Pathian nih nifatin an chawnh! Micheu nih Bible ca le hla lawngin kan ruah.

Pathian nih nifatin an chawnh! Micheu nih Bible ca le hla lawngin kan ruah. Pastors hna le thawngtha chimtu hna sin lawngin kan ruah. Sermi thil vialte hi Pathian lamkaltu an si. Amah sermi kan si caah, amahta kan si. Cucaah misual hna, na hawikom hna, na tuan hawi hna, sermi thilri hna le Sehtan zong hmangin an chawnh khawh! Cucaah, na mit, na hna, na ruahnak, na thinlung le na taksa hna kha Bawipa aw theih khawhnak thil an si caah nifatin Bawipa aw theihnak ah rak hmang zungzal.

Bawipa nih hawikomh an duh tuk! Thiang Thlarau pek an duh tuk. Cucu ihawikomh awk ah an sermi na si caah asi. Sualnak nih cucu kan kar lakah an kan then caah, Bawipa nih remhthan(restore) tuah an duh zungzal. Bawipa aw na theih khawh lonak cu Pathian telh loin ‘minung le sermi thilri’ cun ‘minung le minung’ lawng kan ihawikom caah asi. Pathian kan philh theo i an kan sertu asi hmanh nifatin kan thei tawn lo.

Sermi minung le sermi thilri cu sertu Pathian tel loin sullam angei hrim loh. Kan sining dihlak le kan ngeihmi thilri dihlak in Pathian kha kan hawikomh awk asi. Cu kan ihawikomh khawhnak hnga Thiang Thlarau co kan herh! Thiang Thlarau cu cawk ahau loh! Laksawng asi. Free asi. Thahlawh le tuanman in hmuhmi asi lo. Sual ingaihchihnak le Jesuh Khrih zumhnak in asi.

Jesuh Khrih zumh cu, Thiang Thlarau an pek tikah khan na zumhnak atling i, laksawng cu pek na si ve. Thiang Thlarau an pek hlan lo paoh cu na zumhnak kha Pathian duhning asilo caah asi. Aruangcu zumhnak phun tampi a um ko. Asinain adikmi cu pakhat lawnglawng asi. Minung theih hngalh pimi siloin Pathian theih hngalhmi tu asi.

Credit: James Vanneilian

Leave a Reply

Your email address will not be published. Required fields are marked *