Lai tarnu pakhat a hmatpungtin ah Kawl tiah an tuahpiakmi cungah a lungfahnak

မွတ္ပံုတင္မွာ “ဗမာ”လို႔ ထည့္တာကို မေက်နပ္တဲ့ “ခ်င္း”အဖြားအို။ Video ၾကည့္ရန္။
Lai tarnu pakhat a hmatpungtin ah Kawl tiah an tuahpiakmi cungah a lungfahnak# ရင္နာစရာပါ။ ဒီ မေကြးတိုင္းအတြင္းမွာတင္ ခ်င္းလူမ်ိဳးတစ္သိန္းေက်ာ္ရွိရာ မွတ္ပံုတင္မွာ “ဗမာ” ျဖစ္သြားတဲ့သူ တစ္ေသာင္းခန္႔ရွိမယ္။ ရခိုင္၊ ပဲခူ၊း စစ္ကိုင္းတိုင္း စသည္မ်ားမွာလည္း အလားတူ cases ေသာင္းဂဏန္ရိွၾကတာေပါ့။ အားလံုး ခ်င္းျပန္ျဖစ္ေရး၊ ခ်င္းမွတ္ပံုတင္ရရွိေရး ဝိုင္းဝန္း်ဆာင္ရြက္ၾကစို႔။ အစိုးရမွာ အဓိက တာဝန္ရွိတယ္။

Image may contain: 6 people, including Salai Ceu Bik Thawng, people smiling, people sitting

Lungfak ngaingai si ko. Magwe ram chung lawng hmanh ah Chin hi tingkhat leng kan um I cu lakah thong hra hrawng cu an hmatpungtin ah KAWL miphun tiah cozah nih an tialpiak hna. Rakhine, Bago, Irrawaddy le Sagaing ramthen tepawl ah cubantuk a ting dengin a um rih. An zate in Chin miphun ah khumh dih an hau. Cucu miphun famuasuat cu asi. Kan dihlak tuanvo kan ngei.
Cozah nih tuanvo a ngei bik. Credit: Salai Ceu Bik Thawng 

Image may contain: 1 person

Lai zatlang nun veeng tu Lg. Van Hlei Sung

Tukum kan Khrismas cu New Zealand in hlasak thiam Lg Van Hlei Sung nih akan hman pi i kan puai asung lawi khun ko. Vaan hla asak ah vaan a kan ngaih ter Zuun hla a sak ah kan lung akan leen ter i a karlak ai tham mi um leen dawh kan si. Laimi nih sunglawi ngai i kan rak i ngeih mi zatlaang nun ti mi hi tuchan Khrihfa chan ah hin a lo cuahmah cang. Asi kho deuh nih saan tlai lo deuh nun an hromh, sakaap nih tlang an zamh, nungak tlangvaal i hawi komh zong ah nupi pasal ngeih hlaan poh cu zatlang komh in rak i komh cio a rak si cuticun zatlang nun hi kan nun rim a hmui ter tu nun a nuamh ter tu arak si. Hlan chan deuh hoi hna ah cun nungak inn ah tlangval i rak riah dih asi i ho hlei he an iduh ti hi pasal an ngeih hlaan ah cun theih khawh zong an rak si lo.

Hi bantuk kan zatlang nun a lo tlau cang mi, a cheu nih cun a theih hmanh an theih ti lo mi kha tutan Lg Van Hlei Sung a kan tlawn le a caam chung ah hin tampi a kan pilh piak, akan hmuh piak tthan khawh i kan i lawm ngai hna. Lai paih buan kan ser i cu ah cun kan Pa tthawng tthawng an i pai hna. MMA Champion Pu Tial Cung Thang zong a rak ra ve. Ai pai mi hna hi Pathian aduh mi Pathian a ttih mi lawng te an si hna i hi paih hi a sunglawi mi kan Lai nunphung zatlang nun pakhat asi. Paih nih hin kan mino tampi a sersiam cuahmah hna ti kan hmuh tik ah nulepa hna nih biatak te in tha kan peek cio . Paih lio ah Lg. Van Hlei Sung nih hla a van i sak pah, paih zoh mi hna hla ai zonh ter hna, mike a peek hna asak ter ve hna i mah hi hi nun phung mit in zoh tik ah ai dawh ngai ngai mi asi. Minthang aw ttha hna nih hlasak thiam ve lo, hlasa bal lo nun a hromh hna, tlaang a zamh ve hna bantuk khi asi i ai dawh khun mi zatlang nun akan cawn pimi asi.

