Myanmar Idol Judges Nih Mipi Vote In A Tlami Naw Say Say Htoo A Fans Pawl Cu An Hloh Bak Hna

Zahan top-10 zuamnak ah minung pakhat Naw Say Say Htoo cu mipi vote a tlawm bik a hmuh caah a tla ding a si, Myanmay Idol zuamnak ah a tel kho ti ding a si ti lo. Ngeih chia in tlung hau ding a si cang nain Myanmar Idol Judges nih Naw Say Say Htoo an kai ter than. mah hi an dawt ruang le a zawn an ruah bik ruang cu si dawh a si lo. Anmah phaisa hmuhnak ding an ruah caah an kai ter mi a si. Naw Say Say Htoo hi a tlak thai ahcun a fans pawl nih vote peknak ah phaisa an hmuh dingmi vialte kha an sungding mi an ruah khawh lo caah an tlak ter duh lo bia tu a si.

Tutan ah cantha voikhat an pekmi chungah a fans nih phaisa tampi dih in vote an pek than dingmi mitthit in an kar ter sawh sawh mi men a si kp. Myanmar Idol hi Phaisa kawl an thiam bak. Naw Say Say Htoo nih Phaisa tampi dih in vote an pek than lai i myanmar Idol cu a mirh lawng a chuak ko lai. Myanmar Idol nih Naw Say Say Htoo fans pawl an hloh ko hna. An Phaisa an ei dih hna lai. Naw Say Say Htoo Voting Number 77703 a si. Hmaizarh ah an i zuam than lai i mipi vote pek ter than a si lai.

Top-10 a zuammi hna chungah Mipi nih vote thlakmi chungin vote tlawmbik a hmumi nu/pa kha Judge nih  voikhat cu cantha pek in save khawh an si caah Judges nih cantha an pek in Hmaizarh Top-10 zuamnak ah a zuam kho than lai. Hmaizarh zuamnak an tuahmi Top-10 zuamnak ahhin mipi vote thlakmi chungin votel tlawmbik a hmumi minung pahnih an tla cang lai. Myanmar Idol zuamnak ah Jusge pawl hi nawlngeihnak le thilti khawhnak ngan pi an ngei hna. kan chinmi zong minung 4 bak an i tel ve hna.

Tutan Myanmar Idol top-10 zuamnak ah mipi vote in a tla cang ko nain judges nih a save i voikhat cantha an pek thanmi hi an dawt le a zawn an ruah tuk caah maw a si hnga ti ruah lo awk a tha lo. an dawt tuk ruang le a zawn an ruah tuk ruang ahcun si dawh a si lo. Anmah Myanmar Idol an sung dingmi duhlo ruang le anmah ca thatnak ruang in phaisa mit au ruang deuh a si. Mipi vote in a tla cangmi hi mi tampi nih vote peknak in a kai than lai ti ruahchannak a tlawm. Naw Say Say Htoo nih teinak a hmuhthannak ding ah Myanmar Idol saduhthah bang a fans pawl nih phaisa tampi dih in vote an pek lawng ah kainak ding lam a um cang.

Leave a Reply

Your email address will not be published. Required fields are marked *