Myanmar Singer Wyne Lay Mipi Nih An Uar Tuk

Myanmar Singer hlasak thiam Wyne Lay nih Korea hlasak thiam mithang top singer Aillee i ahla (I will go to you like the first snow) timi hla cu Wyne Lay nih Cover song in a sak i a thiam taktak khi si. Original singer maw athiam deuh, Cover song a tuah tu Wyne Lay atangah video van zoh chih te (I will go to you like the first snow) hi Korean ram ah a lar tukmi le a uar tuk mi asi. Korea Drama Goblin OST  hla zong a si i 2017 Best OST Award zong hi hla nih a rak ngah. Hlasak thiam Wyne Lay nih achimmi cu korea hla cover song pakhat tuah tuah ning tiah katim, cutik ah I will go to you like the first snow  hla hi ka thim hihla hi hla har ngaimi asi. A sak zong a har bak mi a si. Sinain Kei cu  mi sawhsawh kan silo kan ram singer pakhat dirhmun in a um ve mi ka si tikah, hla cover song kan sak tik zongah, sak menmen ti menmen kha a za lo tiah, biatak tein ka sikhawh tawkin timh lamhnak ka ngei i kan ram caah zeipoh te ka tuah khawh ko timi ruahnak thinlung he ka tuah mi asi.

Miphun dang hla ka sak tikah ka fan pawl le mipi nih an ka solsel nak hnga lo, Korea bia le hla biatak tein ka zoh i ka leh la, Korea sayamah nih an ka tawlrel pi har ngai in ka zuam i ka tuahmi a si ve caah theipar tha cu ka hmunh i cover song ka sak mi ah mitam pi nih tha an ka pek i an uar tikah ka lawm tuk tiah Cele Gabar sinah achim, Hlasak thiam Wyne Lay hi Singer long si lo in Miss Myanmar World 2014 ah Winner luchin cotu a rak si. Myanmar ram ai awh in London khua li pi ah Miss a rak i zuam mi asi.

Chin state le Kawlram pumpi huap in NLD party kha mee rak pe ko hna uh. Atu Kawlram November ni 8 i thimnak ah NLD party kha mee rak pe ko hna uh tiah kan forh hna. Kawlram pumpi in siseh a hlei in Laitlang ah NLD kha mee rak pe ko hna uh. Kum pi kum 30 nawn cu pei NLD party nih cozah a ser ding cu kan rak hngah cu. Kum 60 leng cu pei ralkap uknak ttha lomi tangah a phun2 in harnak kan tuar i mipi nih kanmah duhmi te party i thim i cozah ser cu kan duh cu. Kanmah duhmi te party vote peknak nawl hmanh kan neih lonak kum a sau tuk cang. Curuang ahcun NLD party dah ti lo cu Kawlram ahcun kan caah ruah channak a um lo. Atu hna kanmah duhmi te mee pek khawhnak nawl kan neih hna hi NLD party zuamnak ruangah a si ko ti khawh si.

NLD party zong minung an si ve tik ah an chambau nak a tampi ko lai nan party dang nak cun a let tampi in a ttha deuh ko lai. Hei tuak ve uh law uknak ttha lo tangah kum 60 leng kan um tik ah Kawlram cu a rawk dih cikcek ti khawh a si. Mah tluk a rawk cangmi cu NLD party nih cun zei tin dah kum 4 chungah cun an sersiam khawh dih lai. Mah ruangah NLD party cu mah tluk a rawk cangmi Kawlram remhnak dingah kum 30 tal caan kan pek hna a hau. Chin state zongah NLD party kha rak thim rih ko hna uh. CNLD party nak cun an tha deuh hrim2 lai i rian zong tam deuh an tuan khawh hrim2 lai.

NLD party nih teinak an hmuh ruangah Pu Van Thio tiang in vice-president a tuan khawhnak si. Chinmi kan tuanbia ah vice-president tuan khawh hna hi thil fawite a si lo. Amah vice-president a tuan ruangah Chin state caah le Chinmi caah thil tha tampi a tuah khawh. Atu tan NLD an tling than ahcun Pu Van Thio zong vice-president tuan khawh than a si. Asilo ah department pakhat khat ah vuanci zong tuan khawh a si. CNLD party nih cun teinak hmu hna hmanh seh law vice-president le rampi huap vuanci rian cu an tuan kho bel lai lo.

Mizoram state le Chin state hi zei kong kan chim poh ah chimchih peng an hau. Aruang cu kan sining a khat dih ngawt. Politics kong zongah kan sining tampi a khat. Mizoram zongah party a tampi nan cu lak ah Indian National Congress party le Mizo National Front party khi a nganbik an si. MNF cu miphun party a si i INC party cu Kala party a si. Cu ve bantuk in Chin state zongah CNLD party le NLD party cu a nganbik an si ve. NLD cu Kawl party kan ti i CNLD cu miphun party kan ti ve. Kan unau Mizo pawl nih an miphun an ttanh ning le an dawt ning le Kala pawl hna zei i an rel lo ning hna cu nan theih dih cio mi a si ko. Nan Mizoram state ah khin Kala party an timi INC party nih voi tam deuh teinak an hmuh i an party president a simi Pu Thanhawla nih Chief Minister (CM) zong voi 5 tiang bak a tuan. Cu lakah miphun party an timi MNF nih voithum lawng teinak an hmuh i an party president Pu Zoramthanga nih voi 3 lawng CM a tuan.

Kala party an timi INC nih Mizoram ah tam deuh rian a tuanmi hmuh khawh a si i Lengpui airport zong pakhat ah a tel. Mah tluk mizo pawl nih an miphun an dawt le an ttanh bu ah Kala party INC an thim lengmangmi cu thil tetuai le a sawh2 a si lo. Party pakhat kan duh i kan thim cu kan caah a laam kip in a ttha lai tiah kan ruah ruangah a si ko. Kan caah thil tha tam deuh an tuah khawh lai tiah kan ruah ca le kan zumh caah a si ko. Mizo pawl zong cu an miphun an dawt tuk an ttanh tuk ko nan an miphun party MNF nak in Kala party INC nih thil ttha tam deuh an tuah khawh lai ti an i fiang tuk ruangah voitam deuh an thimnak a si ko. An thim bang in an tuah khawh deuh taktak ko. Lairam zongah CNLD nak cun NLD cu an tha deuh ko lai i thil ttha zong tam deuh an tuah khawh ko lai.

Voikhat biakhiahnak nan i palh ruangah Chin state le Chin miphun lakah fak piin buainak le rawhralnak chuah khawh a si. Curuangah thlacam bute le fakpi khuaruah bu tein NLD party kha vote rak pe ko hna uh. Atu a ra laimi thimnak kongah Laimi chung in atu hrawng hi NLD nak in CNLD a duh deuh le a ttanh deuh tam dawh nan si. Mah hi ka tuak ve tik ah aruang ka hmuh mi a um nan ka chim lai lo. Mah aruang a si men lai tiah ka ruahmi zong cu ka palh kho men. Nan ka hman ko a si ahcun Chinmi nih CNLD kan duh deuhmi cu palhnak nganpi kan tuah bantuk a si ko lai.  NLD party cu kum 60 leng a rawk cikcek cangmi Kawlram remhnak le sersiam caan kum 30 tal pe ko hna uh sih tiah kan sawm hna. Laitlang zongah NLD party kha mee rak pe ko hna uh.

 

 

Leave a Reply

Your email address will not be published. Required fields are marked *