Pi Sui Thai Nih Sifak Santlai Lo Mi Domlo Phurhnak Caah Motor A Hlut

Thil tha kan tuahmi ruang ah midang nih Pathian an lawmh: A caan tete ah “nan rian tuannak ah”tiah Kyat- Sing 1 – 2 -3 ti in khatkhat sin in Phaisa a kan kuat tawn.”Kan i lawm tuk” tiah a ho ka chimh lai ti hmanh ka hngal lo. Hawikom cu chim lo Facebook hmanh in friend kan si lo ruang ah. 2020 kum thawh ah khan nu pa khat nih zingkaa te ah phone a ka chawnh. Pa Hu “nan rian tuannak caah phaisa hlut ka duh i zei program dah na ngeih” a ka ti. Oxygen bawmhnak dirh ka duh ka ti. A nihnih “zeizatdah a hauh lai” a ka ti ii kei nih ”dur ngan pa khat ah Kyat-150,000/- “ ka ti. Mah hi kan bawm ve tiah ka ti colh. Nain a lungtling lo.

Image may contain: car

A bia a peh i “ mizaw phorhnak cu mipi an i zaa cang maw? An i zaat lo ah cun Motor ning pi in pa khat hlut kan duh hna” a ka ti. Kaa lawmh tuk ah hin “e law Kaa lawm tuk hringhran”ti hmanh in ka let ngam lo. Mizaw kong le a dang pipi kong tu khi bia ka ruah. A bia a peh nolh tthan i “nan rian tuanning hi ka lungtlin tuk caah duhsah tein phaisa ka rak in khon piak lengmang hna” a ti tthan. Cu ah cun Kaa zumh tuk cang.

No photo description available.

Caan tlawmpal te ah ka chunmang cu a mah sin in a hung tling colh ve. A ho si hnga tiah ka vun hlat deuh tik ah, Pi Sui Thai, Pyidawtha sang, Hakha a rak si. A tu bal cu Indianapolis USA ah khua a sa an ka ti. Pathian Bawipa nih nunsau ngandam le thluachuah cu a chungkhar rual he pe chin chap ko hna seh(Luke 6:38). Hitin zaapi sin ah ka hun tarlangh lai mi hi a mah nih a duh lem lo nain, Pathian nih thangthat a co tal ah ka ti. Zeicahtiah “cuticun thil tha nan tuahmi kha an hmuh lai i vancung khua i a ummi nan Pa kha an thangthat lai”(Matt 5:16b).

Image may contain: 1 person, standing, tree and outdoor

Bawipa nih kan zaapi caah kan cem piak ko seh. Amen. Khrih ah nan rian tuan hawi, Cung Hu Note: Hi motor cu zaapi caah a si. A rawk mi a remhtu le a fimtu lawng ka si. Mirum nih Petrol, remhnak, driver eidin umtthutnak, caah Motor man zeimawzat an pek lai. Nain, sifak harsa poah nih a man loin an hman lai.

Image may contain: car

Credit: Pu Bawi Hu

 

Leave a Reply

Your email address will not be published. Required fields are marked *