NLD nih Tlangcung mi cung ah Velngeih nak Tlangcung mi Party le min hmang in Thih thloh sii aa chunh mi NLD

Pado Saw Ṭa Ni: KNU Bahu Member. Kum 5 chung ah Tlangcung mi kong pelte hmanh a ruat lomi, Karen miphun khenkham tu, NLD party le Hlutdaw phanh ṭung I a hmur aacip mi Karen Palai pawl cu zeitik hmanh ah vote ti hna hlah uh. Upadi nih covo le tinvo an kan pe cia mi hmanh, kilven le Huhim um bak loin Karen miphun an kan hrem I thlanglamh mi Hruaitu Ahohmanh vote ding an si ti lai lo. Cu btk minung hna cu Karen hruai tu le hmaisuan tu ah zeitik hmanh ah thimh an si lai lo. Voi khat kan thi hnu ah cun theih thiam cang hna sih. 2015 thimh nak ah Upadi kan rem piak hna lai. Tlangcung mi he tinvo / covo ah tlukruan nak ka tuah lai tiah NLD le Pi Ci nih an ti.

Hathih chuak lak in an chimh. Cozah an hmuh taktak tik ah Karen le Tlangcung mi cu cheng palang tu ah an kan namh diam ko. Tlangcung he aa pehtlai mi Pohma poah poah hrial in Upadi remh an timh cu aw NLD nih. Mah Vuancichuk mah tein thimh nak nawl Pohma 261 remh ding ah a duhlo bik mi cu NLD an si. Anna a ngeih hlan le Anna ngeih hnu ziaza dang a hman mi Party le minung cu mee pek ding hrim hrim asi ti lai lo. A kaa thichuak lak in a chimh mi hmanh a philh I Tlangcung mi hnuchit tu NLD party I ralrin cio cang hna u!

DASSK: Kaw cozah kip nih Remdaih nak taktak an tuah khawh cio lo. Kahngol chung nak tiang lawng an ṭuan bantukin NLD zong nih kan ṭuanve. Tlangcung mi an duh mi taktak kan pek hna lo I pek zong kan timh bal hna lo. Hmai lei zong ah an duh mi kan pek hna le pek hna lo Amakhan khawh asi lo. Ramkhel in Phisin ding mi kha kawl cozah kip le NLD nih hnu kan chit caah Nihin ni tiang remdaih nak aum kho lo nak asi. Kum 5 dengmang cozah kan si chung ah Hriamtlaih in dothlen nak a ruang hram pi asi mi Ramkhel kong kha Ramkhel ning in phisin awk cu NLD nih kan rak philh diam.

Tlangcung mi Party le Hriamtlai phu hna he I hawikom in Ramkhel Buaibai nak phisin ding timi hlei in a dang lam aum ti lo. Tlangcung mi Party he I hawikom ding ah a chimh cang Pi Su nih. (73rd Union Day, Panglong khua ah Pi Ci Chimh mi) U Hantamyint, NLD Bahu Upa: Tlangcung mi he kan I hlat tuk cang. An mah he I hawikom a herh ngai ngai. Cu lo ahcun Ramkhel in Buaibai nak phisin khawh asi ti lai lo. Dindeih nak zong hmuh co khawh asi ti lai lo. Cucaah Tlangcung mi Party he I hawikom hi kan chunmang asi.

1988 in 2010 tiang dothlen nak Ralkap kan ṭuanṭi lio bantuk si ti lo I Tlangcung mi le an party kan hnawn mi hna hi kan palh nak fakbik cem asi. Sai Kyaw Nyunt, SNLD Secretary: Hlutdaw ah Tlangcung mi party nih chimhphuan mi poah poah an hnawn dih. 45 Upadi remhtu phu ah Tlangcung mi nih ṭinpiah mi Pohma 261 kah ahmasat bik ah an hlawt hnawm pung ah. Daw Khinsawwai, ANP Palai: Pohma 261 remh ding kha NLD hi a duh lo bik an si.

Tlangcung mi cu si kho sehlaw, thihsi pek hmanh an kan duh lai pei. Tlangcung mi nih ṭinpiah mi hi akong lam 800 aum nain NLD nih a pumpi ning tein a hlawt dih. Pine caah Nawlvo Sangbik pek nak le Bahu nawl ngeih nak zorter nak Pohma 261 cu NLD duhlo bik mi upadi Pohma asi cang. Bahu Anna, Party pakhat Anna le Kawl Miphun Anna chansau ter nak lawng usa a pek I a nunkhua asau termi NLD pary an si ko. Saya Rung Kaw

Leave a Reply

Your email address will not be published. Required fields are marked *