Forhfialnak le Theihtlei Rak Rel Than Hna Usih

Miphun tanhnak cu lainawnnak a si.Na sining bantukin an si lo ruang i na rem hna lo a si ah cun.an sining bantukin na si ve lo ruangah an in rem ve lai lo.Zumtu hna hi.tangka sal kan si dig a si lo.tangka tu hi kan sal a si deuh ding a si.I dohnak hmun ah teitu cu mi thawn/chak mi ti a si i,nain mah le mah a tei kho mi cu mi lianngan mi an si.Na zuamcawh mi tei dig lawngkha si lo in.na tuahkhawh mi ah a tha bik si i zuam.

I hlennak tihnung tuk mi pakhat cu.(muihmai) hi a si, Mitha hna thinhun tih a nung.cu nak in misual hna thinhun tih anung deuh rih. Na sining in langh ding kha i zahpi hlah, mah sining te ah lungawi khawh hi rumnak pakhat a si caah le Pathian nih kan sining te hi a duhmi a si caah.

Na pianthar/hrinthan a tlai ruang ah na ningzak in um hlah, pianthar/hrinthan tlai nak in hrinthan lo pianthar lo a pawi deuhmi a si. A nih zong a si ve ko,a ti lengmangmi hna khi midang siamthat a hngakmi an si, cucaah midang an i sersiamnak ding ahcun mah le mah i sersiam hmasa a hau.

I fimter tuk in,mah le mah i bochan in, i seihchiah tuk hlah na hrut ning langhtertu ding thil na ton te lai Pathian nih hi vawlei fimnak cu fimnak ah a chiah lo.Thakbere/hmakphek/hmahthak hi a chim in chim nak in a ei in ei ah a thakzia hi theih a si, cubantuk in dawtnak zong hi a chim in chim nak in a chungah luh, a ram ah um ahhin a sining theih deuh a si ve ti a si.

Pathian nihcun na phurh khawh lo thil an khinh lai lo, kanmah nihcun kan phurh khaw ding le phurh khawh lo ding kan thei lo asinain a nih nihcun a thei, cun Ngaihthiam hal ding tlak thil micung ah va tuah hlah.

Hi vawlei ah thil a fiangmi pakhat cu thih hi a si cucaah thih hnu ah khoika lei lam dah na panh lai kan panh ding a fiangmi lam pa 2 lawng a um cucu zungzal hremhmun le zungzal nuamnak, cucaah kan nunchung ah lam pa 2 thim ding Pathian nih a kan pek khoika leilam dah na thim ve lai na Pathian ton awk ah i tim tuah.(Amos 4:12)

Mi thinlung va hrawhpiak hna hlah, pakhat lawng a ngeih caah an thinlung hrawhpiaknak in an zeidangtu kha hrawhpiak deuh hna.

Leave a Reply

Your email address will not be published. Required fields are marked *