Khrihfa hna sin ah Khrih nih Biacah Paruk

Pastor Brani cu Malaysia Sabah, Dusun miphun asi i Borneo Khrihfabu pakhat i pastor a ttuan mi asi. 2006 April 21 ah asi. Ka fapa nupi tthit piak ding in ka kal i ruah lo pi ah stroke ka ngah i Malaysia University Medical Center pa khan. Doctor nih aka zoh tik ah ka thluak thari a kek i thi a chuah caah operation tuah a hau lai aka ti. Operation tuah hnu ah Lungfim lo in zarh khat ka um ka um i cu hnu ah ICU ah thlakhat ka um rih. Pathian mi zumtu tampi nih thla an hong ka cam piak i Sabah president zong ai tel. Voikhat cu mang ka manh i ruah faak pi in a suur. Mah hi ka testimony hi thla aka cam piak tu hna thlacamnak Pathian nih aleh hna nak asi tin ka zumh mi asi. An mah thlacamnak thawng in ka dam caah Bawipa min thangtthat si ko seh.

Trump: 'We Are a Hot Country; This Is a Hot White House'

May 2006 zaan ttim ah asi. Phun dang pi khin ka um. Kai hngilh kho lo. Mi dang cu an i hngilh thlup ko. Cu lio ah cun Zisu kong lawnglawng ka ruat. Isaiah 43:26 “Biaceihtu zung ah chuak tuah u sih, taza nan ka cuainak cu rak chuahpi tuah u, kanmah hi kan hmaan, nan ti khawhnak dingah nan bia cu hun chuahpi tuah u” timi khi thuk pi in ka ruat. Pathian nih aka um pi ti khi fiang te in ka hngalh Thla ka cam i thlarau le biatak in ka cam.Thla ka cam dih cun hngilh kai zuam nak in kai hngilh kho lo. Cu ah cun ka keeng lei khin pakhat khat nih a van ka muai bantuk khin ka ruah. Ka pum chung ah zeidek ahun zawh mi khi a lo. Ka van i her i ka hmuh mi cu ai dawh tuk mi, pumrua ttha tuk mi, puanrang ai aih mi asi. “Bawipa nangmah na si maw’ ka ti i a lu a alei. “Ahodah na si ko?” ka ti i “Vanmi ka si” aka ti. Zisu nih thawngttha chimh ding aka fial i ka rat mi asi aka ti.

How to Watch Donald Trump's Coronavirus News Conference Today at 3 ...

“Zeidah chim an fial mi cu asi” ka ti i hngah hlang ngai in ka hal. “Tuzaan ah Van ah ka kal pi lai” aka ti. Cu lio cu ka dam lo lio pi cu asi rih ko na in daihnak le lomhnak in ka khat. Zei hmanh tuar mi a ngei ti lo mi bantuk in ka um colh. “Kai ngaih tuk, Ka Bawipa hmuh lai cu kai ngaih tuk” ka ti. A van ka kal pi i vulei pum cu ihkhun ah a rilh ko khi ka hmuh. Sizung kan lonh cangka khin rang ngan pi a rak um. Vanmi nih cun “mah rang hi kan i ciit lai” aka ti. Vanmi he cun cu rang nganpi cu kan i ciit. ‘ Hi rang hin maw van tiang cu kan kai lai” ka ti. Vanmi nih cun “si ko, ttih hlah, Elijah kong kha na thei lo maw?” ati i “ ka theih ko” ka ti. “Mei rangleng ai ciit mi a hnuuk tu rang kha mah hi rang hi asi” aka ti.

Trump: 'We Are a Hot Country; This Is a Hot White House'

