Mizoram um kan unau Evan N Hnuna nih Jacob R Thang leh nak a van tuah cang

Mizoram um kan unau Evan N Hnuna nih Jacob R Thang leh nak JESUH CU PA A SI. Kanhawi Jakob R Thang nih Jesuh cu kan nih Church caah Pa a si loh a timi hi Oneness ca cun khua ruahhar a si lem loh, zei ruangah kan ti asi ah cun Jesuh hi Pa a si ti zumlo tu le apomlo tu Trinityrian caah cun Jesuh cu an Pa a si loh, Jesuh Krih hi Pa Father a si ti tanh tu le aupi tu Oneness caah lawnglawng Jesuh cu kan Pa a si, Kanhawi Jakob R Thang nih Jesuh cu kan Pa a siloh a timi hi a hman tak tak. Jesuh cu Pa ah anpom fom loh cu teh, Oneness zumtu caah cun kan hawi Catial mi hi el awk a um loh. Rom 8:16 Cu ti kan aunak ah cun Pathian thlarau le kan thlarau cu hmunkhatah an in fon i Pathian fa kan si kha tehte an khan, Fa kan si ah cun rocotu zong kan si colh.

Jocob R Thang Biahalnak Cu Hngephngap Tiah Evan. John Freddy ...

Pathian cu Pakhat lawnglawng a um i,cu Pathian pakhat lawng a um mi cu Jesuh a si kha kan fiang i,a zumtu hna cu Pathian Jesuh fa kan si i Krihfa ti i kawh kan si, cu ti cun fa kansi ruangah ro cotu kan si,Jesuh fa a silomi cu ro an co lai loh, Jesuh hi ” Pa “a siloh a timi hna hi Beliara fa an si kolo maw? an pa cu Beliara si dawh a si. Jesuh cu Pa a si hrim hrim ko. Johan 14:7 “Atu cu nan kahngalh cang caah ka Pa zong kha nan hngalh lai, atu thawk hin nannih nih amah cu (Pa ti nak) nan hngalh cang, nan hmuh cang” a ti ruangah Jesuh hngalh kha Pa hngalh a si i’ Nanhmuh cang a ti ruangah Jesuh kha Pa asi ruangah kan Pa cu Jesuh a si.

Jesuh fa silo mi cu Hell kal a siko lo maw? Johan 8:19 ah Judah mi hna nih NanPa cu khuazeiah dah a um? tiin an hal i’ Jesuh nih a leh hna, Johan 8:24 ah cucaah cun pei ,nan sualnak chungah nan thi lai,kan ti hna kha a si cu, cun Keimah cu keimah ka si ko timi ka si kha nan ka zumh lo ah cun nan sualnak chungah cun nan thi ko lai”a ti ruangah Jesuh kha Pa tiin apomlo mi cu a Fa an si lo ruangah sualnak he an thi ding mi a siko lo maw? Isaia 9:6 kan ca i ngakchia a chuak mi cu “Zungzal a hmun mi pa(Ever lasting Father- Mizo -Chatuan Pa) a si i’ Zungzal ahmun mi Pa a simi cu kan pa hrimhrim a si, Pa sasawh zawng si loin Zungzal a hmun mi Pa a si ruangah kan Pa hrim hrim a siko. Mi cheu nih mahzon Bible hi Pa tinak a si loh an ti maw!! Pa a ti bak ko khih…Zungzal a hmun mi pa a si i kan Pa a silo ahcun aho Pa hme asi ne hnga? mah bia a zumhlo tu caah cun atu cu an Pa a siloh i, aho cudah Pa an ngeih ve hnga. A reltu nan dih lakin Pathian nih  nan hngalh khawh nak hnga fian nak in pe hna seh. Amen. By: Evan N Hnuna.

