Myanmar Ram mipi nih Kan Fehtermi Phunghrampi

Salai Bawi Lian mang nih “International Human Rights Day celebration in Rangoon 2014. Rangoon ah ka voikhat nak International Human Rights Day hmannak. 2014 kum ah asi. Ka hnu a lai i a tthu mi khi atu ah cun Union Minister asi rua. Minphun le biaknak thleidan nak a um chung poh cu kan ram vawlei pi hmai ah limhang a nei lai lo. A tthag cho lai lo. Burma ram milu za ah sawmli 40% cu tlangcung mi kan si. Kan ram vawlei i za ah sawmruk 60% hi tlangcung mi kan ram asi. Mah hna pawl an nuhrin covo hi kan upat a hau mi asi. Zeica tiah, nuhrin covo cu minung limhang asi “human rights is human dignity”. Limhang nei lo mi thleidan a hmang mi ram ram thangcho an si ballo. Burma ram cozah bawi lutlai ah tlangcung mi pazeizah dah an um? An santlai lo, an tlinh lo nan kan ti men lai, thleidan mi minung nih zeitin dah ca cu hawi tluk cun kan thiam lai i, zeitin dah bawi upa cu kan ttuan hnga. Ramri le pawngkam ram inpa pawl ah ralzam in ai pong mi khi mi zeidah an si? Kan mah tlang cung mi lawng te kan si. Covo timi cu mawhphurhnak nih a zulh. Tlangcung mi hi mawhphurh nak zong rak kan pe ve u. rian ngan zong rak kan khinh ve u ti hrawng khi ka chim mi cu asi rua” tiah a tial. A tang ah kan tlang tar hi rel khawh a si.

A tu ah 2008 kum Kawlram Phunghrampi kan duh baklo remh a hau tiah nan au cio. Hi Phunghrampi hi 2008 kum May thla ni 10 ni ah kawlrammi mee thlaaknak nawl a ngeimi nih hna tlaak le tlaak lo mee rak thlaak a si. A cheu Upadi a thiammi nih cun mah hi cu mah tilzang cumhnak bantuk, mah thahnak caah naam i ser ban tuk a si te lai thohkhaan ding a silo ti hi a thli te in rak chimh lengmang an si ko na in Ralkap uknak cun Democracy hmuh cu kan duh tuk deuh tiah a chung thil dihlak i fiang ttunglo in thohkhaan mee ah an rak bur dih. Upadi taktak ttha te a rel le a zohmi ca ahcun kan thin hi a rak tur dukmak cia. A kan uktu le bawitlaang pawl zong nih kan khua nih kan thohkhaan lo ah cun kan sianginn hna an kan chuh lai, kan lam cawh ding zong an kan thlaak piak duh lai lo kuangraang ah thla dih ko hna usih an rak ti. Cu caah Kawlram chung mee pee kho mi kum hleiriat in a cung minung 27288827 chung ah minung 26776675, 98.12% nih mee peek a si i cu chung ah cun minung 24764124, 92.48% nih thohkhaan mee peek a si.

Cucaah Announcement No.12/2008 nak in 2008 kum Maythla ni 26 ni in fehter a si tiah Commission Chairman U Aung Toe nih thanhca a rak chuahmi a si. Kanmah kut chung te ah a rak um ko lio ah raltthat te in mi hmuhlo te in kuangnak ah rak thlaak ko ding kha kuangraang ah kan rak thlaak caah mah cu Phunghrampi cun a tu hi uk kan si ko. Ralkap kong kan chim lengmangmi zong hi kanmah nih uknak nawl, nawlngeihnak nawl kan rak peekmi hna a si ko. Hramhram cun zei party hmanh nih an nawlngeihnak cu an chut kho hna in, an laa tthan kho ti lailo. ASINAIN A LAM TE CU A UM KO. Kan MP pawl an thiam a hau. J.P. Biak Tin Sang LL.B.

