Good Friday Ramkhel Tlangcung Cawnpiaknak

Ramrian Puaisa (Political Brokers) Good Friday Ramkhel Tlangcung Cawnpiak Nak, Ramdang kal le Sipuazi tama (Chaw zuartu le caw tu) Kong lawng ah; Puaisa timi Minung le biafang hi hman bik asi. Mah ngeichia le chawva tel lo bakin a miak kap (Thap) hnih in aco mi pa asi. Thil ser tu / Thil chuah tu / Cinthlak tu / le A caw tu Mirum pa (Company) hna sin in Kap (2) in miak nak ahmuh co ve ve. Ramrian le Cozah zong ah; Kawl party um mi pawl cu; Puaisa an si ve. Hlawk nak kap hnih ve ve in an hmuh. An rum chin I Hnawm kawp lo fa ah an I chuah beh. Mah nih policy le Tlaitleng, Mumal, Dundan, Phungphai, upadi, tbk zong ngeih aherh lem lo. A va ngeih zong le, an pom piak lai lo. An cohlan piak lai lo. An hnawn piak lai. Zeitintiah an mah kawl party policy, duhning, hruai ning, chimhrel ning, Usa pek mi, tbk tu kha miphun sin ah tlin ter ding in hlan chawm mi Puaisa an si cu tah.

Ramdang kong kan chimh lai lo. Kan nih kawl ram ahcun, Kawl party um bu in; kan tum zalen nak, Za Uk phung, Mah tein khua khan lairel nak, Chin miphun duhdim Nun, Chinram le Miphun Limhang cuaisan, Ramkhel ah a dam mi miphun, Duh nung mi le tlaih chan mi Mipi le mi bu pi sersiam, Mi kip le Bu kip tluk ruan nak, a ṭhancho zung zal mi miphun ah sersiam nak, Dindei nak he a khat mi le a nuam zung zal mi miphun sersiam nak, Sifah ko nain aa nuam mi si lo in, Rum bu le fim bu aa nuam mi miphun le Krifa bu sersiam nak, tbk hmuhco khawh asi lo. Chin Ramrian Kan tuanbia ning zong in asi lo. Tulio can zong ah a si lo I, Hmai lei caan zong ah asi te lai lo.

Cunglei kan langh ter mi hna hi; kan tum Zalen nak le pen nak cu an si hna. Kan duh tuk hrinhran mi duhdim nun cu an si hna. Hi hna vial te hi kawl party um bu cun; hmuhco khawh hrim an si lo. Zeitintiah Kawl party um Cozah hruai tu hna cu Ramrian Puaisa an si fam cu teh! Hmuhco cu chim lo, na ngei cia ko ko hmanh; chut le sungh in na um lai dakaw. Bianabia: Kanpelet I ka hawi pa hi tanghra (B) in a awn. Hmai kum aphi ṭhan nain a sung diam ai. A chimh mi cu: a nu ka ti lo, Ka UICO hmanh an I zam pi a ti.

Kawl party um bu in Lairam Duhdim nun ah ka sersiam lai ti cu, na ngeih cia chawva, Suingun, Thingram, Vawlei, nunphung, ca holh, Biak nak, kan lim hang, kan power, kan zumh nak, tbk lawng si loin, na Uico le na chizawh hmanh an I kal pi dih lai. Sipuazi le Business ah hin amiak a tlawm lai, Thil man a kai lai lo, Caw tu an I nuam lai, tbk an duh ah cun Zero channel or less channel timi; a kar lak um; puaisa umlo ding; or tlawm ter deuh; or Kuzale -1 hei ti; hna lawng an chiah cang. Cu caah Mipi I hlawk hna seh tiah Online shopping cu an thawk. Hman zia kan I palh ṭhan. Mi Eihmur nak tu ah kan hman ṭhan.

Cu caah a ra lai mi 2020 thimh nak tan ahcun; Bahu le Chinram kar lak Zero Puaisa asi mi; na miphun party le Palai pa kha; Lungṭhul loin vote cio uh si. Mirang phung tluk ah tuahding mi na tuah lawng ah na duh herh a tling lai ti asi. Na duh mi Zulh dawi hmasat loin, tuah ding mi tu tuah hmasat I zuam u sih. Cu ti kan tuah kho ahcun kan duh Ukpen nak le zalen nak cu kan hmai te ah hin an kan hngak ko. Kawl party na vote ṭhan rih ko ahcun, na target na nganh diam ko lai. Na khen hmanh ah a thi lai lo, Na hliam sawh kha asi lai. A hnu ah cun na meithal hmanh na puak ngam ti lai lo.Laimi kan cem ti si lo in LAI mi kan cung nung ve hrim ko ti ve cang ding in miphun party vote cio sih.

