Lung Tak in Daw Aung San Suu Kyi A Daw mi nih CNLD Mee Pe Uh

Pa le fa thlarau cu Pumkhat ansi i Taksa Thin lung Thlarau cu Minung pakhat an si btk in 1988 in 2015 tiang cu Amay Suu 8888 phu le Tlangcung mi phun hna cu Pumkhat kan rak si. Kan karlak TI a zut lo. Pum le Thlarau bang in ṭhen khawh lo kan rak si hna. Ti le NGA kan rak si hna. Democracy Ralkap kan rak si ṭi hna. 2015 Uk nak an hung tlaih le cang ka in Val dang Ṭang an kan pom tak ko ee Kan pi nih. Vacung in PA an kan duh tak. Tlangcung mi le Federal lawng hnu an kan chit si loin Biakamnak le chunmang vialte Mang bang in an lo dih ai. Democracy le Federal duh bik tu Nuhrin covo Innkil lung a rak si tawn mi kanpi cu Anna sin le Nuhrin covo buar tu bik ah ai cang ai. A zia ai thleng dih kan ti lai maw? Kawl Setan tial a chuak kan ti lai dah? Lung fim le thlafim khawh asi ti lo.
DASSK pa hnih an si cang. 2015 hlan DASSK le 2015 pinlei Amay Suh tiah a ti tu Ramkhel Minthang Mifim thiam hna Dr. Yang Hee Li UNO Nuhrin Covo Luzik Ko Mya Aye 8888 Upa le Myanmar Democratic Bu Lutlai U Kyaw Win Kawl Politicain Mithang le Kawlram Federalism Ruahkhan tu luchip.

Hlan lio a sining le a zumh ning kha a kal tak caah, Vawlei pumpi nih miṭhat nak le sunpar Ropui nak caah an pek mi Medal zong an chut ngawt dih ṭhan. Ramdang Siang Inn minthang le Pangpar dum ah an tar mi a zuk le lem tiang in an hrawk dih ṭhan. Ralkap kha a Huham le a min thang nak in a namh hna lai I Phung hram pi kan remh khawh lai, Remdaih nak a um lai. Federal Democracy kan ngah lai. Panlong Biakam nak a tling cang lai. Dindeih nak le nun duhdim he akhat mi ram ṭhan cho le ram nuam kan ser ve cang lai kan ti lio ah Maw ka thin hi mu! Tlangcung mi duh mi Federal pek le Tlang cung mi zawn ruah cu chim lo. Ral kap he I bawmh in tlang cung mi hrem tu le Nam neh tu ah aa chuah cang ko lo maw? Ti awk in Ralkap le AMAY SUH cu an lung aarual ngai ngai. Ka Nu le Kafa ti phun khin an um cang hna. Tehte: AA le Rakhine ral doh nak ah le CHIN PLW thih loh nak ah fiangput in Pi Suh ṭial a lang ai.

Krifa Zumh dan ahcun “PI CI” hi a kal sual kan ti ko lai teh. Thlarau ah aahrut pi mi le a rit mi hna btk in Kawl Miphun si nak le Ralkap Huham nih a hamh cang I a lemh cang. Cu caah Hlan lio DASSK siṭhan ding cu Vawlei pumpi nih duh mi le saduhthah asi cio. Tlangcung mi hna hnuchit in Ralkap a namh hna caah a ti khawh tilo, Hawiṭha bik tu ah an I chuah siam lehlam. Tehte Ralbawi zik Min Aung Hlaing Tamada pek an duh nak kong an phuang mi kha Vawlei pi le UNO nih misual bik cazin ah khumh mi le Nuhrin covo buar bik tu ah chiah mi Ralbawi zik hna Tamada le State Chancellor pek ding in timh nak ngei rilmal cu mu? Nun bu in Hell ram kan tla cang lai. Hlanlio asi cannak ziaza le nunning phak pi khawh nak caah; a siter khawh tu; tha zang kha Thawn ter a herh hrin hran.