George Floyd a thihnak nih US ram pumpi cuul in biaknak lei hruaitu tampi hna an thin a phawh hna i, biaknak kong i an lung a tlinlonak langhter hram an i thok ve cang. Cu bantuk tein cun 1960 hrawngah khan civil rights movement an kalpi lio ah an rak tuah bal ti asi. Miphun thleidannak um ti lo dingin le, police riantuannak remhsiam dingin duhnak a langhtertu Minak khrihfabu, Catholics le Protestants, Judah khrihfabu le a dangdang biaknak he ai pehtlaimi phu tampi hna cu Conservative le mainstream khrihfabu hruaitu pawl nih an telpi hna. Floyd a thattu police cu lainawn hmuh (case) in bia an chahpiak cang ko nain, vawlei cung pumpi i duhlonak a langhtertu pawl nih cun police riantuannak remhsiam dingin an duhnak an langhter.

Hrih le hram tiang coih in khua kan cuan. Muslim hruaitu le Catholic tlangbawi pawl le sisters pawl he Judah rabbis pawl lam an zawhti. Biaknak kip in aho miphun ti um lo in an rak chuak dih cio hna, tiin Pax Christi USA i executive director a si mi Johnny Zokovitch nih a chim. Judah rabbis, pastor, Muslim tlangbawi, le a dangdang biaknak lei hruaitu 1,000 lenglo nih kan hnung zarh ah khan online in conference an tuah cio hna i, African American pawl timhciammam tein nautat an si nak hi zeitindah kan doh ning a si lai, timi kong an cawnpiak hna. Coronavirus ruang i social distance tuah ruangah thla 3/ 4 chung erh kan si hnu cun chuah cu kan duh cio cang fawn kaw, a tu bantukin zumhnak (biaknak) lei kam khel in lehnak kan tuahmi a thuk in a kau ngaingai mi cawlcanghnak a si, tiah the Religious Action Center of Reform Judaism ah director a si mi Rabbi Jonah Dov Pesner nih a chim.

Kan mipi pawl hi an thin a hung bak ko. Miphun thleidannak sautuk an tuar cangmi kongah an thin a hung, ram dang tluk in COVID-19 US nih kan tawlrel khawh lo mi cungah an thin a hung, miphun thleidannak le khat le khat i rualranlonak a fahtuk raungah le Judahmi dohkalhnak (anti-Semitism) le Islam dohkalhnak (Islamophobia) le vurang pawl tanhkhunnak (white supremacy) pawl an um peng ko rih mi cungah an thin a hung ngaingai, tiah Pesner nih a chim. 1960 hrawng i civil rights movement an tuah lio zongah khan biaknak lei phu pawl an cawlcanghnak kha hmual a rak ngei ngai i, tutan le bangah cun biaknaklei phu lakin duhlonak langhter in lam a zawhmi hi kan tling ngai (biaknak dangdang kan tling), tiah Pesner nih a chim.

ELECTION KONGAH, Evangelical Khrihfa le Catholic pawl dirpi nak a um caah Republican Donald Trump nih 2016 thimnak kha a tei. Evangelical Khrihfa le Catholic pawl nih November thimnak vote thlak an kal te thikah hin Floyd thihnak thawngpang le duhlonak a langhtertu pawl nih Trump an soiselnak tete hi rikhiahtertu thil an si te kho mi a si tiah an zumh cio cang. Biaknak lei minung pawl hi langhngantuk tlawmmam in party tanh lo dingin Federal tax rules nih a kham ko hna nain, an pumpak hmuhning langhternak nawl belte cu an i ngeih cio ko hna. Trump nih St. John’s Episcopal Church inntual i hman vai thlak a duh ruang tuktak i a kalnak lam a velchum ah a ummi daitein duhlonak a langhtertu pawl hranhram lo in ralkap le police a thioter dih mi hna hnu cun mainstream Catholic le Episcopal hruaitu pawl nih Trump cu an thangchiat ngaingai cang.

