Nu An Si Ruangah Nunau Namnet Hman Hi

Nunau teinak caah ah le mamnetnak ah thahrum hman, kutke zo hi ruahnak tlawmmi hna nih an tuah tawnmi a si nain, nunau cu thazaang dermi an si caah ,thahrum le thazaangin cun na tei ko men hna lai, asinain a thinlung incun an hlat taktak cang lai.Nunau teinak ding a tha ngaimi pakhat cu an dirhmun theih piak thiam i ngaihthiamnak ah a si. nucu ngaihthiam le theihthiam piak a hau pengmi an si.

Pathian bia hi a rel lawng rel hlah.a ngaih lawng ngaih hlah.Na thinlung ah a nun in nunter law, na caah damnak a si hleiah na innchungkhar na khrihfabu, na sang, na khua mi hna caah damnak, lawmhnak, hnangamnak phurtu na si lai, Hebru 4:12 Pathian bia cu a nung i a thawn.kap nih har vainamnak in a haar deuh.

Tlangval maw? Nungak maw kan uarmi hna le kan duhmi hna paoh cu,a chun zan in an kong kan ruah tawn hna,an kong kan chim kan ceih hna,kan duhmi hna an kong a chia leiin hawi nih an chim len hna zongah,hehlaw tiah kan huhphenh hna an kong a tha lei in chim kan i zuam, i chawnh le i hmuh peng hi kan duh hna an pong um a nuam kan ti,tlawmpal te an kan chawnh lo hmanh ah uite ek chuak bang um zia kan thiam lo.an kong kan ruah peng tawn hna.mah cu kan duh hna ruang le kan dawt hna ruang ah a si.

Asi ah Bawi Jesuh khrih hi kan dawt ve taktak maw? kan duh ve taktak maw? kan duh ve taktak a si ahcun a chunzan in a kong hi kan ruah awk le,kan hlam awk a si ve, Bible a kan dawtnak cauk hna hi kan rel tik ah kan ka a kan thawt i kan rel lengmang awk a si.siangpahrang David nih cun na nawlbia hi a chunzan in ka ruat a ti.kan nih teh tuchan mino no lo zong Bawi Jesuh hi kan duh taktak ve maw? kan daw taktak ve maw? kan duh ve kan dawt ve taktak a si ahcun a kan dawtnak le a kong hi kan ruah awk le kan ua pi lengmang awk a si ve ko lo maw.

Leave a Reply

Your email address will not be published. Required fields are marked *