Cucu Party pakhat le minung pakhat lawng nih Anna le power ngeih mi kha cat ko in tuah a herh . Anna sin ah a chuah cang mi PI CI khamh nak caah Hlan lio a hawi ṭhing Tlang cung mi nih Hlutdaw le Cozah ah hmun hma ngeih ve lawng ah asi kho ding mi asi fawn. Anna sin timi cu Uknak power Upadi sernak Power, Biaceih nak Power (3) hna kha mi pakhat cungah aum tikah ANNA sin ti asi btk in ANNA SIN zong a si lan mi relcawk lo Tehte an um cang. Pi Ci nih asen kha arang ti ahcun arang I, anak ko mi kha a dum ti zong ah asi ṭhiam ṭhiam. CHIN RAM Kawl party Lobby hna cheu khat cu PI CI nih Endrin kha vitamin le Nunkhua sau nak ti seh law, Vanṭhat, tiah No khat in; a tawngh colh ding phun in kan um cang.

Hlan lio DASSK si ter ṭhan ding ah Vawlei pi hmai ah upat mi si ter ṭhan nak ding ah Vawlei pi nih hlan lio btk in an upat I an ṭihzah nak ding caah Nuhrin covo Innkil lung asi khawh ṭhan nak ding caah Hlan lio pek cia mi Lak sawng le Min ṭhat nak vial te hmuh co ṭhan nak ding caah Pi Ci I bia kam mi a tak in a tlin khawh nak ding caah Phung hram pi remh, Reconciliation Miphun karlak I remh ṭhan nak PEACE timi Dindeih nak aum khawh nak ding caah Rule Of Law timi Upadi nih buan aco zungzal khawh nak ding caah Democracy ram ah khua sa mi kan si ve nak hnga caah Federal Democracy ah Kal hram kan thawk khawh nak ding caah Panglong biakam tlinter khawh nak ding caah Tlukruan nak le Zalon nak kan hmuh co khawh nak ding caah Tlangcung mi hna party VOTE cio sih.

Bahu Anna zawr ter nak caah: Minung pakhat sin lawng ah ANNA um ti lo nak hnga caah Tlangcung mi hna kan chun mang le kan vision asi mi Federal Democracy hmuh co hram thawk khawh nak ding caah CHIN PARTY (CNLD) Mee pek can kan cu cang. Bahu ah Hlut daw le minung zawr seh Tlang cung mi tu nih hmun hma la deuh u sih Tluk ruan tein cabuai cung ah kan ram dam nak le siṭhat nak kong LAIREL ṭi u sih. Cu vialte tlin ter ding le KANPI hlan lio duhning a sining le Nuncaan ziaza aphan ṭhan khawh nak hnga, Tlang cung party hna kha vote cang hna u sih. BNLD timi KAWL NLD le a dang kawl party cu CHIN Mi nih me kan pe lo zong ah an sung kho lo. BNLD me na pek lo hi AMAY SUH na dawt nak tu asi deuh lai. Hlanlio a sining hlun ah arak kir ter ṭhan tu asi lai. Fapa tlau pa cu Vokrawl ruang ah APA sin ah akir ṭhan btk in Tlang cung mi party vote nak in 8888 – 2015 kar, PI CI nun cung nung le sining ah kan kir pi khawh nak hnga, CNLD me pek cio u sih. Cu locun Benjamin tel loin LUNG RAWN KHUA, Kan PU Jacob sin kir he aa lawh la. Saya Rung Kaw.

