Pretty Lunlabelle Athattu Tlaih A Si Cang

Thai fashion miss muidawh minthang pretty Lunlabelle cu party pakhat an tuahnak ah a dinmi zu ah ritsii an cawhpiak caah lungfim loin sau nawnpi a um hnu ah a nunnak a liam ti a si, mah hi nai i kan rak tial cangmi ritsii (GHB) timi ritnak sii kha a si a dinmi zu ah a cawhpiaktu le a tlaihhremtu pa hi palek nih an hlat lengmang hnuah an theih i an tlaih cang amah min cu (Ratchadet Wongthabutr) ti a si i kum 24 a si, september ni 24 bak ah khan an tlaih ve.

September ni 17 zing lei ah Ratchadet a umnak comdo inn a tang bik khan ah a ruakin an hmuhmi pretty Lunlabell fashion miss a thihning le case hi Thailand mipi nih theih an duh i an cuanh dih mi Thailand ram ah a hung lar cuahmahmi a si.

Case pa 3 in tazacuai dingmi Wongthabutr nihhin lungfim loin a ih komi Lunlabella cu a sualpi timi case pa 2 sii le zu chawhmi a ri tukmi pretty Lunlabella cu siizung kalpi lo case cun a chungkhar thawngthanh lo case a nunnak a dongh tiang a innkhan chungah a chiah caah case pa 2 in taza an cuai lai ti a si.

September ni 16 chun lai piah VIP party puai i hmang ding in a rami Lunlabelle cu bat phaisa 5000 in midong tu dingah mirum hna nih an hlanmi a si, suimilam pakhat tluk ah Lunlabelle hi sii an cawh piakmi zu cu adin caah a ri tuk cang i mah ngal loin a um cang cucu Wongthabutr nihhin a liangcungah i chonh in amah umnak innkhan ahcun a kalpi ti a si.

VIP party puai a tuahtu a ngeitu mirumpa nihhin fashion miss hna le model pawl hna hi nifa tein a hlan hna i chun in zan 12 tiang hi a umpi hna a telpi zungzal hna ti a si,hi VIP party hi mirum le milian lawng te an kalnak le an i nuamhnak hmun a si hi nu hi mirum hna nih party puai zu a ri tuk i a chet tukmi nu paoh cu atu bantuk hin mirum paoh nih an puak hna i an motor chungah an khumh hna i an inn ah an i kalpi lengmang hna i an sualpi lengmang hna ti zongah theih a si.

Hi nu hi fanu te pakhat a ngeimi a si, i ka tial cangmi kha a si a fanu te cu a nu a thih kong an chim ngam lo i aa ngilh tiah an hlen a ruak cungte ah a fanu te nihcun a nu cu birthday cake a put i mei a chem piakmi te kha a si.

Leave a Reply

Your email address will not be published. Required fields are marked *