1960 lio ah khan cun Rev. Billy Graham telhchih in a dang mirang evangelical hruaitu pawl hna kha duhlonak langhternak ah an i tel ve lo. Asinain, tutan ah cun duhlonak langhternak hi khamh, asiloin vai tel ve lawlaw, tiin amah party chungin biaknak lei hruaitu pawl nih Trump cu ruahnak an pek.
State governors pawl nih an umnak cio i duhlonak langhtertmi an daihter lo a si ah cun, US ralkap ka thlah hnawh lawlaw cang hna lai, tiin kan hnung zarh i ai hrocer mi kongah teleangelist Pat Robertson nih President Trump cu a mawhchiat ngaingai. “Kan state governors pawl hi miralchia bantuk in a ruah hna rua. Mr. President, cu bang cu. Ai ningcang ruam lo dawkaw” tiin a mawhchiat.
Kan hnung zarh ah khan Houston ah Lakewood khrihfabu senior pastor Joel Osteen zong duhlonak a langhtertu pawl he lam a zawh ve i, “Dinlonak hi kan ralchanh i, minak kan unau pawl hi kan dirpi hna ding a si” tiin a chim.

Sunday ah khan Washington ah duhlonak a langhtermi evangelical khrihfa tampi hna he Republican Senator Mitt Romney (anih hi Mormon a si) lam a zawhti ve i, “Black Lives Matter” tiin tweeter ah ca a tial. 1960 lio bantuk te in khan, kan hnung zarh hrawnghrang khan cun khrihfabu a cheukhat pawl zong vote thlak dingin biatak tein minpek in an tang hna. The non-partisan Public Religiuon Research Institute nih Floyd a thih hnu i data a lakmi a langhter ningah, white Catholic lakin Trump a dirpitu hi 37% an si. 2019 ah khan cun 49% tiang an rak phan bal. 2016 lio le bangah khan cun 60% tiang an rak si.

Sifakmi Hna Tanrualnak “Zaangfahnak tein, ka thaw ka chuah kho ti lo hi!” tiin Floyd a au chung taktak kha cu second 46 chung a si. Cucaah, biaknak lei hruaitu hna nih online in Floyd thihzun tuarnak ngeihpinak ah, tiin second 46 chung daitein an um piak lawng si lo in, Monday nikhat chung rawl an ul hna. “Sifakmi hna Tanrualnak” (Poor People’s Campaign”) timi min bunh in 1960 lio i civil rights hruaitu Martin Luther King Jr. thah a ton hnu in an kalpi mi movement cu biaknak phu 16 nih June 20 ah online in mibu an hrihhawh hna i an vun tharchuah than “Nuncan ziaza kongah faaktuk in buainak kan ton lio pi a si. Nihin i kan tuah dingmi hi Floyd a thihnak kong lawng a si awk a si lo, ciammam tein miphun thleidannak phung a ummi le, police pawl thatlonak le, ngandamnak zohkhenhnak (healthcare) a um lo ruangah le, ralkap thazaang lawng thanchoter Chin lengmang duhnak phung a ummi vialte hna hi kan cemh chih awk a si,” tiin Greenleaf Christian Church, Goldsboro, North Carolina ah pastor a si mi Rev. William Barber nih a chim. Anih hi tutan online cawlcanghnak ah hruaitu bantuk a si.

Cuhlan ah a um bal theng lo mi cawlcanghnak tha ngaingai cu tutan duhlonak kan langhtermi nih a chuahpi cang – Los Angelies mayor bak nih police department ca i an chiahmi budged chungin $150 million bak a zuh i mino rian, healthcare le lungthin lei ai ningcanglo mi thlopbulnak caah a hlut diam, tiah Loas Angeles ah black pastor zong a si i, community activist a si mi Najuma Smith-Pollard nih a chim. “Cucu thil buai a si ka zum lo. Thil tampi kongah buainak kan tong, mi tampi harkan tong. Cucaah, hi buainak hi khuatlang pakhat lawng i tonmi buainak menmen a si ti lo – hihi kan ram pumpi, cun vawlei pumpi nih an buaipi mi thil a hung si cang,” tiah a chim.

Leave a Reply

Your email address will not be published. Required fields are marked *