Japan Cumpit tlangrai Sii Avigan a min thang

tulio zawtnak Corona Virus kong ah thiam cang hna nih thlopnak ding caah Si biatak tein an ser hna. minung takpum zong ah hniksaknak tha tein an tuah len cang, Corona Virus hrik nih a temtawnmi hna midam lo cu Japan nih ser chuahmi si nih nili chung ah a dam bak hna tiah theih a si. Salai C Alexander nih “Japan Fujifilm Holdings Group tang in Fujifilm Toyama Chemical nih cumpit tlangrai damhnak caah an chuahmi Avigan timi sii cu Tuluk ram khuapi pahnih chung i Coronavirus nih a tlunhmi hna cungah hneksak duh ah, an dinh hna, Ni 4 ahcun piang huar in an dam ti an hmuh, An dam lawng si loin cu Avigan Si cu Sii dangdang nakin side effects  a ngei lo, a thianghlim bak tiah an thanh. Avigan nih  Covid-19 a damh khawhnak kong cu vawleicung media nganpipi nih an thanh lulhmalh ko cang.” tiah a tial.

US President Donald Trump (C) and his White House physician Dr. Ronny Jackson (L) listen as US Secretary of Veterans Affairs David J. Shulkin speaks about new technology used by the Department of Veterans Affairs during an event in the Roosevelt Room of the White House August 3, 2017 in Washington, DC. / AFP PHOTO / Brendan Smialowski (Photo credit should read BRENDAN SMIALOWSKI/AFP via Getty Images)

Corona-virus le Khrihfa Zumhnak: Tulio kan vawleipi cu damlo ngai in thinphan thlalaunak in COVID-19 ruangah kan khat dih. Atu tiang minung 6,000 fai an thi cang. Zawtnak hrik a kaimi nikhat hnu nikhat an tam chin. Tihnung le zualhmat a phanh caah chawhlehthalnak a hnuarsuan, fimcawnnak le biaknak tiang a hnursuan cang. Cucaah mibu in tonpumh le um zong khap le thlauh a si cang. Daily Chin Star News nih a langhter ah cun, Austria-5, Australia-100, India-50 le US-10, hi hna nak tam minung nan ipum lai lo ti bak si cang. Aruang cu a mi zei hmanh hi khoika kan kal, zei kan tuah tibantuk hngalh kan si lo caah minung tampi iton hi tih a nung an ti caah a si. Phun dang in kan chim ahcun cozah nih biaknak an doh lo, Pathian thangthat an kham lo, minung lunun ngamdamnak tu kha biapi ah an chiah i zawtnak tu an doh. Hi bantuk awlokchon vansan caah Pathian i bochan hi lam kan ngeihchun a si, Pathian cu kan damnak taktak zong a si caah lungthin kekkuai in bawmhhal cu thil tha tuk a si.

Sinain Khrihfa kan zumhnak ningcang loin hman sual hi thil dik cu a rak si lem thlu lo. Baibal chung ah zawtnak tihnung in mithi an tam liangluang. Zumhnak an ngeih caah Jesuh kutcak in a dammi tampi an um (Jesuh mihring vawlei a um lio). Zultu le Paul chan hna zongah damnak hmumi tampi an um. Nihin thiang Pathian kutcak hi damlo ngorfen nunnak ah ai langh tikah damnak a um ko. Al awk tha lo a si. Sinain tulio kan dirhmun lung in kan zumhnak hi Baibal muru he ai kalh deuh in kan kalpi mi ruah ah thil dik a si lo hlah maw tiah khua a ka ruahter ngai. Aruang, zumtu kan si i COVID-19 zawtnak ruangah Pathian thangthat kan i donhter le pumh khawmh lo um cu a si si lo mi, Pathian nih pei a kan khamh ko lai cu tiah, a aupi mi nan um len. Tuak hmanh u, Laimi cu kan diklak in Khrihfa kan si kan ti theu, sinain hnam ngei tampi kan um fawn. Kan Khrihfa sinak, zumhnak nih khuachia riantuannak a kham lo tinak a si.

Cun kan palh theu rih mi cu, Mark thawngtha dal 16 donghlei kha i tlaih le cherhchan riangmang in zumhnak a ngeimi nih cun sivai ngei rul an tlaih i a sivai an din hmanh ah zeitihmanh in an um lai lo kan ti. A taktak le ngaingai ah cun nihin tiang hi zumhnak ruangah rul cuk in a thimi an tlawm ti lo, pastor te ko hi an tam. Chim duh mi cu, kan zumhnak hi fekte tlaih kha a biapit ko bu ah, ningcang lo in zumhnak thawn hi thil dik a rak si tawn lo ti kha ka chim duh mi a si. Cun kan hngalh ding mi cu Pathian riantuanning hi dengteo (direct) in amah aw le kut hmang in mi a kan bawmhchan tawn lo caah minung maw thil dang hmang in ai langh caan a um. Phun dang in kan chim ahcun, tulio zawtnak in na luat khawhnak ding lam cu hi zawtnak a riantuanning a hngalfiang mi hna nih ruahnak cheuhmi cohlan le nawlzulh kha Pathian nih a kan khamhnak a rak si kho ko.

