Nuhmei nu velngeihnak

German Pastor pakhat cu Turkey ram ah an chungkhar tein, anupi le afale pathum he mission rian an tuan. April 2007, Easter Sunday ah Muslim pawl cu Pastor thawngthachim ngaih ahcun an ipum. Pastor pa cu Jesuh Khrih kong theih kan duh an ti caah appointment an tuah. Appointment an tuahnak hmun ava kal ahcun Muslim nih an hrem i Pastor pa cu an thah. Khuami nih, anupi le afale cu hika hmun hi nan caah tih anung cucaah nan khua ah kir u tiah an ti hna. A nupi nihcun, hika hmun ah kum 10 kan um cang. Ka vapa athat tu hna hi ngaihthiam ka duh hna.

An caah thluachuah halpiak ka duh hna. Zeicatiah zei an tuah ti an hngallo caah an thahmi asi tiah ati. Ka vapa hi Jesuh Khrih ruangah le adawtnak ruangah athimi asi ati. (My husband was killed in the name of Jesus Christ, and because of his love of Him). Ka vapa ruak hi hika ram ah ka vui lai. Cun ka fale zonghi hika ramah Sianginn ka kaiter hna lai i, apa nih Jesuh Khrih dawtnak angeihmi lungput hi an nih zong an ngeih ve khawhnak hnga anpa ‘thlaan’ hi ka zohter hna lai i, ka cawkpiak hna lai tiah ati.

Kannih zumtu, Khrihfabu khat ummi hmanh kan ingaithiam kho tawnlo. Innchungkhar khat ummi hmanh kan ingaithiam kho tawnlo. Khuakhat ummi hmanh kan ingaithiam kho tawnlo. Khrihfa asimi pakhat le pakhat hmanh kan ingaithiam kho tawnlo. Nang le kei nih, Nuhmei nu nih angeihmi velngeihnak thawnnak thinlung hi kan ngeih ve awk hrim asi. Ngaihthiamnak thinlung hi Jesuh Khrih velngeihnak thawnnak chungah aum mi asi.

Cucu velngeihnak thinglung kan ngeih khawh nakhnga Thiang Thlarau thawnnak kan herh zungzal. Kan ral hna caah thlacam le thluachuah halpiak hi Jesuh Khrih nih an kan fialmi asi. (Matt. 5:44). “Nannih cu vawlei ceunak nan si. Tlang cungah an tlakmi khua cu zeihmanh nih a phen kho lo” (Mat 5:16). “Grace treats people precisely not as they deserve!” (Note; tuanbia khi, Johnnie Moore tialmi lakmi asi) Credit: James Vanneilian

Leave a Reply

Your email address will not be published. Required fields are marked *