Israel Ralkap Bantukin A Thancho A Rang Mi AA Hriamtlai Phu Kong Theihtlei Pawl

AA cu Arakanese (Rakhine) Mino 26 nih 2009 ah, KIA zungcho Laizar ah Tun Myat Naing hruainak in rak dirhmi a si. 2009 ah mino 26 te lawng nih rak dirhmi a si nain a tu 2020 ahcun ralkap 10,000 leng kai an si cang, kawlram tlangcung ralkap phu vialte lakah a nganbik chang ah an i cang cang (Wa ralkap lawlawng anmah nak ngan an si cang). Wiki nih a tial ning ahcun ralkap 20,000 an phan tiah a ti. AA hi an ralkap an tam lawng siloin an hriamnam hmanmi zong hriamtlai dangnak in an tha deuh. Kum 10 tluk hriamtlai phu nih hi tluk hriamnam thatha an i damh/cawk khawh mi hi khuaruat kho deuh poh cu a khuaruahhar lomi an um lo. AA nih Barrett MRAD sniper rifles pawl an ngeihmi hmuh khawh an si. Hi bantuk sniper pawl hi cu Israel, Norway le Netherlands border gurds pawl nih an hmanmi an si i, black market ah a tlawm bik $ 10,000 an si. Cu bantuk sniper hna cu khuazei in dah an cawk hnga tiah mi tampi an khuaruah a har ngai. Cu lengah hriamtlaiphu caah $ 10,000 cu a tam taktak mi a si.

Micheu nih Khuki hriamtlai sinin an cawk lai tiah an zumh.Cu lawng hlah US-made M60 machine guns zong zeimazat an ngeih fawn, hi zong hi black market ah a tlawm lei in $ 10,000 hrawng man a si ve. M60 Machin gun cu April 2018, 9th annaversary an tuah lio ah hmuh khawh a si. A dang cu KIA, UWSA le China nih sermi hriamnam pawl deuh an hman hna. 2016, Lt-Col Aung Myat Kyaw (AA hriamnam cawtu) an rak tleihlio ah khan anti-aircraft machine-gun bullets pawl zong tampi an rak tleih chih. Anti-aircraft machine-gun pawl zong an ngeih hna tinak a langhter. Lt-Col Aung Myat Kyaw nih biaceihtu sinah a rak chimmi cu AA caah rocket-propelled grenades (RPG), RPG warheads, TNT dynamites le mines pawl cu keimah ka motor in le Bulic Bus hmangin voi 30 leng ka phorh cang tiah a chim.

Ralkap 10,000 leng nih nifatin an eidin awk, an thilthuam vialte pin ah nifatin tiawk in Rakhine ram ah ral an tuu. Nikhat ah 10 millions ks an za lo men lai. Hi vialte caah hin khuazei in dah phaisa an hmuh hnga? An hriamnam vialte cawknak caah hin khuazei ah dah phaisa an laak hnga? Cun AA chung in sianginn peh a duhmi an um ahcun an siangin kainak an liam piak dih fawn hna. Rakhine ram in AA luh a duhmi an um ahcun tlunkalnak vialte an rinh rih fawn hna tiah theih a si fawn.

AA Nih Phaisa A Hmuh Ning: Kawlram cozah le ralkap nih cun rithaisi zuarnak in phaisa an hmuh tiah an zumh hna. Nain cucu U Khing Thu Kha nih fak piin a el, “AA nih rithaisi kan zuar bak lo” tiah a chim. AA nih phaisa an hmuhnak cu an mipi sin lawlwng in a si. Rakhine miphun chung in ramdang um mi vialte nih thla fatin te AA caah thawhvo an ngei cio ti a si. Cun, Kawlram chung um, Rakhine mirum pawl nih punghman in phaisa zeimazat an hlut lengmang hna. A hlei khun in mirum hna nih an birthday caan ah AA sinah phaisa an hlut tawn i, micheu nih voikhat ah 10 millins kyats tiang an hlut tiah Irrawaddy nih a rak chim bal. 2017 lio ah kawl ralkap nih Palewa ah Vanlawng in an rak kah hna An mirum pawl nih Vanlawng kahnak cawknak caah phaisa tam pi an rak pek hna. Lt-Col Aung Myat Kyaw an rak tleih lio ah khan a bank ah AA phaisa 40 millions kyats leng an rak tleih chih.

Rakhine Miphun Pi Nih 100% In An Support Hna:1962 hnu in Rakhine miphun nih ralkap thawngtha an ngeih hmasabik mi an si caah 100% in an cohlan hna. AA hlan ah Arakan Liberation Army an rak um ve ko nain Rakhine mipi nih zei ah an rak rel hna lo. Dr Aye Maung hmanh nih AA cu a cohlan hna i, Tun Myat Naing cu hmailei Rakhine ram sersiamtu a si lai tiah a ti caah kum 20 chung thongthlak zong aa huah. Rakhine politicians dihlak nih AA cu an tanh hna. Rakhine nulepa cheukhat nih cun an fa le hmanh kha AA lut dingin an forh fial hna tiah Irrawaddy nih a rak tial bal. Tuning te i lungrual tein an tanti ko ahcun nikhatkhat ahcun hlawhtlinnak an hmuh hrimhrim te lai tiah zumhnak ka ngei.Credit. Pu Tha Ceu Lian

Leave a Reply

Your email address will not be published. Required fields are marked *