A hramthok ah cun fum te in kan kal ko na in tlawmpal kan kal khin a rang tuk cang i thlipi hrang mi khi a lo. Rang cu a zuang i tlang hna hi fawi tuk in a lonh thluahmah ko cang. Tlawmpal ah ramhring dawh ngai mi kan phan. Ram a pel te hmanh hi arocaar mi a um lo. (Psalm 23:2). Rang cu a dir i kan ttum i ramhring cung ah cun kan kal. Vancung khua ka mit in ka hei hmuh khawh ko cang. Kan van kal pah ah cun darkhing tum thawng ka theih. “Cucu zeidah asi” ti ah ka hal. ‘Mi pakhat khat a rak ra ti nak asi’ aka ti. Cuticun ramhring rawn cu kan kal inn dawh tuk mi kan phan. A cung lei cu a sen, traffic light bantuk a ceu mi khi a cung lei ah a um i cucu ka van zoh cu number 51 ai ttial. Mah number hi zeidah asi ka ti i “ na kum kum zeizat dah asi” aka ti. Cu lio cu kum 51 ka si lio asi. “Mah number khi na kum zat asi, na inn number hi ka kum asi “ aka ti. Kai lawm tuk hringhrang, vancung ah inn ka rak ngei, Bawipa nih Amah a zuum mi a fa le hna a rak kan sak piak mi inn a rak asi.

Trump: 'We Are a Hot Country; This Is a Hot White House'

Kan kal rih ko i inn ngan pi minung tampi an um nak kan phan. Cu chung ah cun mi nung Bawipa an rak thangtthat leen ko. Bawizisu cu tthutdang cung ah a tthu i mi vialte nih an rak thangtthat le an rak biak cu ka va hmuh. An thinlung dihlak in an thangtthat i an laam, an kut an thlir, an khuuk an i bil. Ka thinlung chung ah ‘vulei mi nih mah ti hin thangtthat usih lwa zei tluk in dah Bawipa ai lomh hnga’ ti khi a hong chuak. Bawipa an biak lio ah cun mi tampi cu an ttap. An i biatak mi kha Bawipa Zisu nih a hmuh tik ah amirh. An kut an thlir tik ah Bawipa Zisu nih thluachuah a rak peek hna. Cu an thangthat nak a dih cun Bawizisu cu an lak ah a rak ra i an mitthli cu a hnawh piak hna. Biathlam chung i “thihnak, ngaihchiatnak le fahnak a um ti lai lo” ti mi khi ka lung thlam ah ahung cuang.

Vanmi nih cun Zisu sin a ka phak pi. Vanmi nih cun “ Bawipa na thim mi cu a ra cang” ati. Zisu nih cun ‘Ka hngalh i zei dah a cang ti kha ka hmuh dih ko” ati. Vanmi nih cun “a nupi nih an hal i zangfahnak te in a tu ah cun la rih hlah law kan i ready rih lo e “ ati i Zisu nih cun “ka hngalh dih ko, anupi i Pathian a ttih mi asi, ka nawl a ngai mi asi “ ati. Cucun ka nupi hi Pathian nawl a ngai mi asi ka van i fian chin chin caah ka thlarau cu a ttap ko. Bawipa nih cun ‘kafa, nangcu vulei ah na kir tthan lai, na caan a tling rih lo, rian tam pi ttuan ding na ngei rih, manh lo ngai in rian na ttuan rih a hau” aka ti. Kei tu nih cun “ zangfahnak te in hong ka kir ter ti hlah, hika ah hin kai lawm tuk i nan pawng um hi ka duh bik ko, hong ka kir ter ti hlah” ti in ka nawl. Zisu cu amit hmai a chia pah in a van lang. Cu tik ah ngaih thiam ka hal tthan i ‘ ka kir ko lai Bawipa, mah bel te hong ka bawm, thazang hong ka pe law hong ka um pi peng ‘ ka ti i ‘phang hlah, ka rian na ttuan nak poh ah na sin ah ka um zungzal lai” aka ti.

Zisu nih cun na kir tik ah a biapi tuk mi biacah kan duh mi a um i mah hi hi ttha te in na chimh hna lai, vancung na rak kai nak kong zong hi na chimh hna lai i mi tampi nih thluachuah an i hmuh nak lai aka ti. Mah hi bia pa (6) hi Bawizisu nih biapi ngai in na va chimh hrim hrim hna lai ti ah felfai te i aka cah mi cu an si. 1. Ka fale kha va chim hna, an ka zumh tik ah an thinlung dihlak, an thaznag dihlak, an ruahak dihlak in ka zuum hna seh. Lungawttawm i a um mi cu hika an phan kho lai lo ati. 2. Ka fale kha va chim hna, Khrihfabu ah zumhawktlaak (faithful) te in um hna seh, zei caah ti ah atu lio hi an mithmai ah ka tlaan caan asi i ka mithmai an kawl caan asi. Ka fale hna Khrihfabu i an ka biak le an ka thangtthat hi kai lomhnak asi.

