NLD ah Democracy A um Ve Ko ahcun Chin Party Um A Herh Loh

NLD Cozah ah Democracy a um ko ti cu Baptist Krifa bu By Law ah Holh Theih lo a um. An Ṭul. An Lam, Thlarau hla ansa, Trinity a um lo I Oneness timi Jesuh Pathian lawng aum ti he aa lawh hnga. Asi lo le Dr. Aung Myint Thang nih Muthla aum a zumh ti le Holh Theih lo a zumh ti he aa rup bak lai. Bible kha Kanmah duhning in merh sam loin, Kanmah tu nih Bible zumh le zulh a herh btk in Democracy cu Mah duh poah in merh sam a ngah ve lo. A kokek sining kha zumh in zulh kha asi deuh. Democracy hmuh co tak tak na duh ah cun: NLD mee pe uh a ti tu hna hi Democracy nan I fian tak tak maw? Minung, Van cung mi, Setan, Sa ṭil Arva, Ramsa, Thing kung, Ram kung, Tiva, Hor kuang, tbk hna nih kokek sining an ngeih cio btk in; Democracy zong nih a kokek muisam, Chungril, pumsa, sining, tbk a ngeih ve.

Democracy Iangh tertu ṭenge hna cu: Justice (Dinfel nak), Equality (Thleidan nak umlo nun ram), Equitity (Tlukruan nak), Freedom Zalonnak Luatnak Zalennak le Power from People (Mipi sin in a hung luang mi Nawlngeihnak Mipi nawlngeihnak, Mipi kha biapi bik ah chiah, Mipi bia ngaih ding, Mipi a hman le hman lo nih LAI a rel lo. tbk hna hi an si. Cung Iei ah ka langh ter mi hna hi Democracy i chungril le thinlung an si hna. Hi hna hi NLD cozah ah aum ko tiah: Vuanci pa khat pa btk Khan: thih ning tiah chiatserh in Bia nai kam ngam hnga maw? Democarcy ah cun NLD cozah le NLD party cu {Hollow man} timi a chung kawrang pi khi asi ko. Chem phut btk in a chung a kua mi asi. Tlangcung mi hna ruahchan nak le saduhthah nak kha: lo pet in chemhtu; Chemphut NLD asi ko cu ta. Nuhrin covo zong; lungmit ko in Cheptu, Chemphut NLD si ko hen cu.

Azei hme ning hngalh tuk lawmmam in: caa na ṭial ee Kawi fim. Tuaktan nak thluak he hlah maw, Sunghno nu nih an hrin chih lo? Thluak in tuak loin na cuap in na tuak rua ka ti. Na thinlung le thluak in Tuaktan loin na tawfi hlah in maw na tuak ti awk in, na poi tak tak ee kawi fim. Asi lo le na ril fong hlei in, na tuak rua ka dua? Justice timi Dinfel nak a um bak lo NLD ah. Equality timi thleidan lo nak zong um hlah. Thleidan nak tu cu: Hakha Dinti nak in atam deuh. Equitity timi Tluk ruan nak zong um bak hlah. Freedom timi Zalon nak zong aa hngilh rua ee. Media, Biaknak, Caholh, Nunphung, tbk ah zalon nak um bak hlah. Zalon tein chimh rel khawh nak le ruah nak cheu khawh zong an thi dih.

Pum le Thlarau cu ṭhen khawh asi lo btk in Democracy le Human Rights timi Nuhrin covo zong ṭhen khawh asi lo. Na ṭhen ri-in Democracy Athih cue ve. NLD cozah cu Setan Ralkap nak in Nuhrin covo a buar deuh ti awk in a um cang cu. NLD nakin Setan sin tu ah Nuhrin Covo kan hmuh deuh Lai ti awk in kan um cang. Tlau ti cu hi hi dakaw asi cu. Cu caah NLD Kong ah Ale in naa leek I anih tu in miphun party Nan kan Nichin mi kha na palh cikcek nak le na tlau afak cem nak cu asi. Cu caah NLD cozah sin ah Democarcy athi. Aruak suan a hau. Aruak cung ah ho Rev. Dr. Pa dah phung chim lai. Ruak thlah lio thla cam tu le ruak vui tu the Rev. Dr??? rak I thiah te tuah u! KTL Pastorte le a mipi hna nih.

Democarcy timi Greek holh umtu dan cun: Mipi sin in ara mi nawl ngeih nak ti asi. Mipi nawl nan ngeih bal maw chim uh? Mipi nawl ngeih cung nung nak ti kha Democracy cu asi nain, NLD cozah tu nih “Mipi cung ah nawl ngeih ngamsam in khua an sa”. (Power from People ti si loin Power to People). NLD cozah ukhruai dan le democracy cu aa ling let tu khi asi. Ralkap le USDP nih Democracy le Tlangcung miphun caah siloin an mah vaang kar le Bawi can nak lawng caah Ramkhel rian an ṭuan NLD he USDP le Ralkap tel in Democracy cu an kahthat bak ko teh.

Cu caah democracy ngah nak ding caah ṭhohdirh tu Party ngeih kan herh tuk cang. Mah tein khuakhan Lairel nak le Kanram dam nak tling ngah nak kha cu NLD he Van le Vawlei tluk in an I hlat cang. Cu caah democracy ngah khawh nak ding ah cun, Thazang ṭhawn nak tling tein a ngeih mi le cozah serh ter khawh ding tiang in; thazang angeih mi, Tlangcung mi party hna le an Minung kha, mee pe uh kan ti nak cu si fam cu. Democarcy a thih nak aruang bik: Party pakhat lawng LAL le Minung pakhat lawng cungnung cem si nak. Anna Sin timi cu Minung kut tang le Nawl ngeih nak tang ah Uknak, Upadi tuah nak le Biaceih nak (3) a um dih tik ah aa sem chuah mi asi. Hi vial in na theih thiam cang lai tiah kan zumh ko. Miphun party kha vote ko uh. Democracy ngah nak caah, Kan ram dam nak le zalon nak caah, Kan nunphung le caholh zalen nak caah, Kan biak nak, kan Krifabu dam nak le zalon nak caah: AMEN. Catialtu Saya Rung Kaw.

Leave a Reply

Your email address will not be published. Required fields are marked *