Myanmar Idol Winner Hi Cu Hlan Bantuk A Si Ti Lo Phaisa In Cawk Khawh A Si Cang

Myanmar Idol Season 4 top-10 pawl cu tuzan an i zuam than cang lai. An pahra in a thiammi lawngte an si caah zoh le ngeih a nuam taktak ding a si. Zuamhnak an van tuah bak in Myanmar Idol tawlrel tu hna nih mipi vote hlaknak an kalpi cawlh lai. tutan vote thlak cu minung pakhat nih duhzat poh thlak khawh a si. Mah hi Myanmar Idol nih a timhmi pakhat a si. Myanmar Idol a neitu hi Lengleh chawlehhtiam a si caah chawlehnak caah a hmanmi a si. Mirum tampi tu tha a neimi nih Myanmar Idol winner hi hmuh khawh a si. Phundang in chim ahcun Tutan Myanmar Idol a zuammi Winner hmuhnak ding caah phaisa in cawk khawh a si tianak a si. Mirum Pakhat nih Phaisa tampi dih in vote a thlak ahcun a thlakmi nu/ pa nih Winner awl zang tein hmuh khawh a si.

Tutan Myanmar Idol zuamnak ah Winner hmu ding ah mirum lian ngan hna nih an duh ahcun Phone phaisa tampi in an cawk lai le vote an pek luaimai hna lai i teinak Winner an hmuh ko lai. Myanmar Idol nih Phaisa mit au tuk in zuamnak a kalpi mi hi cu a dik lo mi a si. Hlasak a thiam cem a si lo mi zong Mirum le thilti kho a si ahcun Phaisa tampi in vote an pek lai i teinak a hmu ko lai. Tu an kalpi ning zuamnak le vote thlak ning hi cu teitu dirhmun si hmanh ah lung a hmui thlu kho ding a si lo. Minung pakhat vote khat vak in kal seh law Winner a hmumi teitu caah lunghmuih bak dingmi a si. tutan an kalpi ning cu Winner hi Phaisa in sawk khawh a si. tahchunhnak ah Chin mirum vialte nih Esther maw? Benjamin Sum caah phaisa  tampi dih in vote caw hna seh law mi tampi thlak ter hna seh law Winner an hmuh ko lai.

Benjamin Sum nih rangte in biahalmi lehnak ah a duhmi phun a chim hna, Ka uar bikmi cu , Let Phe Toh le Voksa, K duh bikmi music cu Pop, Rock, Jazz, Indie a si, Ka duh bikmi nu cu Ka nu a dawtmi, Tlawn dukbiknak hmun cu Hawaii a si, tiah a chim. Benjamin sum hi Thaizan ah Myanmar Idol Season 4 top 10 zuamnak ah a zuam than ding a si. Teinak a hmuhnak ding caah chinmi kan dihlak nih vote pek khawh i zuam cio hna sih. Amah hi Myanmar Idol ah winner hmu kho ding ah zumh ngaimi a si. Chin mi kan vote a herh ngaingai. A tang cem ah Video a um.

Chin tlangval Benjamin Sum hi Myanmar Idol Season 4 zuamnak ah a zuam ve mi a si, a hlasak ngeih a nuam, a aw that lawng si lo in zapi hmai cawlcang a thiam caah mipi thinlung le judge pawl thinlung a la ngaimi a si. Amah hi kawlram fimcawnnak singin ah Tanghra a awngmi le tu lio ah Computer Kalay kum 2nak a cawng lio mi a si. kum 2017 ahkhan tang hra a rak awng, Fimcawnnak lei sinak a neimi le hlasak lai a duh ngaimi pakhat a si. Amah hi YCW pumpak siangin ah tang 9 le tang 10 a rak kai mi a si, mah siangin a kai lio kong mi mizapi nih theihlo mi biathup a si. tang 10 a rak kai lio ah YCW siangin nih KING ah rak thimmi pa a rak si. King an thimdan cu CYCW siangin kaimi nih kumkhat voikhat Fresher Welcome an tuahnak ah KING & WUEEN a thim tawn hna I mah ahcun Benjamin Sum hi King ah thim tlin a si. YCW pumpak siangin cu Tahan G Group ah a ummi a si. Fimthiamnak an cawnpiak hna pinah Pathan bia zong an chimh chih hna.

2018/19 fimcawn kum ah YCW ah minung 562 nih tang 10 an phi I minung 395 nih teinak an co, Kungthu hmumi sianghngakchia minung 128 an si. Bata 6 kungthu hmumi 1 a si, Bata 5 hmumi pahnih an si. Sayacyi Fames Dar Ro Thang nih “ ka hlawhtlinnak hrampi cu a hmasabik ah Pathian a si I a pahnihnak ah Nu le Pa nih mah siangin nan thim ruang ah a si, pathumnak ahcun cachimmi tha tein an can tha tein an hman khawh ruang ah a si. Palinak ahcun Sianghngakchia pawl an I zuamnak ruangah a si” tiah a chim.

 

Leave a Reply

Your email address will not be published. Required fields are marked *