi a aukhuang huammi kan rak si tawn. Ram le miphun caah nunnak pek bak in a tuanmi CNF/A hna hi kan dirkamh peng hna awk a si. Kan bawmhchanh kan dirkamh khawh hna lo hmanh ah soisel hrimhrim hna hlah usih.Credit: Victgor Mang Hlei hrin. ca dang rel ding a um rih.

President Trump cu democrats pawl nih sualnak phun hnih in house ah impeachment an rak tuah. Abuse of Power le Obstruction of Justice” timi article phun hnih in a si. House nih impeachment an tuah hnu ah Senate ah tazacuai a si. Senate tazacuainak cu Supreme Court Chief of Justice, John Robert nih a hruai hna. Senator minug 100 ah cheuthum cheu hnih 67 nih a sual an ti lawngah President Trump cu President sinak in thlak khawh ding a si. Asinain cheu thum cheu hnih cu chim lo, cheu hnih ah cheu khat hmanh democrats pawl nih vote a hmu kho lo. Tu zanlei ah Senate nih a sualnak kan hmuh lo tiah vote an thlak i, biachahnak an tuah caah President Trump nih teinak a co.

Image result for donald trump and nancy pelosi"

1.Aphun khatnak i taza an cuainak cu “A nawlngeihnak a hleihluat in a hman, “Abuse of power” timi a si i, Senator minung 100 nih a sual le sual lo vote an thlak. Senator minung 52 nih a sual lo an ti i, Senator minung 48 lawng nih a sual tiah vote an thlak caah, Abuse of Powr in a pakhatnak taza an cuaimi cu an thah piak caah President Trump nih teinak a co.

Image may contain: 2 people, people standing, suit and text

2. Aphun hnihnak i, taza an cuainak cu “Obstruction of Justice” timi a si. Thil dik chuak khoh lo ding in donhkhanhnak a tuah “timi a si. Senator minung 100 nih vote an thlak than. Minung 53 nih a sual lo an ti i, minung 47 nih a sual tiah vote an thlak caah President Trump nih teinak a co thiamthiam.

Image may contain: 2 people, people sitting, people standing and text

Tutan vote thlaknak ah Republican lei Senator Mitt Romney lawng nih Democrats lei ah Artitcle pakhatnak Abuse of Power ah vote a thlakpi hna. Article pahnihnak Obstruction of Justice ah cun Republican lei ah thimfung a thlak than. Mitt Romney hi Republican a si ko nain President he pumpak i a rem lomi an si caah atu bantuk in Democrats lei ah thimfung a thlaknak a si. Mah ruangah Mitt Romney cu Republican hruaitu cheukhat nih party leirawitu an ti i, hlan lio Mitt Romney hmuhning in kan hmu kho ti lai lo an ti.Credit: Salai Lairam Thang

Leave a Reply

Your email address will not be published. Required fields are marked *