Lungkuai, Beidong, Vansang In A Ummi Hna Caah

Ngaknu hnukbor ngan ngaimi hna nih, tlangval pawl mitcu hei la ngai ko hmanh sehlaw, a hnu I kan thim deuh taktakmi cu thinlung thiangmi kha an si ko.Nungak a sexy ngaimi hna nih tlangval mitcu hei la ngai ko hmanh hna sehlaw, pa kan thinlung cu nunzia dawhtu nih a hip deuh cingcing tawn ko.Pa nih nu muidawhmi hna hi hei i lawmhpi ngai hmanh hna sehlaw, azoh deuh taktakmi cu a ziazatu kha a si deuh tawn ko.

Nucu I tamhboih an thiam in, hnipuan ruk eih a thiam ngaimi hna nih, pa mit cu hei la ngai ko hna hmanh sehlaw, a cawlcangh, abia chim, thutdir, hawiher ning dirhmun in tihzah le upat nak cu a co tawn, Nu nih ka tap lo ati ah cun, a mitthli tampi a rak I hnawh cang ti nak asi, Pa nih ka lungfak lo ati asi ahcun, hliam fakpi in a rak tuar ve cang ti nak asi.

Nun a sunlawinak theihthiam dingah cun, harsatnak tampi tawn a hau tawn, Dawtnak taktak kan theih khawh ve nak hnga, temtuarnak tampi kan pah i kan ton ve a hau tawn.Midang caah a luangchuakmi nun a ngeimi hna nun ah, thluachuahnak zong a rak luang ve tawn.

Ruahchannak ngeih tilo hi tih anungmi asi, cucaah hmailei caan ca i naa ruahchanmi ah harsatnak tampi na tonmi a um tawn lai, nain na lungdong hlah seh.Teinak cu zumhtlak sinak, felnak, diknak, ralthatnak, teirialnak ah a ummi a si.Duhdawtnak ruangah a lungdong cangmi ka hmuh cang hna.

Rum ngai fawn tung I a lungrethei I aa nuamlo ngai i rethei ngaiin nun a hmangmi hna ka hmuh fawn cang hna.Muidawh ruangah mi nih theih tukmi si I nun aa nuam bak tung lomi chungleiah hawidang theih lo tein thlakaam emem in a ummi hna le cung ruang ah leicung um hmanh a huam ti lomi hna ka hmuh fawn cang hna.Rian tha ngai tlai in, reng sang ngaimi si fawn I, chungsivang in a ummi hna zong ka hmuh fawn cang hna.

Hi thil ka hmuhmi vialte nihhin hi vawlei ah lawmhnak, hnangamnak taktak a um lo ti kha a ka fianter ngai.Mi nih zeirel lomi ,nautat ngaimi hna tu aa lawm I hna ngam ngaiin a um I mithmai a panh pengmi ka hmuh fawn cang hna.Zingzan eidin dinghmanh a ngeilo I, hnipuan belh chom he khua asa I a lungawi ememmi ,sifah ngai tung i hmaipanh emem mi, aa lawm emem mi ka hmuh thanmi hna nihhin, khuika ahdah lawmhnak taktak, lungawinak taktak hi a um ti hi a ka ngalhter than,cucu Bawi Jesuh khrih nun a ngei taktakmi hna lawnglawng hi lawmhnak tlamtling le I dinhnak taktak aco mi hna cu an si ti hi asi.Khrih he lo cun nun hi pakpalawng men a si. 

Leave a Reply

Your email address will not be published. Required fields are marked *