Hilio can ahhin Israel miphun chung in minthang ngaimi minung pathum an um hna i cu hna cu Israel tuanbia ah philhkhawh loding mi ansi hna. Cuhna lakah pakhat cu Moshe Dayan hi asi. Moshe Dayan cu May 19,1915 ah Galilee Rili kam Kibbutz Degania khua ah achuak mi asi. Anu le pa hi Ukraine ram in Palestine ramah arak kir mi Jew miphun ansi. Anih hi Arabic, Hebrew le Mirang holh tiah phunthum a thiammi asi. Ram le miphun dawtnak thisa nih a nun ah arak ciahtuk caah a kum 14 asi in miphun harnak le temtuarnak in luat in Vawlei pi ah Israel ram timi dirkhawh venak caah tiah cu Israel ram dirhnak cawlcanghnak buu ahcun luh in an thanhtar cu a thisen le nunnak pek dingin biakamnak a rak tuah ve. 1937 kum ah Mirang (hi lio can i Palestine ram pengtu British cozah) ralkap ah alut i raltuk thiamnak phungtling ngeihkhawh aazuam.

Moshe Dayan cu Palestine Supernumerary Police force i hruaitu le guerrilla timi ralthli doh le Lamhruang ah dohnak thiamnak cawnpiaktu Mirang ralbawipa Captain Orde Wingate sinah a cawn hnu in “Zan i ralthli tuknak/ special night squad” ah hman ngaimi a raksi. 1939 ah Haganah hriamtlai (hilio ahhin Haganah hriamtlai hi Mirang cozah nih dohtu Palestinian hriamtlai pawl hrawktu ah a hman mi hna ansi) ah raltuk cawnpiak tu ah a rian an pek i Haganah caah a thli tein hriamnam khawmhsuatnak zong a raktuah. Moshe Dayan Curuangahcun Mirang cozah nih anrak tlaih i Thawngdan kumhra (10) an rak pek nain 1941 ah an thlahthan. June 7, 1941 kum ah Syria le Lebanon lei i mipi lemsawinak tuah ding timhah an kal. Dayan le a hawi le cu Litani Tiva hun tan i humhimnak anhun lak lioah ruahlo piin French ralkap chung in “Durbing bunh meithal kahthiam (Sniper)” pa nih relhlo piin a hun kah hna. Cu a kah mi nih a khenh mi Thlalang kuai nih Dayan cu a mit ah a peh caah amit khatlei a rak rawk. Cuthawk cun a mit rawkmi huhnak caah mithuh nak pi kha aa hup i cucu amah hmelchunhnak ah ahun cang thai.

Hitin a mit a rak rawh ruangah hin lungrawk le lungzawr in a um i a thluak tiang a rak kalsual dengmang, asi nain pasal a rak i hrim than i “Hi a caw mi ka mit ruangah zeihmanlo ah aa chuahding kasi lozia kha ka sinak dihlak in ka chungkhar hna ka hmuhsak hnalai, cun hi ka mithuh nak pi hlohnak ding ahhin zei thil paoh tuahding le in dingah timhcia kasi cang, Inn chungah i erh in zeihmanhlo i i chuahnak cha cun mipi ca izuam ahcun zeipaoh a sikho ko timi an hngalhnak hnga timhcia kasi” a ti. Cuthawk in cu Haganah ah biatak in a hun ipe than caah 1947 ah Arab lei ral kongah Ralbawingan (General Stuff) ah an chiah.

Cu lioah cun Haganah (Haganah “Runvengtu buu ti sullam angei” cu 1920 kum ah Israel ram le miphun kilkamhtu cah rak dirhmi Jew hriamtlai buu asi) buu zong nihcun Europe le hmun dangdang i a ummi Jews miphun hna cu heh tiah Palestine ram lei an rak kir khawhnak hnga suingun chawva tampi dih in an rak i zuam ve. Zeicahtiah Arab hna laifang ah Jews miphun an hun dir lai tikah Cenghngia run lak i Tuu fano te bang Jews hna caah a kakip in sehtu le rawitu, hrawktu le hlotu an hun chuah lai caah an miphun milu tam pi si le thiamsang pawl tampi in ram sersiam le dirkamh kanherh tikha an hmuh caah asi. Hilio hrawng 1930 hlan ahhin Palestine ah arak um ciami Israel milu hi thawng sawmriat fai (80000) lawng an rak si. Hi Haganah buu hi Ze’ev Jabotinsky le Eliyahu Golomb nih an rak dirhmi asi.

