Kawl Ralkap Tih An Nung Tuk Cang, Khuami An Luhhnawh Hna I Meithal An Kah Hna

Kawl ralkap sual ning cu a mak ko. Rammi cungah ningcang lo in an cawlcang ning le an thiltuahmi hi fihnung tuk a si. Kawl Ralkap Sitcawng pakhat  Rakhine stae, Bu Ti Tawng peng, Sui Tawng khua ah an va kal i heh ti ah meithal an kah pauh caah khuachung mi cheukhat kah hliammi an um, tiah thawng theih a si.  khuachung an luh ahhin Ral he I kah si lo in khuami hna cu meithal an kah hnawh hna mi a si.

Khuami hna nih Ralkap an tih hna caah minung 200 tluk hrawng hmundang ah himnak kawl in an zam hna, raltuk nak um bak lo in ralkap hna hi an rak lut I mehthal kahnak an tuah I mipi thinphang taktak in an kan tuah, Meithal an kahmi ruangah minung pakhat hliam fak a tong, Ralkap pawl hna hi mah khua ahhin zing lei tiang cu an um peng kho rih tiah khuachung mi pakaht nih RFA ah a chim.

Ralkap lei biachimtu Buhmuci Win Zaw U nih mah khua ahhin ralkap an rak luh lo, meithal kahnak an tuah lo tiah a chim ve. Rakhine state ah civil mipi hna hi zaangfak ngaingai an si hna.  cozah ralkap le AA tukkahnak ruangah mizapi harnak tampi an ton pin ah thinphang lungrethei in an chiah hna. sualnak ngei lo mipi nunnak tampi a liam cang, Thong an thlakmi hna tampi an um cang. Kawlram nih deihnak hi kan herh cemmi a si ko. a tang ah thawngpang dang rel ding a um.

ISIS hotu Abu Bakr al-Baghdadi cu US ralkap nih Syria ram chaklei ah zarh khat chung an ngiat, an erh khumh hnu ah zarhte zan ah khan sumilam pahnih chung a dupnak khur chungah an luh hnawh i, ui le ar zaam in a zaam, a ai, a hrum, a tah pah bu in a tai ah a ttem chihmi bom a puah i, amah le amah a that beh. A fale ngakchia pathum zong a bom puah hnawhnak in hma khat te ah an thi colh ve. Lungkua chungah a ummi ngakchia 13 tu cu him tein US rlakap nih lengah an chuah khawh hna. US ralkap pakhat hmanh hma pumi an um lo. President Trump nih zing tho in Press Conference a tuah i, ” “These save monsters will not escape their fate, and they will not escape the final judgment of God.” tiah a chim.Credit: Salai Lairam Thang.

John 16-36 : Nannih nih keimah he nan ipehtlaihnak thawngin, Vawlei nih harnak an pek hna lai, sihmanhsehlaw tih hlah u, vawlei cu ka tei cang tiah ati. Pathian he naihniam tein kan ipehtlaihnak le kan ihawkomhnak thawngin zumhnak le dawtnak hi kan mah ta asi. Jesuh nih an kan cawnpiakmi cu kanmah he khrihfabu akhat lomi zong, kan miphun dang hna zong, an kan ralmi hna zong khi kan dawt awk hna hi zumtu kan rian cu asi. Job ah na thoknak kha hme hmansehlaw na donghnak lei kha ngan lai tiah ati. Cucaah thilngan le thilfa lawngah siloin, zeithil kan tuahnak poah ah Bawipa hi kan herh zungzal awk asi.

Fanu thalo le fapa thalo nihcun, an fimthiam tik le, mirang holh hna an thiam tikah, kanmah tein kan dir kho tiah an ti tikah, an nulepa he an ipehtlaihnak le an umnak an ihlat. Pathian ka herh lo ti kan itheih lo le, kan um ti lo ahcun cucu zumhnak ah fa thalo bantuk kan si. Kanmah tein kan um kho, kan dir kho tiah kan iruah tikah, cucu Bawipa he kan ihlat tawn caah, dawtnak le zumhnak kan ngei kho lo.

Kan ruahmi le kan tuahmi hna hi, kan thinlung ah kanmah tuahmi le kanmah iuahnak le iphorhlawtnak ah kan hman ahcun Bawipa nih aduh lo. Bawipa thawngin le Bawipa min in thiah kan thinlungah kan ruah i, kan chim awk le sunparnak kan pek awk asi. Kan tuahmi vialte hi Pathian thawnnak asi. Kanmah kan si lo. Ka hrinthan, ka pianthar tiah kan chimmi nih khin, Khrihfa sinak alangher lo. Khrihfa kan sinak alanghnak cu nifatin te Pathian he kan ipehtlaihnak khan asi. Jesuh nih keimah he nan ipehtlaihnak thawngin zeithil poah nan tei khawh lai ati.

