Kan Idol cu US republican le Democratic kan hluan

Republican hi Esther uartu le Democratic hi Benjamin uartu kan lo. Democratic hi khua zei thleidan nak feeling ngei lo bantuk um țung hi huat tlai tak ve mi cu an si. Dinnak ngai ngai țanh lem lo i IS hna, minung pei an si ve cu ti i vaa dawt ter ngai pawl khi an style a si.  Esther caah vote kong kan chim cun sawi tu kan tong ngai. Nain Benjamin caah an chim lawng si loin Kalay ah heh tiah Sim Card tiang phawt in mi an lemnak kong tu ahcun ho hmanh sawitu an um lo. Aruang cu falam pawl kan tluk lo nak hna a lang. Falam a ho sin le a ho media group or personal BF zong ah Esther vote nak kong an chim lo.

Pakhat hnih a chim an um hmanh ah Benjemin tang ah an chiah. Ziah tiah cun a ho an lung hmanh ah vote an i tim lo reng reng caah a si ko. Nain kan nih Hakha tu ahcun Benjamin vote nak kong le uarnak kong heh tiah group he parivate fb timeline ah kan post i kan hlawi lulh cio. Esther thangthat deuh le fak deuh hmanh aa pomter lomi kan tam. Mipi nih a nih pa or nu cu pengtlang lungput a ngei lo van ka ti hna seh ti khi an si. Nain kha kha falam na tluk lo nak a lang. Rangsa cu ei phung a si lo tiah cawn piak nan hauh lo bantuk in Falam caah cun Esther vote hlah uh ti zong kha cawn an herh lo. Cucaah an media ah buai awk a um lo. A ho falan hmanh nih group ah post in vote uh tiah an ti nak pakhat zong a um lo. Zapi nih nuhrin thluak in tuah awk an hngalh cia khi a si.

Mah peng nih mah peng vote kong ah kan rak buai ngai mi hi, buai awk um lo khi a si tiah kawl doctor ka hawipa nih a ka ti. Kawl ram ahcun peng myo cu zathum zali pei um cu a ti. Nan mah “Laimi” cu chim hlah, Mandalay Zitidip peng in a aw “Laimi😂” te aa zuam ve i, dan judge pawl vel ah top ten a lut ve, mah pa te cu an peng pumpuluk bak in nu thlu lo, pa thlu lo in vote an pek ve ko a ti. Nain a tla hma sa bik a si. Cu pa te cu a va tlung i an peng pumpi nih an rak don ko a ti. A dang a tang mi peng myo vialte a za le za tu nih pei mah le uar tak mi cu mee pek phung a si ko cu a ti.

Hakha peng pawl hna nih maw Aye Myo Phyu bang hna vote an pek a ka ti i, aw tiah ka ti cu, hahahaha, Laimi hi nan idea rak niam tuk hi, hlen nan nuam tuk lai nan lung put te cu, hla sak thiam zong nan peng in an chuak duh ti lai lo a ka ti ko. Idea niam cu a si lo, fim kan i cuh bia a si ka ti i, a herh lo nak ah cu pei Idea niam cu a si cu a ti. Nain ziah nang vial na lungput hi cakei pei a lawh ko hi, hlen cu chim hlah a uk bak in na ka uk hi, Hakha dang teh an si ve lo maw a ka ti i, kei mah bantuk in Hakha ah Bawi Lungput a ngei mi thong khat um u sih law AA le Kawl ralkap nih țih bik le upat bikmi miphun kan si lai si ka ti ve. Mifim le Tlangcung ah zei dah cang ti a hngal ve mi a si tikah ka chim duh mi a pemh colh.

Mah peng le mah naih niam vote pek kha US hmanh ah an kalpimi a rak si ko e ti a si. Laimi, a hlei in Hakha le Thantlang peng fim kan rak i cuh a luan deuh caah a si e ti a si. Mah peng le mah naih niam vote awk a um lo cun mah state chung pa vote pek kha kalphung a si ko ti a si. A thong za, peng dang le state dang tu nih khan ho peng le state ti um lo in an vote lai i a si ko ti a si. Cucaah Kalay peng ah Benjamin vote caah simcard phaw le mipi lemsoi le tukforh in an cawl mi zong hi a rak palh lo. Kalay lawng a si ko caah Kawl le Falam le dang nih cun an myo ai awh a si caah lem hau lo hmanh in an vote awk a si ko.

Kalay Hakha pawl nih cun Esther khi an myo ai awh a si lo nain an vote ding khi a si. Nain kan chim cang bang fim kan i cuh a luan deuh i, US nak in kan luan deuh sual i cu bantuk bia chim cu Democratic Hillary le Black Bama te pawl rem ci a si lai lo caah za rih seh law, Esther vote cio ve ko usih Republican pawl nih cun.

Note: : Falam pawl, Hakha cu e tiah au hram hlah uh. Benjamin a dirpitu le uartu hi Hakha chung ah an um lo ruangah si loin an tam tuk ruang ah hi bantuk a chuahnak hi a rak si deuh. Nan nih ahcun Esther uartu le dirpi tu pakhat te zong nan um lo caah a buai lo law law i a si. Nan țhat tuk bia ah a si lem lo e. Top Ten thimnak bak ah vote tam bik in a hruaitu hna a si ko khah. A thiam lomipi va uar ve u ti khi a si lo. A thiam bak ko mi uar lo cu ruah phu ngai khi a si.

Credit: Sang Bawi

Leave a Reply

Your email address will not be published. Required fields are marked *