Nawlngai loin zawtnak a ngeimi sinah va thudir hmanh na kai colh ve ko lai. Khrihfa ka si, Pathian ka zumh caah a ka khamh ko lai na ti men hnga, sinain cu na zumhnak ningcang loin na hman caah an khamh lo kho men (Khuaruahhar Pathian riantuanning kan hngalh lo bu ah). Cucaah Pathian le nangmah pumpak nan i pehtlaihnak kha hi zawtnak nih in hlatter hlah seh, sinain na zumhnak i bochan in raltha tuk in um fawn hlah. Na ralthatnak nih na zumhnak kha a bawm kho lai lo. Nangmah zong an chanh kho lai lo. Pathian nih kanmah thlopbultu le bawmchantu ah kan umnak vawlei ah a chiahmi sibawite nih a tha tiah, ruahnak an in cheuhmi tu kha zul ko, cucu na himnak bik a si lai. Credit: Carson Tin Twin Oo

Australia Prime Minister Scott Morrison nih Ramleng Chuah A Phih:Australia ram dirhka in a voikhatnak ramleng chuah lonak ding zulh phung cu nihin ah Prime Minister Scott Morrison nih a thanh. Vawlei cung tuanbia doi tik ah zawtnak ruang ngaingai ah zaanglek celhnak ( Sports) thon dih, mi bupi tonnak le Biakinn ah pumhnak khar tiang sining (Level) hi kan phan bal rih lo. Tutan hi kan voikhat tonnak a si. Hmailei ah tong hram ti hlah u sih kan ti zong ah chim awk a tha lo mi thil a si. Minung ruahnak in hi tluk reng in kan ton lai tiah ruah bal lo mi a reng tukmi thil a um tik ah kan vawlei cu launak thawngpang nih aa zelh.

Australia ram ah milu 26 millions kan um I cu chung ah the Sydney Morning Heralh langhter ning ah minung 560 leng nih coronavirus an ngei i minung (19) an ti cang. Vawlei cung pumpi huap in minung 197,146 leng nih hi zawtnak hi an ngeih cang. 200,000 kan phan zau lai tiah an chim cang. Nihin tiang ah hi zawtnak ruangah mual a liam mi minung 7,905 leng an si cang. Minung 197,146 chung ah minung 80,840 leng nih damnak an hmuh cang. Minung fimnak le thiamnak cu a sang chin lengmang. Kan fim chin lengmang nain Pathian thil ti khawhnak , fimnak le thiamnak cu minung thil ti khawnak, fimnak le thiamnak nih a phak lo zia hi hi zawtnak hmangin theih cu chim hau lo a si.

Ka lung chungte ah a chuak tukmi Bible cacang cu “Tlang khi ka hei cuan i, khuazei in dah bawmhnak ka hmuh lai? Ka ti. Bawmhnak ka hmuh ding mi cu Bawipa sinin a ra lai, van le vawlei sertu a si mi sin cun a ra lai ( Salm 121:1). Prophet Ezekiel sin ah Pahtian bia a ra mi cu , “ Ram cu rawk lo dingin chanhtu dingah, a pemnak ah cun ka hmai ah a dir kho I a phit khotu ding annih lakah ka kawl hna I ahohmanh ka hmu hna lo,” ( Ezekiel 22:30). Paul nih Timothy sin ah siaherh ngai in ca a kuat mi cu, “ Daite le remte in kan um i kan biaknak phung kha tha tein kan zulh khawh I ziaza tha in kan um khawhh nakhnga, a hmasa bikah siangpahrang hna le nawl ngeitu hna caah khan Pathian sin ah nawlnak le thlacam piaknak le halpiaknak le lawmhnak bia chimnak kha kan tuah awk a si tiah fial kan duh hna,” ( 1 Timothy 2:1-2).

Nihin ah zumtu a ti mi nih kan tuah dingmi rian cu kan vawlei a rawh lonak ding ca le kan mifim thiam sang hna nih damnak sii-ai an hmuh khawh nakhnga zeizong vialte tuah khotu le zeizong vialte ngeitu Pathian sin ah thlacam kan herh tuk lio caan a si. I do believe that there is a dynamic power in prayer!!! All friends around the world, would you like to kneel down right now and pray for our world!Credit: Pastor David Van Dawt Thang

Leave a Reply

Your email address will not be published. Required fields are marked *