George Floyd a thihnak nih US ram pumpi cuul in biaknak lei hruaitu tampi hna an thin a phawh hna i, biaknak kong i an lung a tlinlonak langhter hram an i thok ve cang. Cu bantuk tein cun 1960 hrawngah khan civil rights movement an kalpi lio ah an rak tuah bal ti asi. Miphun thleidannak um ti lo dingin le, police riantuannak remhsiam dingin duhnak a langhtertu Minak khrihfabu, Catholics le Protestants, Judah khrihfabu le a dangdang biaknak he ai pehtlaimi phu tampi hna cu Conservative le mainstream khrihfabu hruaitu pawl nih an telpi hna. Floyd a thattu police cu lainawn hmuh (case) in bia an chahpiak cang ko nain, vawlei cung pumpi i duhlonak a langhtertu pawl nih cun police riantuannak remhsiam dingin an duhnak an langhter.

Hrih le hram tiang coih in khua kan cuan. Muslim hruaitu le Catholic tlangbawi pawl le sisters pawl he Judah rabbis pawl lam an zawhti. Biaknak kip in aho miphun ti um lo in an rak chuak dih cio hna, tiin Pax Christi USA i executive director a si mi Johnny Zokovitch nih a chim. Judah rabbis, pastor, Muslim tlangbawi, le a dangdang biaknak lei hruaitu 1,000 lenglo nih kan hnung zarh ah khan online in conference an tuah cio hna i, African American pawl timhciammam tein nautat an si nak hi zeitindah kan doh ning a si lai, timi kong an cawnpiak hna. Coronavirus ruang i social distance tuah ruangah thla 3/ 4 chung erh kan si hnu cun chuah cu kan duh cio cang fawn kaw, a tu bantukin zumhnak (biaknak) lei kam khel in lehnak kan tuahmi a thuk in a kau ngaingai mi cawlcanghnak a si, tiah the Religious Action Center of Reform Judaism ah director a si mi Rabbi Jonah Dov Pesner nih a chim.

Kan mipi pawl hi an thin a hung bak ko. Miphun thleidannak sautuk an tuar cangmi kongah an thin a hung, ram dang tluk in COVID-19 US nih kan tawlrel khawh lo mi cungah an thin a hung, miphun thleidannak le khat le khat i rualranlonak a fahtuk raungah le Judahmi dohkalhnak (anti-Semitism) le Islam dohkalhnak (Islamophobia) le vurang pawl tanhkhunnak (white supremacy) pawl an um peng ko rih mi cungah an thin a hung ngaingai, tiah Pesner nih a chim. 1960 hrawng i civil rights movement an tuah lio zongah khan biaknak lei phu pawl an cawlcanghnak kha hmual a rak ngei ngai i, tutan le bangah cun biaknaklei phu lakin duhlonak langhter in lam a zawhmi hi kan tling ngai (biaknak dangdang kan tling), tiah Pesner nih a chim.

ELECTION KONGAH, Evangelical Khrihfa le Catholic pawl dirpi nak a um caah Republican Donald Trump nih 2016 thimnak kha a tei. Evangelical Khrihfa le Catholic pawl nih November thimnak vote thlak an kal te thikah hin Floyd thihnak thawngpang le duhlonak a langhtertu pawl nih Trump an soiselnak tete hi rikhiahtertu thil an si te kho mi a si tiah an zumh cio cang. Biaknak lei minung pawl hi langhngantuk tlawmmam in party tanh lo dingin Federal tax rules nih a kham ko hna nain, an pumpak hmuhning langhternak nawl belte cu an i ngeih cio ko hna. Trump nih St. John’s Episcopal Church inntual i hman vai thlak a duh ruang tuktak i a kalnak lam a velchum ah a ummi daitein duhlonak a langhtertu pawl hranhram lo in ralkap le police a thioter dih mi hna hnu cun mainstream Catholic le Episcopal hruaitu pawl nih Trump cu an thangchiat ngaingai cang.