Zuun Hla concert kan ngei i cu zong ah cun Lai lei inn chung i va leen mi bantuk te khin lungleng nawn in a tthu i hla asa, audiance vialte hi a mah a leng mi bantuk khin akan treat khawh, hla hna asak ter ve hna, ai zonh ter hna, a laam pi hna tik ah Lg. VHS a cawlcangh ning hi nunphung mit in ai dawh tuk mi le asunglawi tuk mi asi hi a zoh tu nih kan hmuh thiam a biapi ngai. Biaknak le nunphung kemh zia kan thiam lo ruang ah Laimi nih kan tuar cuahmah mi le kan tuar rih lai mi hna hi a man a faak taktak mi lawng te an si. Hlan lio ah Laimi hi kan rak fir khu lo. Atu ah cun ngakaan, fuduum, tolreba tiang veen lo ah cun i fir piak dih asi cang. Zei ruang ah ti ah cun zatlang nun khuazing a ttih mi kan rak si mi kha kan kal taak i hell tlaak lo poh ah aza ti mi result oriented cawnpiaknak a puan lau tuk mi cawn piak nak nih kan ram le kan miphun akan noih dih cang ca ah asi.
Hlaan lio ah nungak inn ah tlangvaal khat tthup in an rak riak i aho hi akan duh cem ti hmanh an rak i thei kho lo. Nungak zong hi thiang hlim in pasal ngeih tiang an rak um ko. Atu ah cun an zaat le cang ka private dating ah an pil colh i saan tlai lo deuh pawl cu nu ngak le tlanvaal hmanh an tep ti lo. Nu ngak le tlangvaal i helh ning phunglam zong kan ngei ti lo, Korea film kan zoh, Kala film kan zoh, Holywood kan zoh, Kawl fim kan zoh Laimi nih zulh mi tlaih tleng kan ngei ti lo. kan i tthi kan i um i chungkhar kan dirh tik ah a afawi ti lo. Cungkhar rep rai lo nih society rep rai lo a chuah pi ko cang.

Hlan lio ah sakaap nih tlang an rak i zamh i hmeinu hmeipa ngakttah hna nun hromh an rak si tawn. Atu cu sapipuam kah caan ah inn pa hmanh an theih ter ti hna lo ti asi cang. Kan nunphung le kan zatlang nun hi a ngai ngai ti ah cun Khrihfa nun dah kaw an rak si dih cu. Zei ruang ah dah Khrihfa kan si hnu tu in hi nun sunglawi kan rak ngeih mi viale hi an tlau dih hnga.

Upa le khua a hngal deuh mi tal nih cun faak deuh in ruat hna usih. Kan Lai nunphung le zatlang nun sunglawi an loh tlau lo nak ding hi kan zuun hla i kan hman hi hla cuang bia tal hin kan char tthan kho hna hnga maw? Lai hla ttha ttha hlasak thiam nih avan kan sak piak cang ah cun thlan mual lei lawng a cuang cang mi dah kaw rua bang an tuai tthan, chawl bang an bir tthan i zil thli nih a hranh mi bang panh siarmar in an i hnin leen ko cu hi….khoi… kan stress vialte, kan depression vialte… khoi ka dah an si dih. Kan Lai nunphung le zatlang nun te hi tlaih chan cio hna usih. Credit: Salai Bawiukthang Cinzah

 

Leave a Reply

Your email address will not be published. Required fields are marked *