Trump: 'We Are a Hot Country; This Is a Hot White House'

3. Ka fale nih hin zumh awk tlak te in thla cam hna seh, ka duhmi tuah hna seh law ka Bia ning in nung hna seh. 4. Ka fale kha va chim hna, cheuhra cheukhat le thawhlawm fel te in pe hna seh ati i mah bia a chim lio ah hin “zoh hmanh hi” aka ti i Inn dawh tuk mi ready te i a um mi khi a ka hmuh ter. ‘Kafa inn hi an i ready cang, ka fale aka zum taktak mi le ka nawl a ngai mi hna caah timh cia in a um dih cang” ati. Cun ai liim rih lo mi inn khi aka hmuh ter i “Bawipa ziah mah inn hi bangbat in an um?’ ka ti. Bawipa nih cun ‘mah inn pawl hi ka fale thawlawm a pe tthittha lo mi le cheuhra cheukhat a pe lo mi hna inn asi” aka ti. “Inn hi kafa le nih thawhlawm an thawh i felte in cheuhra cheukhat an peek tik ah ai liim ve te lai ‘ aka ti.

Trump: 'We Are a Hot Country; This Is a Hot White House'

5. Ka fale kha va chim hna, an thlacamnak hmang in an rum nak le thluachuah an hmuh mi vialte hi keimah sin ah chaan dih hna seh, cu lo ah cun ka rat tthan tik ah an vulei chawhlawn ah an lung a um sual lai, Lot nupi kha philh hna hlah seh” aka ti. 6. Ka fale kha va chim hna, timhcia te in le hlip hlau te in um peng hna seh, Ka ra zau lai, an ruah ning nak tuan ah ka ra lai… ti ah Bawipa nih a ti.
Bawipa Zisu nih biacah pa 6 nak a chim dih cun vaan khi aka zoh ter, khuadawm zei hmanh um lo i a thiang ko. Zisu nih cun vulei lei ah a kut avan samh i “ka fale hna laak ding ah kai ready cang” ati. Cucun vaan ah cun puanrang ai aih mi mi tampi Zisu tong ding in an kai khi ka hmuh. A keh lei le a orh lei ah cun an i puum tthup ko. Bawipa Zisu a zuumt mi mitampi cu cawi (raptured) an si. Mi tampi chungkhar tampi zong raptured an si khi aka hmuh ter. Nuleva le an fale vaan i an kai lulh khi ka hmuh hna. Cu hmuh cu thinlung a nuam tuk hringhran.

Zisu nih cun “tanglei khi zoh” avan ka ti. Vulei umtuning cu aka zoh ter. Vulei cu ai sualsaan dih ko i, mi vialte hi an tli an zaam lulh ko hna, an viu an au pah hna, nulepa tampi nih an fa le an kawl hna i fale hna zong nule pa an kawl hna. Bawipa Zisu nih cun keimah kan khua Khrihfabu zong aka hmuh ter. Micheukhat kal taak an si mi kha ka hmuh i ka ngaih a chia tuk hringhran. Khah, zunh tlaak te in va um law hi kan hmuhsak mi vialte hi vulei i ka fale vialte va theih ter ve hna” aka ti. Cucun Vanmi aka la tu nih cun kan i ciit mi rang khan vulei lei ah a van ka hruai tthan. Rang tuk in kan kal i luklak ah Sizung ka um nak cu kan phaan tthan. Ka pumsa ka van hmuh bak khin ka thlarau cu aluut colh ko. Keimah ka zawtnak cu dam tling in a rak dam diam ko. Bawipa nih sunparnak co ko seh. Vancung i ka um chung ah khan cun ka pum hi ka no lio bantuk te kha ka si peng kha ka van i hngalh.
Bawipa he Vaan i kan i tonnak testimony asi. By Pastor Brani Duyan. Credit: Salai Bawiukthang Cinzah.

Leave a Reply

Your email address will not be published. Required fields are marked *