1960 lio ah khan cun Rev. Billy Graham telhchih in a dang mirang evangelical hruaitu pawl hna kha duhlonak langhternak ah an i tel ve lo. Asinain, tutan ah cun duhlonak langhternak hi khamh, asiloin vai tel ve lawlaw, tiin amah party chungin biaknak lei hruaitu pawl nih Trump cu ruahnak an pek.
State governors pawl nih an umnak cio i duhlonak langhtertmi an daihter lo a si ah cun, US ralkap ka thlah hnawh lawlaw cang hna lai, tiin kan hnung zarh i ai hrocer mi kongah teleangelist Pat Robertson nih President Trump cu a mawhchiat ngaingai. “Kan state governors pawl hi miralchia bantuk in a ruah hna rua. Mr. President, cu bang cu. Ai ningcang ruam lo dawkaw” tiin a mawhchiat.
Kan hnung zarh ah khan Houston ah Lakewood khrihfabu senior pastor Joel Osteen zong duhlonak a langhtertu pawl he lam a zawh ve i, “Dinlonak hi kan ralchanh i, minak kan unau pawl hi kan dirpi hna ding a si” tiin a chim.

Sunday ah khan Washington ah duhlonak a langhtermi evangelical khrihfa tampi hna he Republican Senator Mitt Romney (anih hi Mormon a si) lam a zawhti ve i, “Black Lives Matter” tiin tweeter ah ca a tial. 1960 lio bantuk te in khan, kan hnung zarh hrawnghrang khan cun khrihfabu a cheukhat pawl zong vote thlak dingin biatak tein minpek in an tang hna. The non-partisan Public Religiuon Research Institute nih Floyd a thih hnu i data a lakmi a langhter ningah, white Catholic lakin Trump a dirpitu hi 37% an si. 2019 ah khan cun 49% tiang an rak phan bal. 2016 lio le bangah khan cun 60% tiang an rak si.

Sifakmi Hna Tanrualnak “Zaangfahnak tein, ka thaw ka chuah kho ti lo hi!” tiin Floyd a au chung taktak kha cu second 46 chung a si. Cucaah, biaknak lei hruaitu hna nih online in Floyd thihzun tuarnak ngeihpinak ah, tiin second 46 chung daitein an um piak lawng si lo in, Monday nikhat chung rawl an ul hna. “Sifakmi hna Tanrualnak” (Poor People’s Campaign”) timi min bunh in 1960 lio i civil rights hruaitu Martin Luther King Jr. thah a ton hnu in an kalpi mi movement cu biaknak phu 16 nih June 20 ah online in mibu an hrihhawh hna i an vun tharchuah than “Nuncan ziaza kongah faaktuk in buainak kan ton lio pi a si. Nihin i kan tuah dingmi hi Floyd a thihnak kong lawng a si awk a si lo, ciammam tein miphun thleidannak phung a ummi le, police pawl thatlonak le, ngandamnak zohkhenhnak (healthcare) a um lo ruangah le, ralkap thazaang lawng thanchoter Chin lengmang duhnak phung a ummi vialte hna hi kan cemh chih awk a si,” tiin Greenleaf Christian Church, Goldsboro, North Carolina ah pastor a si mi Rev. William Barber nih a chim. Anih hi tutan online cawlcanghnak ah hruaitu bantuk a si.

Cuhlan ah a um bal theng lo mi cawlcanghnak tha ngaingai cu tutan duhlonak kan langhtermi nih a chuahpi cang – Los Angelies mayor bak nih police department ca i an chiahmi budged chungin $150 million bak a zuh i mino rian, healthcare le lungthin lei ai ningcanglo mi thlopbulnak caah a hlut diam, tiah Loas Angeles ah black pastor zong a si i, community activist a si mi Najuma Smith-Pollard nih a chim. “Cucu thil buai a si ka zum lo. Thil tampi kongah buainak kan tong, mi tampi harkan tong. Cucaah, hi buainak hi khuatlang pakhat lawng i tonmi buainak menmen a si ti lo – hihi kan ram pumpi, cun vawlei pumpi nih an buaipi mi thil a hung si cang,” tiah a chim.

Leave a Reply

Your email address will not be published. Required fields are marked *