President nih ai tinh mi rian a ttuan khawh chin chin lai

Sayama Nukhan nih a thlacamnak in a hmuh ton mi a van ka share mi asi, Rel ttha ngai asi, discussion tuah ciammam ding bel asi lo. Tulio vulei nih a ton mi cu ho poh nih kan hngalh dih mi asi. Mi cham bau ka si kai hngalh. Keimah pumpak duhnak, tinhmi, ruahnak vialte kal taak in thin lung kekkuai in Bawipa sin ah ka nun ka peek i rawl ka uul i ka hmuh ton mi a si. Bawipa nih A vaan ralkap hna van in a van kuat mi khi aka hmuh ter. US state 50 ah fire fighters bantuk khin ttavuan a peek dih hna. Mi ttha lo hna nih tthat lo nak an tuah mi cu an hmih khawh dih. Daihnak a leng cang lai ti kha a ka hmuh ter. Caan tawi te chung ah hi thil hi a cang lai ko lai. President nih ai tinh mi rian a ttuan khawh chin chin lai. Bawipa nih authority a let hnih in a peek. Business US in ramleng i a chuak mi zong an kir tthan i a let sarih in a tthang. Atu lio kan president hi politician asi lo. Atu lio caan ah hi bantuk hi Bawipa nih a herh. A ral a ttha i Bawipa lei a ttang mi asi. Bawipa nih aduh mi thil a tuah a ttuan khawh nak hnga a tlin ter mi asi.

Tlin lo nak tam pi a ngei, Bawipa nih mi ai thim tik hna ah vulei mit hmuh i mi tling mi ai thim bal hna lo. An thinlung tu khi a zoh, i aduh mi ai thim tawn hna. Pathian nih “ka fapa asi, kai thim mi asi, Keimah cu Pathian ka si i US a ngei tu ka si, adir hmun i a chia tu khi Keimah ka si” ati. Keimah nih kai thim i hi dir hmuni ka dir ter mi asi caah amah lei ah ka dir peng lai. fek te in ka dir pi lai, ka him ter lai i cu ti cun ka tuah rih lai. Vaanmi nih thlarau lei mei phu hmun kenkip ah an kau zong kha aka hmuh ter. Vulei cung mi tampi nih ral atho lai ti ah an ruah. Hi bantuk thil cu a cang ko lai na in ral cu a tho rih lai lo. Zei caah ti ah khamhnak a co rih lo mi mi tamtuk an um. Thlarau lei tthanghnak ngan pi pi a tlung rih lai. India le China nih hnatlaaknak an tuah zong ka hmuh. India le US le ram tampi hnatlaaknak minsen an thuut zong ka hmuh. Bawipa nih US ram cung thlarau lei boruak cu a veenhim ko ti kha setan nih a hmuh caah a thin a hung tuk i amah nih ai hman khawh mi hna kha an temperature a kai ter hna caah thi le sa in do lo in a pennak thlarau tthawnnak in do hna usih.

Efesa 6:10-18 A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u. 11Khuachia hlennak kha nan doh khawh nakhnga Pathian nih an pekmi hna ralthuam vialte kha i hruk u. 12Zeicahtiah kan dohmi hna cu minung kha si loin, vancung khua i a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si. 13Cucaah atu hin Pathian ralthuam kha i hruk u. Cun ni ṭhalo kha a hung phanh tikah nan ral cu nan rak doh khawh lai i a donghnak tiang nan i tuk hnu zongah nan hmun ah cun fek tein nan dir kho lai.

14Cucaah timhcia tein dir u: nan taisawm caah biatak kha fek tein i sawmh u; nan ṭangphaw caah dinnak kha i benh u; * 15nan kedan caah daihnak Thawngṭha chim thathawhnak kha i danh u. * 16Zumhnak kha phaw caah i ken zungzal u law cu phaw cun Khuachia nih mei bantuk a simi thal in an kah hna tikah nan rak hmih khawh hna lai. 17Cun luchin caah khamhnak kha i chinh u law Thlarau nih an pekmi hna vainam caah Pathian bia kha i lak u. * 18Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u. Thlarau lei kan phak nak poh kha hi ram le miphun zong hi a phan ve lai. Cu caah Thiangthlarau hruainak hi biapi ah chia usih law zeibantuk a can poh ah Pathian hi philh hlah usih.

Bawipa nih hi pa hi president caah ka duh mi asi US him te i a chia kho ding le dollar le biakinn le Khrihfabu a veeng tu ding zong amah hi asi ati. Zumtu hna hi dai te in kan um ding asi lo kan tuah khawh mi poh kan tuah cio ding tu asi. Zeidah kan tuah lai? Khukbil in thla cam ko. Media hmang i pakhat le pakhat kut dong i i sawh lulh le comment i peek kha i suum u. Bawipa kut ah chia ko uh. Bawipa kha pakhat nak ah chia u law Amah ah i hngat ko uh. Biaknak thlarau tthawnnak a ttha lo mi zong hi tthawl dawi hna uh. Miphun karlak ah, Media karlak ah biaknak karlak ah tthawng ngai i rian a ttuan mi thlarau chia cawlcanghnak hi Nazareth Zisu min in tthawl hna uh.

Lo thlo pa nih vulei ttha te in a tuah to hnu ah thlaici kha a tuh a ciin tawn. Cu caah Khrih ah u le nau hna, kan ttih nak le kan harnak nak in Bawipa hi ngan ter deuh hna usih. Zeidah a hmaan hmaan lo, zeidah adik dik lo timi karlak ah kan mah buai in buai hna hlah usih. Kan pawngkam i thil a cang mi vialte hi Bawipa nih amah kan naih khawhnak hnga ding i a can ter mi lawng te an si. Vai thlaak leen duh hlah uh. Kan mah hi a rawk cuahmah mi vulei, miphun le ram, biaknak le chungkhar a remh tthan a sersiam tthan tu ding kan si. Bawipa sin ah i lawm hna usih law thluachuah akan pek mi cung ah hin lomhnak chim hna usih.

Kan umnak ram hi a ngei tu bantuk in lungput ngei hna u sih,  Daw hna u sih law thlacam piak hna u sih, ngai leen hlah usih, Bible hi rel hna usih law Bawipa hi naih hna usih.  Jashua nih mi zapi hna cu, : Bawipa nih thaizing ah nan lakah khuaruahhar a tuah lai caah i thianh tuah u,” tiah a ti hna. (Joshua 3:5) bantuk in Bawipa nih sualnak in kan i thianh kha a kan duh. Bawipa nih a khuaruahhar kha i ruahchan ding in a kan duh. Bawipa nih thil lian ngan a tuah lai. Ram chung i biavaivuan an phuan mi le Media nih an chimmi hi zuum len hlah usih. Nukhun, Khan International intercession Ministries( KIIM Ministries).

Leave a Reply

Your email address will not be published. Required fields are marked *