Hakha ah CHRO hram bunh in Northern Chin State Peng 5 ah riantuan kan I thok lai.

Pathian nih arem a ti ah cun Hakha ah CHRO hram bunh in Northern Chin State Peng 5 ah riantuan kan I thok lai. Tu chun ah kan partner asi mi International Organization for Migration (IOM), Pact Global Microfinance Fund (PGMF), UN Livelihood and Food Security Trust (UN LIFT), le cozah lei in Ministry of Labor, Migration, and Population he riantuan ti ding in min kan thut. Cuhlan vialte nan kan dirkamh ban tuk te in rak kan dirpi, rak kan kilh kamh rih ko u.

Image may contain: 9 people, people smiling, people sitting, table and indoorRam leng ah CHRO cu kumkul leng kan Chin miphun kong a si khawh tawk a tuan hnu ah kan khualipi Hakha ah kan rak tlung Lai. Hakha CHRO cu Pu Van Biak Thang nih a kan hruai lai. Pu Van Biak Thang hi London ah Sianghleirun a kai i degree a lak hnu ah kan ram ah a rak kir than mi asi. England a um lio ah Rotary Club nih minthat nak roca le “gold medal” sui hutmi hngawng awih an rak pek mi hruaitu tha asi. Zingnu Pathian nih lam kan hruai hram seh.Credit: Salai Bawi Lian Mang.

US president Donald Trump Cu Democrats pawl nih biatak tein kum thum chung a sual an kawl hnu ah President In dawi dingah US biaceih zung sangbik Senate ah an chuahpi. Sual an phawtnak hi pahnih a si. Nawlngeihnak Ningcang lo in a hman (Abuse of Power) ti mi le Conggress a doh ( Obstruction of Gongress) tiah sual an phawt. Sihmahsehlaw vote an van thlak taktak cu sual an phawtnak pakhatnak ah minung 48 nih a sual an ti. minung 52 nih a sual lo a ti ve caah teinak a hmu. Sualphawtnak pahnihnak ah minung 47 nih a sual an ti. Minung 53 nih a sual lo tiah an ti than caah US president Donald Trump nih Sual an phawtnak case ah teinak a hmuh. Senote ah vote thlami minung 100 chung ah minung 67 nih a sual ko an ti lawng ah President Donald Trump hi President sinak ah dawi khawh le thiam lo can ter khawh a si.

President Donald Trump hi Democrats pawl nih baitak tein Sual an kawlnak ah West Virginia Senator a tuanmi Joe Machin nih a sual ko tiah vote a thak caah Donald Trump nih mah ti hin ca a tial, President Donald Trump Nih “ka khuaruah a harmi le ka thachiat ka lungsi lo ngaimi cu Senator Joe Manchin of West Virginia nih Vote peknak in a ka doh i Democratis lei tang in sual a ka phawtmi hi a si. Keimah bantuk in Westh Virginia mipi caah rian a tuanmi president an um lo.” tiah a chim. Credit: Donal J. Trump

Image result for President Donald Trump vote result In Senote

Naite ah Lainu pakhat cu a nu le pa US ah laak a duh hna ii, ka sin ah ruahnak a rak ka hal. Trump a rak ttanh taktakmi asi. Ka theih ziarmi asi. Kawlram visa ban policy kha direct in amah cungah a vun tlaak ve hnu lawngah a lungfiang ii: “Trump cu aa kan hloh bak ko, a poi bak ko si,” tiah aa ka chimh. Pakhat pa zong Kawlram ah nupi a tthi. A nupi laaknak a tuah. Kawlram visa ban ruangah fawi le bai ah US a ra kho te lai lo. Trump a ttanh ngaimi asi ve. Cu a uarmi Trump policy nihcun direct in a vun deen ve cang. A lungrethei ngai ve, zeitindah zaangfahnawlnak (waiver) kha, a lam um te hnga maw, tiah ruahnak a vun ka hal cia. Trump policy nih direct in amah a vun deen ve hnu lawngah a lungfiang.

Pakhat pa cu green card a ngei cangmi asi. Zudin lonak hmun zudin ruangah voi thum an tleih cang. Trump a ttanh ngaimi asi. Voi thum case a ngei cang ii, Kawlram ah an ka kua sual te hnga maw, tiah a thingphang cia cang. Atu ceo ah Trump policy a lungfiang..🙂 Chim ding tampi a um. Visa ban, ralzaam kham, mipeem le sifaak zawn a ruat lomi policy nih aa kan deen tikah ahhin, diriam ngai le awl-zaang ngai in bia kan chim sual maw?

Atulio hi U.S. sipuaizi a ttha. Rian a tam. Kan rian a sinpi ko, ti-in kan hna-ngam tuk sual maw? Kum 2008 ah US sipuaizi faak tuk in a tla. Company tam tuk an khar, rianttuantu tampi an dinh ter (lay off) hna. Rian a rak har tuk. Holh thiamlo ca le bang ahcun rian hmuh a rak har tuk. US ka phakka ah, chungkhar pakhat nih an rak ka chimh balmi cu, 2008 US sipuaizi a tlaak lio ahcun, kan nupa in ruahlo piin rian aa kan phuah (lay off). Ti-rawl ei-awk kong hmanh ah kan lungre a rak thei tuk. Food Stamp zungah kan va kal ii, ei-awk kan ngei ti lo, tuni bak ah naa kan pek hau, tiah kan va chim, a ti. Atu cu policy ruangah Food Stamp ngah hmanh a har chin lengmang cang.

Nihin ii, US sipuaizi a tthat, kan rian a sinpit bantukin hmailei zong asi peng lai, tiah chim khawh asi lo da-kaw. Atulio bantukin sifaak le mipeem zawn a ruat lomi policy nihhin, nangmah le na chungkhar zong direct in a vun deen ve caan a phan kho te da-kaw. Cucaah US ahhin sifaak le mipem zong zawn aa kan ruatmi hruaitu kan herh tuk. Pathian nih zeihmanh a tuah khawh lomi a um lo. Atulio kan president Trump thinlung zong a remh kho tu cu, Pathian asi. Zuumtu asimi nihcun amah ca zongah thla faakpiin kan campiak ding asi. Credit: Salai Van Dawt Ceu

 

Leave a Reply

Your email address will not be published. Required fields are marked *