Lungthli Tum Samaria Mitha Nan Ti Maw Cu

Salai Lung Thli Tum Kong negative lei in a chim tu an um poh ah a molhmi poh nih ” na tluk Bal lai lo dai tein um ko ” nan ti. Cunak in a molh a fak deuh mi pawl nih ” Na nahchuah caah na doh” nan ti. A hruh Bak in ai hruh pimi , mihrut tling pawl cu man mah thinhan in nan thin a rak hang. Siahcun, Mah bantuk mi molh pawl kha bia Kan Hal hna Lai. Tum Tum nih bia fakfak in heh tiah mi a phomh mi hna khia tluk hna love ruang, a nahchuah hna ruang ah a si maw? Khah. LTT ka hmuhning si loin a SINING tlawmpal ka chim Lai. 1. MI NINGHNGAL LTT. Laipa ka hngalhmi ah a NINGHNGAL him a si. Kumkhua in apa cu chimlo a pu tthirual hmanh a si cangmi khua le ram caah biatak tein Rian a rak ttuan balmi upa hna hmanh nihin ni ah NLD opposion in a ummi hna poh an palhnak kha a kawl riangmang hna i phomh sawhswh hmanh si loin Uico.. e zei e a ti ngam ko hna. U le pa le pu le cu a doh hna hmanh ah biachim a awm tawk a um. Bia lakah a fakbik bia chia kha bik in upa pipi a phomh ngam tu hi mi ral ttha ah rel a fawite nain NINGHNGAL taktak a si.

2. PALHNAK AI VUAN-KHAN DUH LOMI LTT. Mi nung hi a palh kho lo Kan um lo. Thil pakhat Kong a hngalh fian lomi Kong a chim tikah a hngalh mi nih ” Cu ka zawn cu cutin khatin a si, cutin kha tin a si lo” tiah a human a dikmi an chimh zongah ka palh ti so hngalh ko buin, kapalh a ti duh bal lomi pa a si. Miphun hruaitu dingah an palhnak ka palh tiin ai VUAN-KHAN duhlomi pa cu zeitik hmanhah hruaitu ttha an si ballo. 3. MI NU-NAU LTT. A pasal ngaimi a lo bik ttung I a NU cemmi a rak si. A Pasal hawi politics khel ning cu anmah le anmah I bochan in anmah dirhmun in an khel main a nih Cu so lo. Midang party dang soi le thangchiat in politics akhel mi pa hi Miphun hruaitu ding ah ttihnung taktak mi an si. NLD ah a dir nain NLD policy le a tthatnak ka khat a chim ahcun party dang le minung soinak bia ka thongkhat a chim. Pasal dang politicians pawl he an khel ning ai linglet. A herhning in Kan peh tthan te Lai. Catialtu Fake AC Salai Furtharlai.

Nawlbia Riantuan Ning Le Pathian Vel. Pathian rian?uan dan hi khuaruahhar a si ko. Israel miphun kha sal an cannak kum 430 a van dih bak in Pathian nih Izip ram sal an cannak in a chuahpi hna, a luatter hna. Cu lawng hlah, Izip mi fater vialte an thih lio ah Israel mi fater cu pakhat te zong an thi lo. Bawipa nih fater thihnak in a luatter hna, a khamh hna. Pathian nih, Moses hmangin, sal cannak ram Izip ram cun a chuahpi hna. An tan khawh lo mi rili sen zong a chahpiak hna. A van dawitu hna Izip ram rawlbawi vialte kha rili sen ah a thah dih hna. Thla thumnak ah Sinai tlang an phan. Bible ah Sinai hi min hnih in a auh. Cucu: Sinai le Horeb tiin. Horeb a timi khi Sinai tlang tinak a si. Galilee rili khi Tiberias ti zong in a auh, Gennesaret ti zong in a ti tawn bantuk khin.

Sinai tlang ah hin Israel mi hi kum 2 tluk an um. Sau lak te an um. Exodus Dal 19 khi Sinai tlang an phanh a si. Sinai tlang ah cun kum 2 an um i Number Dal 10 tiang an um. Cuka cun Pathian nih NAWLBIA a rak pek hna. Ram car ah kum 40 chung an khualtlawn chung zong ah zeimawzat a pek rih hna, cun Moab nawlrawn ah tlawmpal a chap rih hna. Nawlbia pek an si hlanah khan Israel mi kha an phunzai taktak ko. Izip ralkap nih an van dawi hna ah khan an phunzai len, an ti hal i an phunzai rih, an rawl?am i an phunzai, nawl an ngai lo, mana zan khuazei chiah lo ding timi zong a thaizing tiang an chiah, an ti hal ?han i an phunzai fawn rih. Exodus 14—17 kar ah khan an phunzainak cu hmuh khawh a si. Mah tluk khan an phunzai ko nain Bawipa nih voi khat hmanh dan a tat hna lo, Bawipa a thinhung lo, kan ti ko lai.

Sihmanhsehlaw Number Dal 10 ah khan Sinai tlang in an van i thawh ?han. Sinai tlang ah khan Nawlbia a pek hna. Nawlbia pek an si hnuah an van phunzai ?han i: mei in a khangh hna, rai a tlunter, thinghmui zawtnak in a zawtter hna, kum 40 chung a vaihter hna, nawlbuar mi lung in an chehter hna, van in mei a tlakter i a khangh hna, vawlei a kahter i vawlei nih a dolh hna, rai in 14,700 a thah hna, Moses le Aaron lila zong nawlngaih lo ruangah Canan ram a luhter hna lo, rul a cukter hna, rai in 24,000 a thah rih fawn hna. Number 11-25 kar ah hmuh khawh dih an si. Nawlbia a pek hnu hna ah khan cun zangfahnak a um lo: rai in, mei in, rulcuk in, lungcheh in, thinghmui in, kum 40 vaihter in dan a tat hna. Zangfahnak hrimhrim a um lo. Tuchan minung tampi zong hi kha lio ah khan rak um ve u sih law dantat mi lakah khan kan rak i tel len ve ko lai.

Sihmanhsehlaw Pathian vel cu mu hihi a si: “Cun Pathian laksawng le mipa pakhat sualnak kha an i lo lo. Kha sualnak a hun zultu kha cu, “Na sual,” ti biakhiahnak a si; sihmanhsehlaw sualnak hi zat riamruam a hun zultu cu, kan phu kan tawk lopi a simi laksawng, “Na sual lo,” ti biakhiahnak hi a si.” (Rom 5:16) Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si. (Efesa 2:8) Mah vialte hi kan Bawipa Jesuh Khrih thawng lawng tein a si. Misual kan caah vailam cungah a thihnak, a thisen a thletnak le a thawhthannak thawngin a si.

Khamhnak kan comi hi Pathian laksawng a si. Kan phu kan tawk lomi laksawng a si. Pathian laksawng zumhnak in aa lakmi, a cohlan mi hna kha Pathian nih fa sinak a pek hna, a fa ah a canter hna, Thlarau a pek hna. Nawlbia nih cun nawlbuar mi le misual mi kha sual a phawh hna, dantat an si, thah an si. Pathian vel nih cun misual mi kha a dawtnak le zangfahnak in a kan tuamhlawm, a kan ngaihthiam, kan phu kan tawk lopi a simi khamhnak laksawng a kan pek, zungzal nunnak a kan pek. Mah vialte hi Bawipa Jesuh Khrih thawngin a si. Catialtu Rev. Abraham Ram Lian Khar

Leave a Reply

Your email address will not be published. Required fields are marked *