Mi lian-ngan tuk ah aa ruat manh Mi Pi Ranu Mandal Le Aung La Nsang Dirhmun Chim Ti An Tong

A luan cia, thla 3 hrawng ah khan inn ngei lo, kutdok dirhmun in Tlanglawng Station ah a beidonghnak hla a sak lio mizeimaw nih an rak hmuh i zapi hmai ah an chuahtermi, Pi Ranu Mondal cu sang tuk ah aa chia manh cang!Kutdok dirhmun in Pathian nih a cawisan i atu tiang ahhin, Bollywood movie ah Hla fung thum an sakter ve cang.Kutdok in a rak vahnak kutcaak le a hmaicaak hmanh a thiang kho huaha rih lo; nai te taktak in khua hngal tete bawmhnak in a hung langmi te khi a si!

Sihmanhsehlaw thla hnih thum karlak ah mi lianngan tuk ah aa rak i ruat manh ko cang rua hih. Nizan nai ah khan, anmah India nu pakhat nih hmanthlakpi a duh caah a hnulei in a dawi, mi karlak in aa tenh hnawh i Pi Ranu Mondal cu “hman thlakpi kan duh” tiah a liangte in a hei tongh. Cu bak ahcun, Pi Ranu Mondal nih thinhun mithmaipi he a hun mer hnawh i “Minthang pakhat ka si hih; rak ka tawng hlah” tiah a hro.

India mipi nih, “ziah tuan tuk ah a dirhmun aa philh hnga aw, toidor te le nemte in hei um piak hna sehlaw, zeitluk in dah aa dawh hnga mu,” tiah an lungfahnak kong an chim lulh ko! Hi bantuk a si dingmi kan tam tuk ruang ahhin, Pathian nih zumtu tampi cawisan a kan ngamh lonak a si lai, tiah ka ruah.

Kachin pathawng, Aung La Nsang nih “World Champion ka si ruang ah ka lungput zeihmanh aa thleng hlei lo; hohmanh hngalh lomi le mah duh in a vak sawhsawhmi ka rak si lio ka lungput peng kha ka ngei ko rih” tiah a chim. Sifah lio vial ah, aa toidor taktak i rian ttha, lahkhah ttha le inn ttha hun ngeih khawh sin in, a mit-au aa dang colhmi pawl, chonh biak ngamci in aa tuah ti lomi pawl cawisan le rumter cu Pathian caah santlaihnak zeihmanh a um lo; phungkyi samthih pek bantuk a si! Pathian caah cawisan awk ttha lungput kan ngeih i kan tuahmi thil ah kan teimak ahcun, vawlei ah Pathian nih thluachuah hmuh a kan sianh ve ko dahkaw. Credit: Pastor Hram Bik Lian

 

Leave a Reply

Your email address will not be published. Required fields are marked *