Myanmar Idol Judges Nih Naw Say Say Htoo A Tla Cangmi An Kaiter(Save) Thanmi Kha An Dawt Ruang Bik Si Lo Anmah Zawnruah Deuh Bia Si

Myanmar Idol nih a timhlamhmi Top-10 zuamnak cu zahan ah Result Show an tuah cang. Mah Top-10 chungah hin Chinmi minung pali an i tel hna. Mah hna pali hi zeitin teinak an hmu lai maw tiah chinmi dihlak nih rak cuanh cio a si. mah minung 10 chungah hin mipi vote peknak in mark pek a si caah myanmar ramchung mipi nih hodah an duhbik le hodah an duhlo bikmi a si ti a lang cang. zahan top-10 zuamnak ah minung pakhat Naw Say Say Htoo cu mipi vote a tlawm bik a hmuh caah a tla ding a si, Myanmay Idol zuamnak ah a tel kho ti ding a si ti lo. Ngeih chia in tlung hau ding a si cang.

Sihmanhsehlaw Top-10 a zuammi hna chungah Mipi nih vote thlakmi chungin vote tlawmbik a hmumi nu/pa kha Judge pawl nih  voikhat cu cantha pek in save khawh an si caah Judges nih cantha an pek in Hmaizarh Top-10 zuamnak ah a zuam kho than lai. Hmaizarh zuamnak an tuahmi Top-10 zuamnak ahhin mipi vote thlakmi chungin votel tlawmbik a hmumi minung pahnih an tla cang lai. kan chinmi zong minung 4 bak an i tel ve hna.

Tutan Myanmar Idol top-10 zuamnak ah mipi vote in a tla cang ko nain judges nih a save i voikhat cantha an pek thanmi hi an dawt le a zawn an ruah tuk caah maw a si hnga ti ruah lo awk a tha lo. an dawt tuk ruang le a zawn an ruah tuk ruang ahcun si dawh a si lo. Anmah Myanmar Idol an sung dingmi duhlo ruang le anmah ca thatnak ruang in phaisa mit au ruang deuh a si. Mipi vote in a tla cangmi hi mi tampi nih vote peknak in a kai than lai ti ruahchannak a tlawm. Naw Say Say Htoo nih teinak a hmuhthannak ding ah Myanmar Idol saduhthah bang a fans pawl nih phaisa tampi dih in vote an pek lawng ah kainak ding lam a um cang.

Myanmar Idol Judges nih Naw Say Say Htoo an kai termi hi an dawt ruang le a zawn an ruah ruang bik cu a si lo. Anmah phaisa hmuhnak ding an ruah caah an kai ter mi a si. Naw Say Say Htoo hi a tlak thai ahcun a fans pawl nih vote an paknak phaisa vialte kha an sungding mi a si caah an tlak ter duh lo bia a si. tutan ah cantha voikhat an pekmi chungah a fans nih phaisa tampi dih in vote an pek than dingmi mitthit in an kar ter sawh sawh mi men a si. Myanmar Idol hi Phaisa kawl an thiam bak. Naw Say Say Htoo Voting Number 77703 a si.

Kanmah Chinmi chung in minung pali hna cu top-10 zuamnak in teinak an hmuh dih. kan lawmhpi tuk hna. Esther Dawt Chin Sung, Tun Khun Kyaw  Le Benjamin Sum nih Top-10 zuamnak in Teinak an kan hmuh piak than caah lunglawmhnak a sang chinchin. Benjamin Sum hi mipi le judges pawl nih an uar ngaimi le tha taktak in comment an pek lengmang mi  pakhat a si. Esther zong cu hlan a dirhmun Top 11 zuamnak ah mipi sin in Vote tam bik in teinak a hmu tu a si caah Top-10 zuamnak tiang a rak phak mi hi a si.Tun khun Kyaw hi pa style taktak le Awtha taktak a si caah Chinmi lawng si lo in Myanmar ram pumpi tiang a hnin tu pakhat a si. Tutan Top-10 zuamnak zong ah teinak a kan hmuh piak than tik ah kan lawmhpi tuk.Teinak pe tu hi Pathian a si. kan unau Yaw Kee Bel  teinak thutdenh ah thu lo in a tla dingmi minung pathum thutnak ah an thut ter. Mah Pathum chungah pakhat a tla ding a si caah kan unau Yaw Kee caah thinphan a si.

Chin pa Tun Khun Kyaw nih tuzan Myanmar Idol Season 4 Top-10 zuamnak Teinak a kan hmuh piak caah kan lawmhpi tuk, Tun Khun Kyaw hi cu hlan ahcun Chinmi nih a konglam tha in theih fian a rak si lo, Sihmanhsehlaw amah pumpak bak nih ka nu hi Chinmi a si tiah fiangte in mipi sin ah thawngthanhnak a tuah hnu in kanmah chinmi a rak si mipi nih kan theihmi a si. Amah hi muidawh le pa style taktak a si pinah Myanmar Idol chumtual a hni tu pakhat a si. Tutan Top 10 zuamnak ah Teinak a kan hmuhpiak mi cung ah kan lawmh pi tuk. Chinmi vote pe cu nan cungzong ah lawmhnak kan langter. a tangmi T0p 9 zuamnak zong ah tlamtling tein a zuam than i teinak a hmuh thannak ding ah Chinmi kan dihlak nih thazang pek le bawmh an herh.

Tutan ah top-10 Result Show ahhin a hmasa cem ah Nu pahih he an dirter hna hi Rusult hi a hmasak cem ah an phuan. Chin Pa Muidawh le Pa style taktak Tun Khun Kyaw cu Teinak an hmuhnak an phuan cu lawmhnak in a khat. Tun Khun Kyaw Fans pawl Au thawng cu khuari bang a tur ko. Tutan teinak a hmuhmi hi amah a zuamnak ruang bik le Chinmi nih thazang kan pek ca zong ah a si.Tutan Myanmar Idol Top-10 zuamnak ah a zuammi chinmi chung in Muidawh Esther Dawt Chin Sung, Yaw Kee le Benjamin Sum an si hna.

Leave a Reply

Your email address will not be published. Required fields are marked *