Mizoram Ah Pa Pakhat Vom Nih Ahliam

India,Mizoram, Samlukhai khuaah khua a sami Pu Lalbiakkima cu cangai aiawt an timi thang a kamhmi zoh ah a va kal i vom he an rak i tong i vom nihcun fak ngai in a rak seh a tu hi Falkawn siizung ah an thlop cuahmah lio a si a sehnak zawn cu a cabek le a banrek hnaah a si tiah theih a si, Nai cikua hi mizoram lei vok seh a tam ngaingai Laitlang lei zong kan i ralrin ngai a hau furpi lio a si ruatuai a za lio a si vom te hna zong hi ruatuai a ei ve mi an si, cangai te hna nga te zong a eimi a si ve caah i ralrin a herh deuhnak cu a si. tangah cu he pehpar in sermon rak rel ve hna usih.

Pastor Pa Vom Nih A Seh Ve Ko Maw
Voikhat cu pastor pa hi a rian he pehtlaih in khual a tlawng ti si, a min cu chim duh lem hlah sih law; a khuatlawnnak cu khua te lei deuh si kaw um kal ti hawikawm zong um hlah mi chokvai zong um lemlo nak asi I, ramsa ngamnak ngai a si I cutik ah lam ah cun ruah lopi in vom he cun an I tawng ko, vom cu zam tak awk cu tha ti hlah, vun kenh awk zong tha hlah vom nih cun a vun zuan hnawh colh I cuticun pastor pa cu vom nih cun a duh tawk in a seh a thin, a rawt a zam hnu ah a kal tak than.

Cu I inn an phak hnu ah pastor pa cu hawi nih bia an hal I a lehmi hna cu mah hi a si, mah vom kha nangmah nih hei let law hei tei kho law cu tiah an ti I vom seh cu zeitindah na ruah ning a si tiah an hal?
Pastor pa aw si mah vom kha keimah nakin a tha deuh ti ah ka ruah tiah a ti, a chim rihmi cu vom nih cun a hei ka seh ko I a duh tawkin a ka thin a ka rawt ko, nain a hnu ah cun a ka kaltak than ko, amah kal tein a kal than ve ko tiah a ti, a peh rih mi cu keimah nih mah vom kha hei tei ninglaw kei nihcun a nunnak ka lak hnga I ,a sa ka can hnga I, innpa chak thlang a sa cu ka hei zamh hna hnga, cun phorhlawtnak ah ka hei hman men hnga, ka ruah lengmang tikah keimah nakin vom kha a tha deuh ti ah ka ruah tiah a ti I a pong ummi hna cu an ar ko.

Nang le kei nih zeidah thazaang kan I lak lai , mi piangthar Pathian mifa hna cu a der deuh le aniam deuh dirhmun kan phak zong ah a kan rawiphiartu hna le kan sual a kawltu hna minung an thatnak hmuh khawh piak kha a si, cutin si loin zumtu tampi cu a kan thangchiattu le a kan dodaltu hna a kan hua tu hna cu zeitindah anmah nak fak in kan leh hna lai ti hna in khua kan khang tawn.

Mi piangthar kan si ruangah, riantuantu kan si ruangah hi vawlei kan um chungah thangchiatnak, soiselnak, dohdalnak in kan luat lai ti nak si lo zumtu hna nih kan tawn peng dingmi a si, cucaah mah bantuk kan tawn caan ah zumtu Pathian mifa hna nih a thatnak lei in khua zoh khawh, cawnh khawh hi mi puitling si nak, hruaitu tha si nak, hlawhtlinnak, lam ah mi a hruai tu zong asi, Pathian sinin mithmai tha hmuhnak zong a si.

Leave a Reply

Your email address will not be published. Required fields are marked *