Khrihfa bu le Zatlang bu le Party kong

Pu Zo Tum Hmung, Dr. Steven Hre Kio, Dr. Pum Za Mang le Rev. Dr. Hai Vung Lian te tuahmi biaruahnak ah fiang tein an chim cang ko kha. Pastor te nih cun Party ramkhel cawlcanghnak ah cun i tel lo ah a ṭha. Zei caah tiah, member chung ah ṭanhmi an i khah cio lai lo ca ah ṭhencheunak a chuak sual lai an ti kha. Cu cu ka pom. Pumpak tu cun ṭanh deuhmi cu um phung asi. Minung covo zong a si.

Asinain, Khrihfabu min le Miphun huap Zatlangbu min in party pakhat nan ṭanh hna i (ṭanh lawng tiang khi cu a poi tuk rih lo) party dang kha “khi party ṭukṭak” nan ti rih hna ah cun zei tin dah khua ruat lem lo mizapi cu nan funtom khawh rua hna hnga hnga? Nan i timh vek vek ah cun, cu party cu cu ruang ah ka ṭanh i an nih party cu cu ruang ah ka ṭanh lo tiah ningcang tein le thil sining fiang tein langhter law law ulaw a ṭha deuh hnga lo maw? Mizapi ca zong ah theihtlei le lungfimnak a si ve hnga.

Cu si ṭung lo i Pi Aung San Suu Kyi biachim video le biafang men nan hei tar ko ṭung ah cun nan lungchung te tu in ṭanh u law thimfung tu pe te ko u. Khrihfabu min le Miphun huap chiat ṭhat bu cun party ramkhel cawlcanghnak ah nan i tel lo ah member ngan a dam deuh lai.

Cu caah cun, ṭanhhlei ngei in video tawi le catawi tar a hmangmi Khrihfabu hna cu mino bu nan si ah bupi nan si ah (muiṭawn pakhat ah an ṭial bang) nan fb page “like” tuah ding in ka sawm ti hlah u, zanriah ei lawng hun kan sawm cang u. Catialtu: A Ruang (Ka u Thawngpa, ka ti duhmi hna ah hin nang cu naa tel lo, na chimmi kha cu a tluangtlam ko tiah ka ruah)

Leave a Reply

Your email address will not be published. Required fields are marked *