Nifatin Aithing chumhmi haang dinpiak a rak ṭhat taktaknak phun (3)

Aithing hi chungkhar kip nih kan coka ah kan i chiah cio tawnmi a si lai tiah zumh a um. Aithing hi a hlan chan lio in khan vawleicung miphun tampi nih kokek sii-ai hrangah an rak hman cangmi a si. Aithing ahhin Vitamin A, C le E tampi an i tel pin ah nutrients le bioactive compounds tampi zong kha an i telchih rih. Aithing chumhmi haang in hin kan taksa hrangah hlawknak le a ṭhatnak tampi a um tiah an chimmi kha hun zoh tuah hna u sih.

Aithing (ginger)

1. Thisen chungah thlum daat tam tuk ding a ven: Dothlatnak i an hmuhchuahmi cu, nifatin aithing chumhmi haang dinpiak peng ahhin thisen thlum Type 2 a ngeimi hna caah a ṭha tuk, an thisen ah thlum-daat tam tuk a um ding kha a ven. Cu pin ah pawpi le rilpi caah a ṭha taktak rihmi a si i, thil kan eimi a rial (thut-maan) kha a awlzanter deuh.

Aithing

2. Kan taksa rit tukmi kha a zorter/niamter deuh: Kan tai a ṭhanglian, kan thau tuk tikah thilpuan fenh-aih i hruk-aih kho ti lo tiangin kan um kho men, asinatein, lungrethei in rak um ti hrimhrim hlah. A ṭha bik cu aithing chumhmi haang hi rak ding ve law zeizong vialte a tluangtlam dih ṭhan ko lai.

Aithing

Nifatin zing thawhka ah aithing chumhmi hang hrai khat dinpiak tawn law cu nih cun naa hngalh lo karlak bak ah khan na thaunak, na rih tuknak kha a tlakter dih lai, a zorter dih ko lai. Kan taksa ah cholesterol tam tuk aa khon ding a ven ruangah lung (heart) zawtnak tiang zong khan mi a kan ven chap rih.

Aithing can lio…

3. Dehydration: Minung taksa nih hin ti 70% zatuak a herh dih, ti tam deuh kan dinpiak khawh lo zongah aithing chumhmi haang nitinte hrai khat peng kan din ahcun kan taksa nih ti a herhzah kha a rak chuahter khawhmi a si. Asinatein aithing kan chumh tik asi zongah kan theihhngalh peng awk a simi cu aithing kha a hring a si hrimhrim lai ti kha a si, aithing ro readymade bantuk phun pawl kha cu a ṭha lo tiah an chim.

aithing ginger

A cunglei kan hun langhtermi pin lengah aithing ahhin cancer zawtnak hrik a do khotu a um timi le, tha fah (muscle pain) ngei pawl pin ah i hliamkhuai tibantuk pawl olte in a damter khawh hna tiah aithing a ṭhatnak hi dothlatnak a tuahtu hna nih an hlatnak ah an hmuhchuahmi a si rih.


Ref. Food.ndtv

Leave a Reply

Your email address will not be published. Required fields are marked *