Mizo Hlasak Thiam Daduhi Nih Covid-19 In A Zawtnak Kong A Chimmi

2014 lio ah vawleicung ttihnung bikmi zawtnak ah ruah ve mi le mi tampi a rak thattu Swine Flu in ka fapa a rak zaw ve. A zawt kan theih hlan ah ka fapa neihchun, a pakhat nak si i kan rak duhtuk i kan rak dawt taktak. A pa kei le bang nihcun a hngakchiatuk rih nain kai puak peng. Voikhat ttahter zong ka rak siang lo. Ka umnak siizung (Arya Hospital) nih nithum li an kan thlawp hnu ah a dam hlei lo tikah a zawtnak an check i Swine Flu a si kha an theih caah Cozah siizung (DDU) tthial dingin an kan ti. Kan vai i tthial i UN holhlet Bikte (tlangpi, a tu Ausie ah a um) nih an rak kan zulh. DDU Siizung kan phak in nan hmai i huh uh, an rak kan ti i kan hmai cu kan rak i huh. Asinain, kan fapa mizaw kha a hmaihuh kan rak thei lo.

Facebook

DADUHI KHIANGTE THUSAWI – Corona Virus ( Covid-19) hi enge? Lalpa ah chuan damna thatak ani

Posted by Sports news Man Utd on Friday, 8 May 2020

DDU siizung nih hngakchia hi bantuk zawtnak cu thlawpnak kan ngei lo i hi zawtnak thlawpnak siizung tthami Kalawati Saran Children’s Hospital ah va kal uh an kan ti i kan kal. Kan nu le Holhlet Bikte tiin Rickshaw ah an cuang i kei nih Cycle nih ka dawi hna. Suimilam pakhat tluk kan kal hnu ah Kalawati Saran Children’s Hospital siizung cu kan phan. Emergency room kan phak bakin Duty ciahmi doctors pawl nih kan fapa cu zoh hmasa loin zeiruangah nan fa hi a hmai nan huh lo, nan motor mong pa kha nan chonh lai lo maw? Ai chok lai i mi tampi a chonh hna lai tiah kanmah cu thi deng in an siik i kan fa kong van chim ngamnak lam a um set ti lo. Miphun dang si chinchap, ralzam si rih. A kan zultu Bikte cu pasalmi le ralttha mi, cun a kan daw fawnmi a si caah hihi cu nan lungthin ah chia hlah uh Kala zia a si a kan ti i thazaang a kan pek.

An van zoh i Swine Flu thlawpnak room dangte an rak ngei i cu room ah an rak kan chiah. Swine Flu zawtnak ttihnunnak lawng a theimi doctors le nurse pawl kan pawng an rat ah an kan ttih, kan room pawl kal kha thihnak bantuk an ruah, zeimaw chonh biak kan duh hna i kan va fuh hna zong ah ra hlah uh, a lang in chim uh tiah an kut in an rak piah, siizung hmunphiah le room thian pawl zong an rat ah ek cikcek in an i tuam bawmhhal awk le ruahnak hal awk zong an ttha lo. Ka fapa kha kum tling rihlo mi hngakchia, cuhlan Swine Flu ti kan theih hlan ah puak buin drip thlaih hau mi kha kan mit-au le kan cawlcangh a zoh tikah a theih ve rua, an kan uh ti lo, kan chuaktak zong ah a ttap ti lo, dai ziar in khuaruahhar nawn in an kan zoh, kan umnak a hlat fawn caah Laimi nih an rak veh kho lo. Mizaw nu le pa caah ruahchannak hi pakhatte zong a rak um lo. A ruang cu Doctor le nurse hna le siizung rianttuantu mit-au nih kannih caah ruahchannak a petu cawlcangh le umtu pakhat hmanh a um lo.

Kha lio ah a nu le kei nih thla kan rak cammi cu kan fapa kha dam kho dingin kan ruah ti lo caah nganfah tuartuk in a thih sualnak hnga lo, tuan hngan deuh ah a thihnak hnga ti lawng bak in thla kan rak cam. A nunnak ding pakhat zong kan rak hal lo. Tuante a thihnak ding lawng Pathian sin ah kan rak hal. Vawlei ah mi damh khotu tiah kan ruahmi hna nih an mit-au le an cawlcangh a phin-lau ahcun mizaw caah ruahchannak a um kho lo. Tutan kan farnu zong kha a lang in an zoh, an mit-au a phin, an khua-her a hman lo i an cawlcangh a hman lo ahcun a caah phun dang piin khua a ruahter sual ti phan a um ngaingai. (Na ttih ding a si i kha bantuk in na cawlcangh ding a si ahcun, a pawngkam ah i hel lo lawlaw ttha deuh).