British cozah nih Ottoman Empire kut in Paletine a lak le cangka in Dohtu Paletinian pawl a dotu dingah a rak dirh mi Jews hriamtlai buu asi. Nain Jews pawl lungthin ah Zionist thisa ahun linsat tuk tikah Haganah nih cun anmah Mirang pawl zong an doh than ve hna. Cu Palestine i umcia mi Jews pawl ahcun Europe ram le Arab ram lei in a rak pem thanmi hi mi tam u ansi hna ii Palestine ram a hlum taktak mi milu tlawmte taktak khi an rak si Cuahcun Palestinian pawl cu singriat leng (800000) an rak si cang. Cutikah ramchung um ciami Palestinian pawl pinah ram pawngkam ummi Arab milu a nuai in a simi hna he i dohding asi lai tikah milu tam si anherh zia kha Israel upa hna nih anrak i fian tuk caah heh tiah an milu karhnak kha an rak tuaktan. Hitin Israel ram dirh anrak timh

1945 hlan Israel/Palestine ram map, tikah Moshe Dayan nih a ruahmi cu “Arauh hlan ah Israel ram kan hun dirh canglai caah kan dirh le cangka in Arab ral nih an kan dum cawlh lai, cucahcun ralkap kanser ahau” tiah Haganah buu in mino paohpaoh kha raltuk thiamnak a cawn pi hna. Cu pinah David Ben-Gurion nih “British hna he German pawl kan doh cang hna i hi in British pawl zong doh kan herh rih” timi a bia le American President Harry S.Truman (Avoi 33nak U.S President) nih “Jews miphun hna hi hlan BC 1500 chan in hi Palestinian pawl umnak ahhin a rak um cangmi le ramngei tu anrak si caah hika hmun ahhin kirthan in an ram an serthan ding asi” tiah hna a tlakpi hna nak bia hna nih Moshe Dayan caah

Avio 33nak U.S President Harry S.Truman, cun “na miphun le ram caah ral tukding in timhcia in umcang” timi ralrin pek bia he aa khah tikah zeitik paoh ah ral tu khoding in a minung hna kha a um pi hna. Hitin ramkip hmunkip ummi Jews miphun nih an pupa ram i an rak kirnak i an tuanbia ah philh khawh loding le ngeihchia taktak a rak simi pakhat cu, August,1948 kum i Europe ram in Exodus Tilawng pi cuan in an pupa kamhmi ram ah a rak kirmi Jews miphun milu 45000 hna cu an hmuitinh ram pi pu hna chan i Pathian pekmi ram an hunphak, Leiro hun lamh ding ah lunglawmhnak le thanuamhnak chim khawhlo in an au an kui bu in Haifa Tilawng bual an hun phak bak ah British tilawng Ocean Vega nih Tilawng bual ah luhter duhlo in an rak ratnak Germany leiah a khirh hna nak asi. Mah tuanbia kong hi catialthiam Leon Uris nih “The Exodus” timi cauk in a rak chuah mi a um. Hi cauk

ahin Jews (Judah/Israel miphun) tuanbia tawi le German (Adolf Hitler) nih a rak hrem hna nak le a rak thah hna nak kong zong relkhawh asi. Cuticun Jews (Israel) miphun hna cu Ram kip Hmun kip ah an vakvai hna nain an Pupa chan i tuanbia le sining, an holh an ca thlaulo in an um pinah PuPa hna sinah Pathian nih arak pek mihna an ram kha philh loin hlam than le kirthan kha an timh zungzal. Khat lei in miphundang kuttang ah hremnak le fahnak le thah nawnnak phunkip antuar i khatlei in an Pupa hna chan i an ram cu miphun dang asi mi Palestinian pawl nih an rak hlumh i Trucks miphun nih kum zabu panga renglo pen a rak si.

Cuhnu incun Vawlei cung ram lakah a thawngbik tiah rak ruahmi British (Mirang) cozah nih a rak pen than. Culak incun zumhngamhnak le duhsaknak nganpi he Israel ramthar dirhding ahcun Haganah buu nih heh tiah arak i zuam. Khatlei in Jews mirum hna le thil tikho mi hna nih an mah le umnak ram cio in le an mah le tikhawhnak cio ah Phaisa a hernak ah Phaisa, Chawva a herhnak ah chawva, fimthiamnak a herhnak ah fimthiamnak in Zionist cawlcanghnak le Haganah riantuannak cu an hun dirpi. Credit: Peng Hlawnceu

Leave a Reply

Your email address will not be published. Required fields are marked *