Miphun party le Palai cu Chinram le miphun caah Lamkaltu an si lai. Gospel thawngṭha (4) an phuang bantukin Chinram zalen nak Gospel Kan au pi lai. Chin mi vial te cu Fial tu Thiang thla rau le Bawipa / Bawi nu nan si te lai. Democracy timi Power from the People, Mipi sin in a rak luang mi phung zong tlin ter cia a si cang lai. Tulio cozah bantukin Democracy si ter I zuam a hau ti lai lo. Tulio cozah cu Power from Government and Above, ti asi caah Democracy asi ti lo. Anna sin uknak tu an hluan deuh. Amah thawng nung mi nih amah kha kan thlau tinak hnga lo miphun party vote cio ding kan sawm hna. Good Friday Sermon ai – ah ka rel piak hram ko u.

A lung lut mi le Aa manh mi lawng nih rel ding: Tcn Thingkep par ngeih tu (Chinmi); Puaisa a dot dot (1. Kan khua mirum pa. 2. Hakha mirum pa. 3. Mandali mirum pa. 4. Muse – Suili Kawl mi rum pa. 5. Ramri Tuluk mirum pa. 6. Tuluk mirum pa. 7. Sii chuah siam nak company, tbk. A ṭha tak tak mi si-ai phun phun, nunkhua sau nak sii, Nuva si nak thazang sii, Rul le Sivai khamh nak le thah nak sii, tbk in company nih an chuah siam. Tuluk Sii company nih cung lei kan langh termi Puaisa hna hmang in an hung kuat thluah mah in Chinram kan sin ah rak phan ṭhan. Puaisa vial te nih hin A chang chang in double thluahmah in an I ei thluahmah. Kan sin a phan hnu cun Tuluk I man fawi te kha, man fak pi pi an si cang.

Kan sin Thingkep par man fawi tein an cawk mi kha, Tuluk ah cun Suingun / Lungvar bantuk in a man a tam tuk ve cang. Cu caah nihin thil man a sang tuk / a kai tuk kan ti mi hi a chaw va man tak tak kha si loin puaisa man kha kan pek chin caah asi. Puaisa Pa khat lawng asi ahcun pa khat caah na pek chih cang. Puaisa 7 an um ahcun 7 man kha mipi nih kan liam chih cang. Company le mirum pa sin in an I miak mi zong a um ri fawn. Cu caah mirum kan ti mi hna hi mipi phaisa in aa cawm mi an si. Mi sifah ngeih chun mi ngunsawm le Kan buk bau kan ngei chia vial te cu mirum pa sin ah aa khawm suat tikah ngunsawm tawm pi ah aa chuah siam cang. Cu caah Pathian nih puaisa le mirum pawl a huat tuk hna mi hi asi. Jesuh kha Hakha khua Vancung pen nak kong chimh in leng ve seh law, Zakia rung ṭum tuah, Chin Cozah mirum Nak hna seh, a ti men lai. Kawl Party Um cu: Thingkep par Puaisa btk in miak nak, Power, Anna, Tokham hmuh le Cunngnung bik si duh ruang asi hen cu. Credit: Saya Rung Kaw.

  1. Аквариум HighLine 300 (белый) – Представляем Вашему вниманию Аквариум HighLine 300 (белый)Особенности продукта • Превосходное качество и привлекательный дизайн • Индивидуальная конфигурация тумбы и функциональные ящики • Спрятанные от глаз технические устройства благодаря сухой шахте и шлангам для подачи воды в фильтр “7 ФИЛЬТРОВ” – поставщик продукции, качество которого проверенно временем! – Аквариум HighLine 300 (белый)

    москва купить аквариум магазин,
    купить погружной насос аквариум,
    где купить рыбок для аквариума в москве,
    аквариум купить в рязани на авито.

Leave a Reply

Your email address will not be published. Required fields are marked *