Doctor te nih mizaw pawng kalte tikah ttihziar ko hmanh ah ttihnak muihmai le umtu cawlcangh kha mizaw hngan ah langhter lo bak ah a ttha. Nan tongh tik le nan thlawpbul tik zong ah ivennak ding kha amah sin na phak hlan ah ituah cia ulaw, amah sin nan phak tikah ttihphannak ngei buin tongtham hram hlah uh, a kuh zong kuh ding si ko, nan ithuam cang hnu ahcun, capo ding si, hi zawtnak cu mino caah ttihnung lo, zawtnak dang na ngei lo, na dam lai tbk in a khuaruahnak a tthawnnak ding kha tampi in chimh le cawnpiak a biapi ngaingai.

A chungkhat zong nih phone in chawnh tikah siseh, lung a kuaiter khotu bia pawl a hrial khawh chung in hrial ding. Hawikom zong nih thazaang pek thiam le biaruah thiam a biapi taktak. Hiti ka ttial tikah Hakha siizung rianttuan le doctors te nih an thei lo maw? Thei tuk e.. Hi nakin a let tampi in psychology kong cu an theih deuh. Nain nizan kan farnu kha ti taitai in van tuah cu a caah a har ngai lai. Mizaw zual le mizaw an um ahcun Siizung rianttuantu nih rak don tawn a si. A nih kha dongtu a ngei lo. Tlun inn onh lo bantuk a lo pah. Cucaah ttial ka duh bikmi a thlawpnak sii-ai ttha kan ngeih lo le kan thlawp khawh lo ding hmanh ah, mizaw hmai ah kan umtu cawlcangh le kan mit-au nihcun piah bak hlah sehlaw a ttha.

Kan bia a sau cang! Ka fapa kha a thi ah nan ruah sual lai. Ka fapa kong ah ka nunnak ah thazaang a ka petu bia cu hihi a si. Kanmah mui a kengmi, ka fapa thlawptu dingah siizung nih kanmah caah special in an van thlahmi Doctor kha Manipur nu a si. Minote, kei rual hrawng a si. Kan muisam kan ilawh tikah a van kan tlaihchan colh, a mit-au a panh taktak. A zei hmanh a poi lo. A ttih supsap ve lo. A rak ra i a kuh a hnamh. A dai, heh tiah a capo. Kanmah zong an capo.. Kha umtuning nih kan sin ah bia a chim hlan ah kan ruahnak tamtuk a thlen manh.

Nain kan ruahnak kha faktuk in kha hlan cawlcangh nih a den caah lomhnak in kan khat thlu kho lo. A chuah lai nan thin phang lai uci a ti i kal. Kai cenet ve lo i ka dawi. Ziah midang nih cu tin an kan zoh, nang na ra i kha ti khan na cawlcangh. Cu hlan doctor ra mi vialte cutin an ithuam, kanmah zong an kan chawn duh lo ka ti. Ka lehmi bia nih nunnak thar a kan pek. Keimah hi Swine Flu kong ah special doctor ka si. Hi zawtnak tamtuk ka damh hna. Na fapa zong hi ni 7 bak ah ka damh lai. Cucu promised kan pek ngam. A dam hrimhrim lai tiah zei poi tak in a ka ti i a ka kaltak.

Kha bia nih kan nunnak ah thazaang thar a kan pek in lomhnak in kan khat. Mizaw nih kan theih duh bikmi bia le kan zumh bikmi kan iruahchanhnak ngan bik cu a kan thlawptu Doctor le nurse hna nih na dam lai. Kan damh hrimhrim lai timi bia hi a si. Ka fapa cu ni 7 tlin bak ah a dam cang lawipi uh a kan ti. Amen…. Cu caah “Doctor le Nurse hna mit-au le umtu cawlcangh hi mizaw caah nunnak le thihnak ri a khiaktu bantuk a si”. Kan far nu zong na dam ko lai. Mino thazaang tthawn lio ah thihnak chance cu a tlawmtuk. Thla kan in campi ve. Na dam thawngtheih lawng kan hngak. By; Stalin Tha Cung Lian. Note: Kai ruah loin ka capar a sau deuh caah careltu rak ka ngaithiam u.

Leave a Reply

Your email address will not be published. Required fields are marked *