Minthang, Cawngsang, Chawleh Thiam Mirum Mingthang A Si Ko Nain nihin ahcun umnak inn ngeilo (homeless) minung ah ai chuah diam ko

Vawleicung sianghleiruun minthang bik pakhat asimi Yale in economics a dih. Vawleicung ah sipuaizi le phaisa lei (economics & financial center) minthang bik asimi Wall Street ah rian a rak ttuanmi asi. Hollywood ah photography le adult film lei company hna a ngeitu zong a rak si. Cu pa cu a min ah Shawn Pleasant asi. Cu tluk dirhmun le sining ttha in a rak nungmi pa cu, nihin ahcun umnak inn ngeilo (homeless) minung ah ai chuah diam ko. Naite ah mirang news pawl nih a konglam an ttialmi ka rel tikah ka thinlung aa ka suk ngai.

Minung kan fimthiamnak siseh, kan thilri si hna seh, kan sining dirhmun hna zong hi siseh – zeihmanh bochan tlaak taktak an rak si lo zia, zeihmanh uanthlaarpi ding zong an rak um lo zia a langhter. Pathian tel lo cun pakpalawng lawngte an rak si dih ko. Cucaah hi vawlei ah chikhat te kan tlawnlennak chung ahhin Pathian dah ti lo cu, zeihmanh bochan awktlaak an um lo. Nifatin nunnak ah Pathian ai bochan taktakmi lawng nihhin, vawlei nunnak hi tei khawh asi. Pathian thei bu tein nun ii, mah sining le dirhmun te ah ai lawm khomi le a diriam khomi minung hi mirum bik an rak si ko.

Image result for Shawn Pleasant Hollywood photography and adult film company

Vawlei chawva rumnak te hna, fimthiamnak te hna, dirhmun saang sinak te hna – vialte zong hi Pathian umpi lo le telpi lo cun ttih a nung tuk. A duh ahcun mi a cawisaangtu le a duh ahcun tangah mi a thlatu Pathian asi. Cucaah kan thinlungput in siseh, kan nunzia in siseh, kan biachim kaa-aan in siseh – nifatin kan nunnak ahhin Bawipa duhnak a kawl hmasami le Bawipa lawnglawng ai bochanmi si zungzaal ko hna usih.

Credit: Van Dawt Ceu

Leave a Reply

Your email address will not be published. Required fields are marked *