Nun Lio Caan Thengte Ah

1.Thlanmual ka liam ni ah cun,na mitthli a tla lai,nain ka thei in ka hmu kho ti lailo,mah caah atu ah na ka dawt ahcun ka caah na mitthli cu tla ko seh.

2.Thlanmual ka liam ni ahcun ka thlan ah pangpar na chiah lai,nain ka hmu in ka la kho ti fawn lailo, cucaah atu ah pangpar cu ka pe deuh ko.

3.Thlanmual ka liam ni ahcun na ka sian lonak bia le ka thatnak kong na chim len te lai,nain ka thei kho fawn ti lailo,cucaah atu ah ka theih khawh lio teah ka chim deuh ko mu.

4.Thlanmual ka liam ni ahcun ka santlaih lonak le ka tlin lonak na ka philh piak cang lai, nain ka thei kho fawn ti lailo,cucaah a tu ka theih khawh lio teah ka philh piak deuh ko mu.

5.Thlanmual ka liam ni ahcun na cung I ka tuah sualmi ka palhnak na ka ngaihthiam canglai,nain ka theih kho ti fawn lailo,cucaah ka palhnak cu ka theih khawh lio te ahhin ka ngaithiam deuh ko mu.

6.Thlanmual ka liam hnu ahcun na ka ngai in na ka hlam ve theu te lai,nain ka thei kho ti lailo,cucaah a tu ah ka ngai law rak ka hlam deuh ko mu.

7.Thlanmual ka liam ni ahcun zeicahdah na nun lioah na pongah caan tam deuh hmang loin ka rak um hnga na ti lai,nain ka thei kho fawn ti lailo cucaah atu ah ka pong teah caan tam deuh hmang ko law.

8.Thlanmual ka liam ni ahcun ,kan dawttuk ve ko ee na ti zongah ka thei kho ti lailo,cucaah ka theih khawh lio teah hin kan dawttuk ee tiah ti deuh ko mu.

9.Thlanmual ka liam ni ahcun na caah zumh tlak tein ka nung ko na ti len zongah ka thei kho ti lailo,cucaah kan nun lio caan te ahhin ka caah zumh tlak tein ka nun piak ko mu.

Note// Na duhdawtmi na sin I a um lio caan te le a nun lio caan theng teah khan daw ko,upat ko a lungtlin ter ko,zeicahtiah zeitik I a nunnak a dongh laile,an kaltak caan I thennak caan a phak lai na ngallo.

Leave a Reply

Your email address will not be published. Required fields are marked *