Kawlram Actors le Actress Pawl Phung Thar An Ser Piak Cang Hna

Kawlram minta mintami pawl (Rule) Zulhding phunglam an ser piak mi hna cu a tha bak ko. A nuhping ngia rian a tuan mi hna caah an ser piak mi hna, phunglam cu Video nan i thlak ah siseh, Cawngia nan i thlak ah siseh, Social Distancing tein nan um lai. Cun Love Scene nan zeih ahcun, Love Scene aa zeih mi, minta, mintami kha ninga chung inn ah tin hlah seh tiah an tiah phunglam an ser piak hna. Ninga hnu ah love Scene aa zeih mi actor, actress cu Negative an si ahcun, Zalong tein an duh mi poh an i zeih than kho lai tiah an ti. Cun video, Cawngia nan i thlak tik ah peruk hlah in a sikhawh cun, nan um lai. Peruk hlat in nan i thlak ahcun zeihmanh poinak um lo tiah, PyiThawngSuh Onekyi Doctor Myint Htwe Tta nih a chim.

Inn an tin lo sicun Quratine ah chiah an thimh hna rua. covid 19 zawtnak ruangah a hohmanh riantuan cio khawh cu a si lo tikah, Nain lockdown a vun dih cun tlawmpal cu rian an tuan poh kho deuh hna. kawlram Minta, Mintami pawl zong thla li chung cu video i zeih tilo in an i lockdown dih ve. Riantuan lo i um zungzal awk a tthat lo caah hi phunglam hi an ser piak hna i video thlak le cawngia pawl i thlak a ngah khawhnak dibg caag tiin Kawlram ruahnak petu Daw Aungsan Suh telh online ah meeting an nei lio ah, hi biachahna hi kan tuah mi asi tiah Doctor Myint Htwe Tta nih July 28 ah khan achim. A nuh ping ngia rian video zeih le Cawngia zeih pawl cu mitlawm tein i zeih awk atthat lo caah.

Mitam pi nih an tuah tuan mi a sicaah hi kong zongah fakpi in ralrin an pek hna. Tucu kawlram a nuh ping ngia tama pawl zong biatak tein rian an tuan kho cang hna. Myanmar covid 19 update July 31 tiang ahkhan cun, case thar in hmunh mi an um ti lo. thawngpang tha ngai ngai asi. Kawlram ah covid 19 zawtnak angei mi hi minung 353 asi. Hichungah a dam than mi minung 281 an si. athimi minung 6 an si tiah ngandamnak lei riantuan tu hna nih an chim. kawlram i Covid 19 zawtnak. angei 353 chungah chin mi minung 13 an i tel, Kawlram chung te ahcun chin ram hi, covid 19 zawtnak a ngeimi atam bik pathumnak asi. thlacam in tang rih ko hna usih. Dwun.

A Tlai Ballo Pathian: Jesuh chung ah nun bungh ka duh; atuhi damh khawh ti lo mi zawtnak ruang ah a thi ding ka si cang. Kha hlan ka nun vialte vawlei nuamhnak partlan in ka hman. Ka zaangtthawnnak ka fimthiamnak le ka thil ti khawhnak vialte an lo dih cang, atu cu thih lawng a taang. Hi ka si bu ah Jesuh panhning law zeitin, a ka cohlang duh lai maw tiah, Billy Graham a hal. Mipa biahalnak nih Billy Graham hnarruh a ttam. Patlingpi a mitthli a hai. A lu ai khun ruangmang i, “Mipa Pathian nih in khunnguh hlah sehlaw, in zawnruat hlah sehlaw, amahlei ah kir duhnak lungthin na ngei lo khom men. Asi…Pathian nih an dawt, an zaangfah ko. Nangmah lungtho tein le duhnak te he a sin ah kir cu a duh tuk mi pei a si cu. Atu zong hi na tlai lo e,” a ti.

