Lungre thei in um hlah u

Matthai 6:31 Cucaah khawzei in dah ka ei awk ka rawl cu ka hmuh lai,ka din awk cu ka hmuh lai,ka hniphun cu ka hmuh lai tiin lungrethei in um hlah u.Minung kan nunchung ah kan taksa caah a herh bikmi cu rawl, ei le din, hrukaih ding hnipuan,umnak khuasaknak, inn le lo hmunhma an si,minung asi i a nungmi poah nihcun kan herh dih,cucaah kawlram mirang kut in luatnak a rak latu booyoke Aungsan nih a rak chim ve mi cu.

kawlhloh in (saa-wot-neyii)a rak ti i mah cu zumlo tu hna zongnih minung kan nunnak caah a herh bik ti i an ruahmi a si,minung kan si ahcun umnak hmun inn le lo kan herh i hni le puan kan herh i ei le din ti le rawl kan herh, mah cu minung kan sinak ah kan (piat-ta-naa)cu asi.

Mah piat-ta-naa minung nih kan tonmi cu Izipt ram in moses nih Israel mi hna a chuakpi lio hnaah khan,ramcar ah an ton vemi buainak asi ve,Israel mi hna cu sal sinak Izipt ram in an mipum cu a luat cang ko, an chuak tak cang ko asinain,an thinlung cu a luat kho lo zeiruangah tiah cun mah minung nih kan tonmi piat-ta-naa ruangah cun a si, kanaan ram le panh in ramcar i an um lioah
ti din awkah an lungre thei,rawl ei awk ah an lungre thei i runvennak/security kongah an lungre a thei mah caah cun Izipt ram cu an chuak tak cang ko nain an thinlung in an ngai than,an hlam than.

Cucu Bawipa nih a duh lo ramcar ah Bawipa a thin an phawh, Bawipa nih Israelmi hna cu an nunnak caah a herhmi an piat-ta-naa hna caah keimah ka bochan hna seh,keimah ka hal hna sehlaw zeihmanh a um lonak, zeihmanh a chuak khawh lonak ramcar hin,keimah nih ka umter lai i ka chuak ter lai i an nunnak caah a herhmi cu ka tuahmi nihcun keimah bochannak le keimah tihzah upatnak a ngeihter hna lai ti hi a duhmi a si. asinain annih Israelmi nih si ti loin an nunhlun an chuaktak cangmi Izipt ram sal an tannak hmun kha an ngai an hlam.

Zumtu kan nih hna zong Bawipa nih vailam in a kan khamhnak cu zumhnak in kan cohlan cang hnu le khamh kan si cang hnu ah,Zumtu mitampi zong Israel hna bantukin nifa kan nunnak ah kan nunnak ca i a herhmi kan piat-ta-naa hna ahhin Bawipa nih keimah ka bochan hna sehlaw, keimah nih phi-siin,piak hna ning law,keimah nih an nunnak caah an herhmi cu tawlreel piak hna ning ti hi a duhmi a si,.

cu ti si loin zumtu mitampi cu kan nunhlun Izipt ram kan ngai than ve tawn, mah tal kan ti lo ahcun kan pow a tam lai,ei lo in pei kan um lai cu kan taksa nunnak caah cun kan tuah cu a herhmi pei asi ve cu kan ti tawn, Bawipa nih nan lungre thei hlah u,keimah nih nifatin nan nunnak ca i a herhmi nan taksa ca i nan herhmi cu kan phi-siin.tawlreel piak hna lai ti hi Bawipa nih a kan kamhmi bia a si.

Cucaah Bawipa a zumtu hna hi nifate kan nun i a herhmi ah, kan zeizongah ka bochan
hna seh,ka zum hna seh ti hi a duhmi asi,Bawipa nih zumtu a mifa hna lungre thei i um hi a kan sianh lo amah Bochan tu a kan fialmi si.

Leave a Reply

Your email address will not be published. Required fields are marked *