Gal 2:11 : chungah, khrih he kan ipehtlaihnak thawngin zeihmnah nih an kan then kho lai lo” tiah ati. Pathian fa taktak, Thiang Thlarau a hrinthan taktak mi nih cun, harnak le fahnak le ngaihchiatnak nih an kan rat hnawh ko nain an kan hrawk kho lo I an kan tei kho lo. Kannih cu Jesuh chungah kan um caah teinak kan hmuh. John 16 chung I, achim duhmi cu, Pathian he apehtlai cangmi hna caah asi. Harnak le sifahnak le ngaichiattnak kan inn tikah, Jesuh nih ka tei cang tiah ati caah kannih nih kan tih awk asi lo. Pathian he kan ipehtlainak cu kan thinlung he asi caah, kan thinlung ah Bawipa kan pehtlaih lo tikah Bawipa he kan ihlat.

Hrinthanmi cu, kan thinlungah chikhatte kan ruah sualmi thilthalo hna le sualnak kanruah sualmi a um ahcun, arannak in Bawipa sin ah ngaihthiamnak kan hal I, kan kir than colh. Bawipa nih aduh lomi asi ti kan hngalh than.Thiang Thlau hi kan thinlung I kan iphorhlawtnak le keimah ti lungput nih khan angaihchiat ter tawn. Cucaah Cathiang nih Thiang Thlau kha angaihchiat ter hlah tiah an kan ti. Thiang Thlarau angaihchiat ahcun kan thinlungah lawmhnak le hnangamnak a um kho lo. Thiang Thlarau hrinthan mi hna cu sualnak tuah cu chim hlah u, kan thinlung ah kan ruahmi hmanh kha aduh lo.

Thiang Thlarau in hrinthanmi hna cu cawnpiaktu le chimtu kan ngei. Zeitikhmanh ah an zumhnak an hlaw bel lo. Jesuh nih Peter kha na zumhnak apurnak hnga lo, thla kan cam piak hna ati. Cubantukcun Jesuh zong nih kannih zong an kan campiak ve. Pathian cu Thlarau asi caah, Thlarau in pehtlaih khawh asi. Biak khawh asi. Cucu Pa Pathian nih duhmi asi. Asinain Thlarau ngeilo mi nih cun pehtlaih khawh asilo.

Jesuh, Jesuh, Jesuh tiah kan uah tikah Pathian nih atheih lomi hi, Thlarau le biatak in kan pehtlaih lo le kan uah lo caah asi. Thawntha kan chim chuahmah lio zongah khin Sehtan nih an kan hlen tawn caah, kan thinlung hi kan ven awk asi zungzal. Bawipa nih na sualnak an ngaihthiam dih ahcun, na thinlung hi lawmhnak in akhat lai. Na thinlungah lawmhnak in na khah lo ahcun Bawipa nih na sualnak an ngaihthiam dih lo caah asi.

Salm 32 chungah, Bawipa nih asualnak hmaimilh asi mi cu zeithlukindah a lawmh tiah ati. Maw ka nunnak Bawipa cu thangthat tuah ti, Ka sualnak vialte a ka ngaithiam le ka zawtnak vialte aka ngaithiam tiah Salm chungah ati. Mi cungah nan lungthin afah bakin, Sehtan nih nan thinlung chungah zawtnak achiah. Thiang Thlarau nih ahruai mi hna cu Pathian Fa an si caah, Thiang Thlarau hruainak in kan kal awk asi.

Peknak lakah asang bikmi cu nunnak pek asi. Peknak lakah aniam bikmi cu tangka asi. Zeizong vialte hi Bawipa sin ah ara tihi kan hngalh lo caah, tthawhlawmh hmanh ah atlawm tuk mi kan pek. Kan thinlungah Pathian tihzahnak le upatnak aum hnu lawngah, Pathian hi Thlarau le biatak in kan biak khawh lai.

Thlenripi chuak lak zongin, thlacam hi Bawipa riantuannak caah le zungzal nunnak caah aphu kho. Zungzal nunnak asi lomi hmanh ah thlenhripi chuak lak inpei kan kawl cu. Kawlnih hin lenglei biaknak kha an pemh caah an nulepa an tihzahnak kha an langhter caah an kuk anbil le an biak tawn hna. Cucu an nulepa an tihzah hna le an upat hna caah asi. Kannih khrihfa cu chunglei thinlung in biak asi caah, kan thinlung dihlak le biatak in Pathian kan pehtlaih tikah, Thlarau mi le fa le Hrinthan mi kan sinak kha langhter.

Kan thinlung put hi kan thlen ahau. Thlarau le biatakin kan biak tung lo ahcun kan caan apaam tuk. Pathian kan tihzah le kan upat hmasa hnu lawngah Pathian hi Thlarau le biatak in kan biak khawh lai i, aduhnak kan tuah khawh lai. Pathian atihzahmi na si maw tihi ruah ahau.

Evan. Ca Meng (Sunday )

Credit: James Vanneilian

Leave a Reply

Your email address will not be published. Required fields are marked *