Mipa cu lunglawmhnak mitthli he Pathian sin ah sual ngaihchih in thla a cam. Vawlei mit in cun ka zoh hna sehlaw, thaizing kiptuh minung a si mi, a thi chom ding a si mi, thazaang a ngei ti lo mi, thiamnak a ngei ti lo mi kei hi, mi zeihmanh nih an ka cohlang duh ti hnga lo. Ka sualnak phozar ding siseh law, biaceihnak hmun phakpi ding ka si hnga; sinain cu tlukin a sual mi, a thi chom ding a si mi kei, a ka cohlang duhtu Pathian hi a va ttha hringhran dah. Maw Pathian! Na cung ah kai lawm i na min kan hlorh ko. Ka zaangtthawn lio ah na rianthiang ttuan hlah hmanhning law, ka nunnak thaw na lak hlan chung cu na sunparnak ka langhter lai,” a ti i sual ngaihchih ttang cumh in Pathian a thangtthat.

Luruh hmun, sual thlainak tlang ah sual man hremnak a ingmi pa khan a mitthlam in hei cuanter hmanh. Jesuh nih, “Vancung pennak a nai cang caah nan sualnak khan i mer u, i ngaichih u” timi tlangtar in thawngttha a vahpi lio ah Jesuh bia ngai lo in nunsual a tuah caah kha hmun tiang a phaknak kha a si hei ti ko ning. A dirhmun a van i hngalh, a sualnak awthawng nih a hnazang ah fakpi in bia a chim. A tuah cia mi vialte sualnak a mitthlam ah an hung cuang. Ngaithiam khotu ka pawng ah a um ti a hun hngalh tikah, ka nunnak thaw a dih lai suimilam ttem si hmanhsehlaw Jesuh hi ka sual ngaithiamtu ding ah a tlai lai lo dahkaw, atu ka hal zong ah a ka zaangfah khawh ko hmanh maw a ti i, “Kannih cu kan sual man kan in, sinain anih cu sualnak a ngei lo.

Bawipa Jesuh siangpahrang in na rat tik ah ka philh sawh te hlawh mu,” a ti tikah, Bawipa Jesuh nih, “Hihi kan chimh, nihin ah paradis ah keimah sin ah na um lai,” a ti.  Thutnak in a khat cang, tiah an ruahmi Lazaruh thiruak thawhnak kong kha van ruat rih hmanh. A thi deng lawng hmanh a si lo, a thi cang. A farle pahnih mitthli rialrawt he chunzan hlan in an i ciah. An ngaihchia hringhran. Zei khom an ruat kho lo. An vansang. An ttate nunnak in thawhter than khawh si cu an duh, nain thil si kho ding ah an ruat lo. Jesuh an sin a rat zong ah, “Kanmah sin ah rak um law cu, a thi hnga lo,” an ti. A sullam cu, a thi cang mi an tta kha a thawhter tthan khawh lai an zum lo tinak si. Anmah ruahnak ah cun, Jesuh a tlai, sinain Jesuh nih cun ka tlai lo a ti hna. Jesuh bia bantuk tein Jesuh a tlai lo, a caan hmadakte ah a phan ko. Aw thangpi in mithi pa Lazaruh thiruak pi cu a van auh i, mithi nih cun a rak theih, a thiruak thuammpi he a hung chuak hluk ko.

Jesuh hi a tlai bal lo. Kan sual ngaithiam ding zong ah, mi derthawm, thiamnak ngei lo, thil ti khawhnak ngei lo, thih hngak in ngorfem in kan um lio caan zong ah, thinlung dihlak le sining dihlak in kan fuh ahcun a kan cohlan duh ko. Kanmah tu hi kan tlai tawn. Harnak kan ton caan, thihnak thladem chung kan luh caan zong ah Jesuh hi a tlai bal lo. Cucaah kan siningte he fuh ko usih; kan sining chim ko usih. Zeicahtiah, ngaihthiam khawh lo a ngei lo. A ca ah zeihmanh a si kho lo mi a um fawn lo. Atu ka siningte, na siningte khan fuh ko/ fuh ve ko ning, a tlai lo mi Pathian a si. catialtu Carson Tin Twin Oo.

Leave a Reply

Your email address will not be published. Required fields are marked *