Gambia Vs Myanmar:Rohingya ruang ah vawleipi nih kawlram a um ve ti an theih ve cang thil tha tuahnak ruang ah cun a si ruam lo.

Gambia Vs Myanmar:Rohingya ruang ah vawleipi nih kawlram a um ve ti an theih ve cang thil tha tuahnak ruang ah cun a si ruam lo. kawlram mi sinak in ning zong a zak ngai Daw Suh nih zei ti hawi in dah bia a chim ve lai ngaih a um ngai ko. Hi kong ah kawlram mi poh kan lung a tha cio lai lo ti cu a fiang, kanram kan a chuah tak cang mi kan si zong ah. A belte ruahnak zong a dang lengluang. NLD le Suh Kyi a uar lem ve lo nih cun ningzk in Daw suh cu ralkap dirkamh ah a va kal ngam rih hihi NLD le Dw suh dirhmun cu si ko tiah thlanglamh ngai in kan chimral. NLD le Daw Suh thanh ve mi nih hruaitu tha timi cu hi bantuk pei an si cu tiah ram caah nu saltha kan in dirpi tiah ti ve len a si.

Gambia nih kawlram taza a cuainak hi kawl ralkap thiltuah thatlonak tlangcung mi a kan tuahtonak le kan nuhrin covo pawl an kan chuhdihnak te hna hi telh chih in tuahmi sisehlaw zeitluk in dah lawmh awk um hnga? A tu ah tlangcung mi kan temhinnak pakhat te hmanh telhin loin Rohingya kong lawng te a si tik ah ruahawk um ngai. Rohingya cu zei miphun dah an si i zei biaknak a biami dah an si ti cu hngalh dih a si ko. Cu pin ah himi hna nih kawlram chung ah tlangcung miphun khat ah kan pawm ve hna seh ti an duh zong teih cia a si. Nangmah le keimah bantuk tlangcung mi cu an si maw na pom kho hna in ka pom kho ve hna hnga maw? Cu caah Gambia hi tutan kong ah a palh in a lang hi thil a chuahnak zong hi Gambia lawng a si in zumh um lo Rohingya biaknak a bia mi ram pawl kut chuak a si in a lang.

U S zong ah Donald Trump nih phung ninglo in a rak lut mi/um mi vial te ka thawl dih hna lai a ti ve bantuk in kawl ralkap naknalak ah Rammi si lo phung ningloin kawlram khua sa Rohingya pawl cung i a thil tuah hi cu tuah phu a si ko ti awk te khin a um. tutan taza cuainak hi Rohingya pawl an si caah an biaknak a bia mi hna nih biaknak thisa thawng ngai in an taanpi hna ruang ah a chuakmi a lawh ko caah, kawl ralkap thanh ah si lo in Rohingya pawl an palh ning cang loin kan ram an lut i kan ram Dimokarasi rim a nam cang maw tiah kawlram chung miphun phun khat ah kan bawm hna seh an timi hi a dik lo kan duh lo ti langhternak ah Daw Suh kan uar lem lo zong ah kan in dirpi ko hih tihi kan i thim deuh ding a si ko rua tiah lung ummi ka langhter ve.
Credit: Pa Hup

Leave a Reply

Your email address will not be published. Required fields are marked *